bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
Romans 9
Romans 9
ibibio
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 10 →
1
Ami ntañ akpanikọ ke Krais–Ami nsʌhọke nsu, akikere esịd mmi asọọñọ ami ato ke Adisana Sịbidịd.
2
Ami mmenie ekandịk mfʌhọ ye nsinsi ubiak ke esịd mmi.
3
Sia ami ñkpaama ensueñ miin ke idem mmi enyʌñ eñkpịkke miin esio ekpọñ Krais ke ntak nditọete mmi, mbon a-nnyịn itooho ubon keed,
4
ubon Isred. Ake ammọ ado edidat ammọ nte nditọ amanaisọñ, ake ammọ edisana ubọọñ, mme adioomo, adibọ ibed, ukpono ke tembịd ye mme enwọñọ.
5
Ake ammọ ado mme nsọbom, ndin ato ke ammọ ediọọñọ nte Mesaya aketo adimana nte awo, a-adooho andikara afịd ñkpọ. Yak itooro anie Abasi ke nsi-nsi! Amen.
6
Idooho nte ke enwọñọ Abasi awuọ ikpu-ikpu. Ado idooho afịd awo se ito Isred edo mbon Isred.
7
Inyʌññọ ido sia ammọ edoñño nditọ Ebraham, awʌt abo ke afịd ammọ edoñño nditọ Abasi ñko. Ke editʌm ntañ, ñkọ nte ñwed Abasi atañna “Adiito ke nditọ Aisik edidiọọñọ ubon mfo.”
8
Ke editañ ke usʌñ mfen, idooho mme uduud nditọ abʌkidem edoñño nditọ Abasi, ado nditọ enwọñọ ke edat nte saña-saña ubon Ebraham.
9
Sia naña ekewet enwọñọ ado ado ami: “Ke ini amaakem Ami ñyaatịmme ndi, ndin Sera ayaanie ayịn awodeen.”
10
Idooho ado ikpọọñ, ado nditọ Ribeka ekenie ete keed ikpọọñ, ete ñnyịn Aisik.
11
Ado, mbemiso mme amanamba ado ekemana me edinyʌñ enam eti ñkpọ me idiọọk nọ uduak Abasi a-saññake akedʌk ke se Abasi akeamek asọñ ada.
12
Itooho ke utom ado ato ke anye a-akoodo–emaedọdọkkọ Ribeka ebo ete, “Akpan ayaanam ñkpọ anọ udo eka.”
13
Kpa nte emaekewet: “Yekọb ke ñkema, ado Isọ ke ñkesua.”
14
Nso-o ndin ke ñnyịn idiitañ? Nte Abasi inenne? Idooho ntodo!
15
Sia anye adọkkọ Moses, “Ami ñyaanie mbọm nnọ anye a-Ami nnieeghe mbọm nnọ, ndin Ami ñyaanie ekamba esịd mbọm nnọ awo a-Ami nniehe akamba esịd mbọm nnọ.”
16
Ke ntodo, idooho ke udọñ awo me ke edinwana adinam ñkpọ, ado ado ke mbọm Abasi.
17
Sia e-wet ke ikọ Abasi adọkkọ Fero: “Ami ñkudịppe fiin nnim nte Adidem ke ntak uduak ami, nọ ndiyaara adudu Mmi ke idem mfo ma anyịñ Mmi asuana ke afịd iso isọñ.”
18
Ke ntodo Abasi anie mbọm abaña awo se anye ayem inie mbọm nnọ, ndin anye anyʌñ asọñ awo anye eyemme isọñ esịd.
19
Keed ke atu ndufo ayambo miin: “Ndin nso-o ido ntak a-Abasi asʌkkọ akịd ndudue ke idem ñnyịn? Sia anie ikan ibiọọñọ uduak amọ?”
20
Ado afo ado soo, O awo edifaaña ikọ mme Abasi? Nte ñkpọ se ebod ayaakappa abo andibod anye ate, “Ntak a-afo ambotto miin ntom-o?”
21
Nte andibod ñkpọ inieeghe unen adibod utọ ñkpọ iba nto ukem mbad keed ñkpọ ubọọñ, ye adañado-adañado ñkpọ?
22
Yak diin, adieke Abasi akpemekke adiwọt ifiọpesịd amọ ñnyʌñ nnam ediọọñọ adudu amọ, ado ayọ ye akamba ime mme ñkpọ ado e-enọọhọ anye ifiọpesịd a-anye akebeeñeke idem edisoobo?
23
Ñko, akpedo anye akenam ami adiyaara amọ ke ubọọñ nnọọ ñkpọ ami anye aniehe mbọm abaña, a-anye akebakka adiọñ anịm edinọ ubọọñ,
24
kpa ñnyịn, a-anye amaakekood, idooho mme Yuu ikpọọñ ado mme Yentaid ñko?
25
Nte anye ataña ke ñwed Osiya: “Ami ñyaakood ammọ ‘ikọt mmi’ akpasʌkado ammọ immiidooho ikọt mmi; ami ñkọ ñyaakood anye ‘ima mmi’ akpasʌkado a-nye immiidooho ama mmi,”
26
ndin, “Ayaatịppe kpa ke itie e-ekebooho ammọ, ‘Ndufo idooho ikọt mmi’ eyaakood ammọ ‘nditọ aduuwem Abasi.’ ”
27
Aisaya abọọñ ke akpọsọñ uyo ke abaña Isred: “Akpesʌk ado nte ibad nditọ Isred ewakka nte ntan ke mben inyañ mme usatusʌhọ kpọd ke edinyaaña.
28
Sia Abọọñ ayaasọp abiire ikpe amọ ke ederimbod ama ukeed-ukeed.”
29
Ado naña nte Aisaya amaaketatañ: “Ikpiikiidooho Abọọñ Andikpon Ñkan akeakpọññọ ubon asʌhọ inọ ñnyịn, ñnyịn ikpiidiiba nte Sọdọm ñnyịn ikpiidiiba nte Komora.”
30
Nso-o ndin ke ñnyịn ibiitañ? Ibiibo ke mme Yentaid, i-diikiikeenekke adinenido, ebọ adinenido a-tooho ke mbuọdidem;
31
ado mbon Isred, e-ekeekeenekke ibed adinenido, ikanna inie anye.
32
Ke nso-o ntak? Sia ammọ ikiiyemme adinenido ito ke mbuọdidem ado nte ebo ke ato ke utom. Ammọ emaetuak ukod eduọ ke “itiad iduọ.”
33
Nte ewette: “Se Ami nnịm ke Sayọn Itiad a-anamma nọ mme awo ye ekandịk ye itiad a-anamma mme awo eduọññọ ndin awo a-anịmme anye ke akpanikọ ikemeke ikịt asuenne.”
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 10 →
All chapters:
1
2
3
4
5
6
7
8
9
10
11
12
13
14
15
16