bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
Romans 16
Romans 16
ibibio
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
1
Ami mmeben ayịneka awonwaan ñnyịn Fobe, dikịn ufọkabasi ke Sentre iwọt ndufo.
2
Ami ibo yak ndufo ebọ anye ke Abọọñ ke usʌñ a-adotto ke se mme ndisana awo ekpenam, enyʌñ enọ anye unwam akeadodo anye akeyemme sia anye ado unwam anọ uwak awo, ye miin ñko.
3
Kọọm Prisida ye Akwida, mme mbon nsaña utom mmi ke Krais Yisọs.
4
Ammọ emaenyịmme adiduọọk itọñ uwem ammọ ke ntak mmi. Idooho ami ikpọọñ ado afịd ufọkabasi eke mme Yentaid, ekọọm ammọ.
5
Ekọọm ñko ufọkabasi esisooboke ke ufọk ammọ. Ekọọm adima ufan mmi Ebenetus, a-akedooho akpa awo se ikappa esịd inọ Krais ke ñkanñkʌk idịd Esia.
6
Ekọọm Mmeri, a-akeasịnne ifịk anam utom inọọ ndufo.
7
Ekọọm Andronikos ye Yunia, mme nditọete mmi e-ekebaaha ke ñkpakọb ye ami. Ammọ edo mme awuọ-iso ke atu mme abọsịd, emaenyʌñ ediọọñọ Krais embemiso ami.
8
Ekọọm Ambriatọs, adima ufan mmi ke Abọọñ.
9
Ekọọm Ubanọs, awo nsaña utom ñnyịn ke Krais, ye mme ata adima ufan mmi a-Stakis.
10
Ekọọm Abedes, ke nsuukiwuod nọ Krais e-emaekedomo ndin ebieere ete ke afọn. Ekọọm mbon edooho ikọt ufọk Aristobudọs.
11
Ekọọm Erọdion, awo Yuu nte ami. Ekọọm ikọd ufọk Nasisọs e-ebaññake ke Abọọñ.
12
Ekọọm Trifana mme Trifosa, mme ibaan ado e-enamma akpọsọñ utom ke Abọọñ. Ekọọm adima ufan mmi Besis, awonwaan mfen a-anamma akpọsọñ utom ke Abọọñ.
13
Ekọọm Rufọs e-emekke ke Abọọñ, mme eka amọ, a-akedooho eka annọ miin ñko.
14
Ekọọm Asinkritọs, Frekọn, Emes, Batrobas, Emas, ye mme nditọete mbon ñko e-ebaññake mme ammọ.
15
Ekọọm Firọrọkọs, Yudia, Nerus mme ayịneka ammọ awonwaan, ye Odimpas ye mme ndisana awo e-ebaññake mme ammọ.
16
Ekọọm keed eken ke adisana ntʌminua. Afịd mme ufọkabasi Krais e-edọñ ekọọm.
17
Ami mmibeeñe ndufo nditọete, aditiñ anyen nse mbon e-esịnne ubakka enyʌñ enịm ñkpọiduọ ke usʌñ ndufo a-mmiisañake ke ukpeeb a-ndufo ekebọọhọ. Idiañña nsaña ikpọñ ammọ.
18
Sia utọ ibon ado inamma ñkpọ inọ Abọọñ Krais, ado enam enọ idọọk itọñ ammọ. Ke ñkara utañ ikọ ye nnem inua ammọ ebiaaña mbon enieghe mfefeere esịd e-mmidiọọñọke.
19
Afịd awo ekop ebaña nsuukiwuod ndufo, ndin ami mmekop ayọọhọ inemesịd ibaaña ndufo; ado ami ñyem ndufo ediọọñọ ñkpọ ebaña se ifọn ndin enana ndudue ke se ido idiọọk.
20
Abasi emem ayaasọp inuak Setan ke idak ukod ndufo. Yak mfọn Abọọñ Yisọs aba mme ndufo.
21
Timoti awo nsaña utom mmi, adọñ ekọọm inọ ndufo, ukem ñko nte Dusiọs, Yasọn ye Sosipato, e-edooho mbon Yuu ñnyịn mfen ñko.
22
Ami, Tetius, andiwet deta ami mmikọọm ndufo ke Abọọñ.
23
Keyọs a-ami ye mme afịd ufọkabasi idiaaha ukama isenawo amọ, adọñ ekọọm inọ ndufo. Edastus, a-adooho adaiwuod ke utom abio, ye mme ayịneka ñnyịn Kwaatọs, edọñ ekọọm inọ ndufo.
24
Yak mfọn Abọọñ ñnyịn Yisọs Krais aba ye afịd ndufo. Amen.
25
Idahami enọ anye a-akemeke adisọọñọ ndufo ke ikọ Abasi ye ke adisiak ntọd Yisọs Krais nte asañake akekem ke adiyaara ndedịbe akpanikọ e-ekedịppedịp ke mme uwak emana a-amaekeboiyo,
26
ado idahami eyaara enyʌñ enam ediọọñọ eto ke se mme brọfed ekewet a-atooho ke ewʌhọ nsi-nsi Abasi, nọ ato do afịd mme Yentaid ekpenịm enyʌñ esuuk iwuod enọ anye ke mbuọdidem.
27
Itooro anie Abasi ke nsi-nsi a-adiọọñọke afịd ñkpọ ato Yisọs Krais! Amen.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
All chapters:
1
2
3
4
5
6
7
8
9
10
11
12
13
14
15
16