bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
Romans 14
Romans 14
ibibio
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 15 →
1
Ndara anye a-mbuọdidem amọ amemme, ado ikiifaaña mme anye ibaña ñkpọ se isịne mfaaña.
2
Mbuọdidem awo keed akeme iyak anye adia afịd ñkpọ, ado awo mfen a-mbuọdidem amọ amemme, adia ñwịb kpọd.
3
Awo a-adiaaha afịd ñkpọ inaaha anye ase awo mfen a-mmiidiaaha ntodo ke ndek, ndin awo a-mmiidiaaha afịd ñkpọ inaaha abiooro ikpe anọ awo adiaaha, sia adooho Abasi adaara afịd ammọ.
4
Afo ado anie awo adibiire ikpe nnọọ ayịnufọk awo mfen? Sia ke iso eteufọk amọ ke enye ada me anyʌñ aduọ. Ndin anye ayaada, sia Abọọñ akeme inam anye adada.
5
Awo keed akere ke usen keed asana akan usen mfen; awo mfen akere ke afịd usen ado ukem-ukem, awo keed-e-keed ana anekke akere ayọhọ-ayọhọ ke esịd amọ.
6
Awo a-adatta usen keed nte akpan-akpan usen, anam ado anọ Abọọñ. Awo a-ataaha unam, ata anọ Abọọñ sia anye anọ Abasi ekọọm; ndin anye a-ammiitaaha, anam ado ñko anọ Abọọñ ndin anọ Abasi ekọọm.
7
Sia ibaaha awo ñnyịn ndomokeed aduuho uwem inọ idem amọ kpọd nko ñnyịn ndomokeed ikpaaha anọ idem ñnyịn ikpọọñ.
8
Sia adieke ñnyịn iduuho uwem, ñnyịn idu uwem inọ Abọọñ, ndin adieke ñnyịn ikpiinyʌñ ikpa, ñnyịn ikpa inọ Abọọñ. Ndin, me ñnyịn idu uwem me ikpa ñkpa, Abọọñ inie ñnyịn
9
Akedo ke ntak ami, ke Krais akekpa ndin atịmme aset adi uwem nọ atodo anye adido Abọọñ mme akpañkpa ye mme adu uwem.
10
Afo ndin, ntak a-afo akpeeghe ikpe anọ ayịnuka mfo? Ndin nso-o ido nọ afo asịn ayịnete mfo ke ndek? Sia afịd ñnyịn iyaida ke itie ubiireikpe Abasi.
11
E-wewet: “ ‘Ke naña nte ami nduuho uwem,’ Abọọñ abo, ‘afịd edọñ eyaetọọñọ ennọ miin, afịd edeme eyaetoro Abasi.’ ”
12
Do ndin afịd ñnyịn keed-e-keed iyainam ibʌk adinam ñnyịn inọ Abasi.
13
Ndin yak ñnyịn itre edibiom keed aken ikpe. Utu ke ado biire ke esịd mfo aditre adinịm ñkpọiduọ me ubiọñọ ke usʌñ ayịnete mfo.
14
Nte awo a-abaaha ke Abọọñ Yisọs, ami mmenịm ayọhọ-ayọhọ ke ndidia ndomokeed ideheke ke idem amọ. Ado adieke awo ndomokeed adatta ñkpọ ndomokeed ke ndek, ñkpọ ado adondek anọ anye.
15
Adieke ayịnete mfo akoppo ubiak ke ntak ñkpọ se afo adia, afo unamma aba ke ima akpesʌk akaiso adia. Kuuyak ato ke ntak ndidia mfo, afo aben nsobo asọk ayịnete mfo a-Krais akekpaaha anọ.
16
Kuuyak ekappa etañ idiọọk ikọ ebaña se afo adiọọñọ abo ke ado eti ñkpọ.
17
Sia abio ubọọñ Abasi idooho ñkpọ se ediaadia me se enwọ-nwọñ, ado ado edinenido, emem mme idadesịd ke Adisana Sịbidịd,
18
sia awo ake adodo ake anamma ñkpọ anọ Krais ke usʌñ ami enem Abasi esịd ndin mme awo enyʌñ ekpono anye.
19
Yak ñnyịn ndin inam afịd se ikan se idiidat emem idiinyʌñ inwam ke adisọọñọ keed eken idem.
20
Kuubiad ubọkutom Abasi ke ntak ndidia. Afịd ndidia asana, ado ifọnnọ awo adidia ñkpọ se ibiinam awo mfen atuak ukod aduọ.
21
Akpaafọn awo editre edita unam mme edinwọñ mmịn mme adinam ñkpọ mfen a-adiinam ayịnete amọ aduọ.
22
Ndin se afo anịm abaña mme ñkpọ ami yak ado ado ke ufọọd mfo ye Abasi. Afọfọn anọ awo a-miibioomo idem amọ ikpe ato ke se anye anyịmme abo ke afọn.
23
Ado awo a-anieeghe eyịghe ke esit ebiom anye ikpe adieke anye adiaaha, sia anye edidia itooho ke mbuọdidem, ndin afịd ñkpọ se anye anam e-emmiitooho ke mbuọdidem ado idiọọkñkpọ.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 15 →
All chapters:
1
2
3
4
5
6
7
8
9
10
11
12
13
14
15
16