bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
Romans 3
Romans 3
ibibio
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 4 →
1
Nso-o ido udoro, ndin, a-abaaha ke adido Yuu, nso-o inyʌñ ido ufọn a-asịneke ke adinịm mboppo?
2
Awak ke afịd usʌñ! Ke akpa ifed, eyaak ata ikọ Abasi esịn mme Yuu ke ubọk.
3
Yak ise ise, akpedo usʌk ammọ inamma akpanikọ-ọ? Nte unana edinam akpanikọ amọ ayaabiad akpanikọ Abasi?
4
Iyoo! Abasi adisʌk ido akpanikọ, akpesʌk ado afịd awo edoññoke mme asu nsu. Kpa naña emaekeweewet: “Man ato do ewọt ke afo amenen ke se afo atañ anyʌñ akan ke ini afo akpeeghe ikpe.”
5
Ado adieke mme ukwañ ido ñnyịn asiooho adinenido Abasi adaha anwa-anwa, nso-o ndin ke ñnyịn idiitañ? Nte ke Abasi inenne ke adiben ifiopesịd amọ idot ñnyịn? (Ami ñkama eniin ifiọk awo.)
6
Idooho ntodo! Akpedo ado ntodo, Abasi akpenam die akpe ikpe ederimbod?
7
Awo akeme ifaaña, “Edieke nsu-nsu uwem mmi anamma akpanikọ Abasi awuọ anyʌñ anam ubọọñ amọ akpon, ntak e-ekpe e-mbiommo ikpe nte anamidiọọk ñkpọ-ọ?”
8
Ntak a-mmiitañña-daña usʌk awo edot ñnyịn uyo ebo ke ñnyịn ibo “Yak ñnyịn inam idiọọkñkpọ nọ nti ñkpọ awuọ adi?” Ammọ edot ubiom ikpe ammọ.
9
Nso-o adido utịt iwuod ikọ ñnyịn ndin? Nte ñnyịn imifọn ikan ammọ? Idooho ntodo! Ñnyịn imiwọwọt ibo ke mme Yuu ukem-ukem ye mme Yentaid eba ke idak idiọọkñkpọ.
10
Nte emaekeweewet: “Ibaaha awo se inen, ibaaha awo ndomokeed;
11
ibaaha awo keed se ñkpọ anwaña; ibaaha awo ndomokeed a-ayemme Abasi.
12
Afịd etịmme edem ekpọñ, afịd ediana keed ekappa mme ñkpafi; ibaaha awo keed a-anamma eti, ibaaha awo ndomokeed.”
13
“Usʌñ itọñ ammọ adoñño mme ana inwañ udi; edeme ammọ enam abiaaña.” “Idiọọk ibọk udʌkikọd ayọhọ inua ammọ.”
14
“Mme inua ammọ ayọhọ ye nsue ye idiọkesịd.”
15
“Mme ikpad ammọ esọp ke adiduọk iyiib;
16
atahade ye ukuud eyọọhọ usʌñ ammọ,
17
ndin usʌñ emem ammọ idiọọñọke,”
18
“Uteñe Abasi ibaaha ke iso ammọ.”
19
Idahami ñnyịn imidiọọñọ ke se ado ado ibed ataña, atañ anọ mbon e-ebaaha ke idak ibed, nọ afịd ederimbod edisịne ke ubiire ikpe Abasi.
20
Ke ntak ado awo ndomokeed idooho adinen ke iso Abasi ke adinịm ibed; utu ke ado, ato ke ibed ñnyịn idiọọñọ idiọọkñkpọ.
21
Ado idahami enam ediọọñọ adinenido a-atooho Abasi, ke esiooho Ibed efep: Mbed ye mme Brọfed edoñño mme ntiense.
22
Adinenido ami ato Abasi ke mbuọdidem ke Yisọs Krais anọ afịd mbon se inịm ke akpanikọ. Ukpəghọ ndomokeed ibaaha ke ufọọd mme Yuu ye mme Yentaid,
23
sia afịd awo enam idiọọkñkpọ enyʌñ eduọọ ekpọñ ubọọñ Abasi,
24
afịd awo enyʌñ ekịt unen ke mfọn a-atooho adifak ake Krais Yisọs.
25
Abasi amaanọ Krais nte uwa a-akpeeghe asio awo ke idiọọkñkpọ ato ke iyiib amọ a-naaha ebo eto mbuọdidem. Anye akenam ami adiwọt ido amọ sia ke adiyọ amọ anye amaafeen mme idiọọk ñkpọ e-ekenamma ke usen edem, inyʌññọ imia ammọ ufen.
26
Anye akenam ami adiwọt adinenido amọ ke adaña ini ami, nọ anye anen anyʌñ ado andinam mbon awo enimme Yisọs ke akpanikọ anen.
27
Ke mmọ ndin ido ñwọkinua ñnyịn? Emaesio anye ado ifep. Ke ntak ake ibed? Me ke adinịm ibed? Iyo-o, ado ke ntak ibed a-yemme mbuọdidem.
28
Ñnyịn isʌk ibo ite ke awo anen ato ke mbuọdidem, ke abeehe adinam se ibed abo enam.
29
Nte Abasi ado Abasi mme Yuu ikpọọñ? Me anye idooho Abasi mme Yentaid ñko? Ih, ake mme Yentaid ñko,
30
sia adooho Abasi keed kpọd aba, a-adiinọ mme anịm mboppo ke mbuọdidem unen ye mbio a-mmiinịmme mboppo kpa ke ntak mbuọdidem keed ado.
31
Nte ñnyịn ndin ibiad ibed ke ntak mbuọdidem ami? Idooho ntodo! Utu ke ado, ñnyịn isọsọọñọ ibed.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 4 →
All chapters:
1
2
3
4
5
6
7
8
9
10
11
12
13
14
15
16