bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
Romans 4
Romans 4
ibibio
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 5 →
1
Nso-o ndin ke ñnyịn idiibo ke Ebraham, akpa ete ñnyịn ke abọkidem, akeayara abaña ñkpọ ami?
2
Akpedo, ke akpanikọ, ekenam Ebraham anen mme Abasi ato utom amọ, anye amaanie ñkpọ se anye akpedat awọk inua, ado idooho ke iso Abasi.
3
Nso-o ke ikọ Abasi atañ? “Ebraham amaanịm Abasi ke akpanikọ, ndin emaebat enọ anye nte adinenido.”
4
Ke editʌm ntañ, awo amaanam utom, awo ibatta akʌkutom amọ inọ anye nte enọ, ado edat nte unen amọ.
5
Nko, awo a-minaama utom ado anịmme ke akpanikọ Abasi atoppoke mme adidueehe ikpe, ebat mbuọdidem ammọ nte adinenido.
6
Ukem-ukem ami ke Defid abo idaha anye atañña abaña adidiọñ awo ake Abasi adatta nte adinenido ke esiooho mme utom efep.
7
“Afọfọn anọ mbon e-efeene mme ukwañ ido ammọ, e-efʌkkọ mme ndiọiñkpọ ammọ.
8
Afọfọn anọ awo a-Abasi mmiidiibatta idiọọkñkpọ idian inọ anye.”
9
Nte adidiọñ ami ana anọ mme andinịm mboppo ikpọọñ, me anyʌñ ana anọ mbon a-mmiinịmme mboppo ñko? Ñnyịn isʌk ibo ke emaebat mbuọdidem Ebraham enọ anye nte adinenido.
10
Ke nso-o ntak ke ekebat enọ anye? Me ke amaakenịm anye mboppo me mbemiso ekenịm anye mboppo? Ikidooho ke anye amaakenịm mboppo; akedo mbemiso!
11
Anye akebọ unịm mboppo nte idiọọñọ ye edisọọñọ adinenido, ke anye amaakenenie mbuọdidem ke ini awo mmiikinịmme anye mboppo. Ke ntak ado, anye nko ado ete mme afịd andinịm ke akpanikọ akpesʌk ado awo mmiikinịmme ammọ mboppo nọ atodo ebat adinenido enọ ammọ.
12
Ndin anye nko ado ete mme mbon e-enịmme mboppo; idooho ado kpọọñ, ado ado ete ñko anọ mbon e-esañake ke ñkpad isañ mme andinie mbuọdidem e-ete ñnyịn Ebraham akenieeghe mbemiso ekenịm anye mboppo.
13
Ikitooho ke ibed ke Ebraham ye mme nditọ ammọ ekebọ ikọ enwọñọ ete ke anye adido adiaakpa ederimbod, ado ato adinenido a-asañake ke mbuọdidem.
14
Sia adieke mbon e-edʌññọ ke ibed edoññoke adiaakpa, mbuọdidem inieeghe ufọn, ñko enwọñọ iwuọññọke ñkpọ.
15
Sia ibed adat ifiopesịd adi. Ndin, itie i-ibed mmiibaaha ndudue ñko ibaaha.
16
Ke ntak ami, enwọñọ adi ke mbuọdidem nọ anye ado ke mfọn anyʌñ ana anọ nditọ Ebraham idooho inọ ammọ e-enịmme ibed ikpọọñ, ado ado ñko anọ mbon e-ebuọttọ idem nte Ebraham. Anye ado ete afịd ñnyịn.
17
Kpa naña ewed: “Ami mmunam fiin ete uwak mme idịd.” Anye ado ete ñnyịn ke iso Abasi, anye akenịmme ke akpanikọ Abasi a-anọọhọ mme akpañkpa uwem anyʌñ akood mme ñkpọ ekediibaaha nte ammọ eba.
18
Ke unana idorenyen afịd awo, Ebraham ke idorenyen amaanịm anyʌñ akappa ado ete uwak mme idịd, kpa naña emaeketañ enọ anye. “Ntodo ke ubon mfo adiiba.”
19
Amaanwaña Ebraham ate ke ikpọkidem amọ amaakpakpa ke adibon ayịn sia anye akedooho awo isua ikie–ndin idịp Sera ñko amaakpa.
20
Kpa ye ado anye ikiyịkke enwọñọ Abasi ito ke unana adinịm ke akpanikọ, ado asọñọ ada ke mbuọdidem amọ anyʌñ anọ Abasi ubọọñ.
21
Anye amaanekke anịm ke esịd amọ ate ke Abasi anie adudu adinam se anye akeñwọñọ.
22
Ami ado ntak “ekebatta enọ anye nte adinenido.”
23
Mme ikọ, “ekebatta enọ anye” idoho anye ikpọọñ ke ekewet enọ,
24
ado mme ñnyịn ñko, a-Abasi adibat adinenido inọ ñnyịn, i-inịmme anye ke akpanikọ ke anye akenam Abọọñ ñnyịn Yisọs aset ke ñkpa.
25
Ekeyaak anye enọ ñkpa ke ntak idiọọkñkpọ ñnyịn enyʌñ enam anye aset ke ñkpa adʌk uwem ke adinam ñnyịn inen ye Abasi.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 5 →
All chapters:
1
2
3
4
5
6
7
8
9
10
11
12
13
14
15
16