bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
Romans 7
Romans 7
ibibio
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 8 →
1
Ado nte ndufo idiọọñọke, nditọete, sia ami ntañ ikọ nnọ mbon e-ediọọñọke ibed, ke ibed akara awo ke ini anye abaaha ke uwem?
2
Nte uwọd-ñkpọ, ke ibed awonwaan ufọk ebe adiana mme ebe amọ adaña nte ebe amọ abaaha ke uwem, ado ebe amọ akpekpa, etat awoawaan ado esio ke ibed ndọ.
3
Ndin, adieke awonwaan ado aniehe ebuana ye awodeen mfen ke ini ebe amọ abaaha ke uwem, ekood awonwaan ado asịn efịbe. Ado adieke ebe amọ akpaaha etat anye esio ke idak ibed ndọ, ndin anye idooho asịn efịbe aba, akpekọm anye adọ ebe mfen.
4
Ke ntodo, nditọete mmi, ndufo ñko emaekpaaña ke ibed eto ikpọkidem Krais ma ndufo enie ewana ye awo mfen, anye a-akesette ke ñkpa, ma ñnyịn inwịm mfịd inọ Abasi.
5
Sia ke ini abʌkidem akikarake ñnyịn, mme ndiọi udọñ i-ibed akedemmeke ekeba ke utom ke idem ñnyịn, akenamma ñnyịn inwịm mfịd inọ ñkpa.
6
Ado idahami, ke adikpa nnọ ñkpọ se ikimʌm ñnyịn ikama ini keed e-etat ñnyịn esio ke ibed man ñnyịn inam utom ke ufa usʌñ ake Sịbidịd, idooho ke akaan usʌñ ake uwewed ibed.
7
Nso-o ke ñnyịn idiitañ ndin? Nte ibed adiọọk? Iyoo! Ado ke akpanikọ, ami ñkpediọọñọke se idiọọkñkpọ ado ke esiooho ibed efep. Sia ami ñkpekediọọñọke se isịnanyen ado adieke ibed mmiikpikibooho ntom, “Kuusịn anyen ke ñkpọ awo.”
8
Ado idiọọkñkpọ, ke edidat ifed a-mbed anọọhọ, asioño ke idem mmi mme nsio-nsio udọọñ isịnanyen. Sia emaesio ibed ifep, idiọọkñkpọ akpa.
9
Idaha ibed mmiikibaagha mmaadu uwem; ado ewʌhọ akeadi, idiọọkñkpọ adakka ada anie uwem, ndin ami ñkpa.
10
Ami mmaadikịt ke ado ewʌhọ ke idem amọ a-akpedatta uwem adi akappa adat ñkpa adi.
11
Ndin idiọọkñkpọ adat ufañ a-atooho ewʌhọ, ambiaaña miin, nko ato ke ewʌhọ ami ansịn miin ke ñkpa.
12
Do ndin ibed asana, ewʌhọ ñko asana, anen anyʌñ afọn.
13
Nte nti ñkpọ, ndin, akappa ado ñkpa annọ miin? Idooho ntodo! Ado ma ediọọñọ idiọọkñkpọ nte idiọọkñkpọ, anye adat ñkpa ansọk miin ato ke se ikifọn ma ato ke ewʌghọ idiọọkñkpọ aneke tʌm adiọọk.
14
Ñnyịn imidiọọñọ ke ibed ado ake sịbidịd; ado ami ndooho ake sịbidịd, e-ñnyam nte ifʌn enọ idiọọkñkpọ.
15
Ami ndiọọñọke se ami nnam. Sia se ami ñyem inam ami nnamma, ado se ami nsua, ado ke ami nnam.
16
Ndin adieke ami nnamma se ami mmeñyemme inam, ami mmenyịmme nte ke ibed afọñ.
17
Daña ñkpọ aba ami, idooho ami ke idem mmi nnam ami, ado idiọọkñkpọ adʌññọ ke idem mmi.
18
Ami mmediọọñọ ke etiñkpọ ndomokeed idʌññọ ke idem mmi, ado ado ke ñkpọ abod mmi. Sia ami mmenie udọñ adinam se ifọn, ado ñkanna nnam.
19
Sia se ami nnam idooho nti ñkpọ a-ami ñyemme inam; Iyoo, ado idiọọkñkpọ a-ami mmiiyemme inam–ado ke ami ñka iso nnam.
20
Idahami adieke ami nnamma se ami mmiiyemme inam, idooho ami ñka iso nnam ado aba, ado idiọọkñkpọ a-adʌññọ ke idem mmi anam ado.
21
Do ndin ami mmekịt ke ibed ami anam ke utom amọ ke idem mi: Ini a-ami ñyemme inam se ifọn, idiọọk ñkpọ ami iyakka nnam.
22
Sia ke ata esịd idem mmi ami mmenem esịd ke adinam ibed Abasi.
23
Ado ami mmekịt ibed mfen a-anamma utom ke idem mmi, a-anwanake ekọñ ye akikere mmi anyʌñ anam ami ndo awo ñkpakọb ibed ake idiọọkñkpọ a-anamma utom ke esịd idem mmi.
24
Nso-o utọ atịmede awo ke ami ndo! Anie idiimfak miin isio ke abʌkidem ubọk ñkpa ami?
25
Ekọọm anie Abasi, akefakka miin ato ke Yisọs Krais Abọọñ ñnyịn! Do ndin, ami ke esịd idem mmi ndo ifʌn nnọ ibed Abasi, ado ke idiọọk abod mmi ndo ifʌn nnọ ibed idiọọkñkpọ.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 8 →
All chapters:
1
2
3
4
5
6
7
8
9
10
11
12
13
14
15
16