bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
Romans 15
Romans 15
ibibio
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 16 →
1
Ñnyịn i-isọññọ adudu ke mbuọdidem akpena iyọ mme mbiomo mbon mmemidem ke mbuọdidem utu ke adinem idem ñnyịn esịd.
2
Ñnyịn keed-e-keed ikpana inam esịd anem mbọhọidʌñ ñnyịn ke adiyem ufọn amọ ye adinam amọ ekọt ke mbuọdidem.
3
Sia Krais ke idem amọ ikinamma ñkpọ isin ke se inem anye esịd ado nte emaekewet: “Mme usọñanyen ake mbon i-isọññọ ndufo anyen ekappa enduọñọ miin ke idem.”
4
Sia afịd ñkpọ se ekewet ke ini edem ekewet adikpeep ñnyịn, man atodo ato ke ukpeeb adinie ime ye adisọọñọ idem ke ikọ Abasi ammọ inọọhọ ñnyịn inie idodanyen.
5
Yak Abasi a-anọọhọ edu adiyọ ye adisọọñọ awo idem inọ ndufo ukem sịbidịd edibono keed ke atu ndufo naña nte Krais Yisọs akeaniehe,
6
nọ ato ke esịd keed ye uyo keed ndufo ekeme ediitoro Abasi ye Ete Abọọñ ñnyịn Yisọs Krais.
7
Iyịmme keed aken, ndin, naña Krais akinyịmme ndufo, nọ ato ke ado eben itooro enọ Abasi.
8
Sia ami ntañ inọ ndufo ke Krais akappa ado ayịnufọk mme Yuu ke ntak akpanikọ Abasi, nọ esọọñọ mme enwọñọ e-ekenamma enọ mme nsọbom mme Yuu,
9
ñkọ, nọ anam mme Yentaid etooro Abasi ke mbọm amọ. Nte ewette: “Ke ntodo ñyaautooro fiin ke atu mme Yentaid; ami ñyaakwọ ikwọ itoro nnọ anyịñ mfo.”
10
Ñko anye amaana atañ: “Idaara, ndufo mme Yentaid, ye ikọt amọ.”
11
Ndin emaana ewet: “Itooro Abọọñ, afịd ndufo mme Yentaid, yak afịd awo enekke etoro anye.”
12
Ndin Aisaya amaatañ, “Adʌñ Yesi ayaa awuo ada, anye a-adiidakka ida idikara ke afịd mme idiịd; mme Yentaid eyaenie idodanyen eto anye.”
13
Yak Abasi idodanyen ayọọhọ ndufo ye afịd idadesịd ye emem naña ndufo edot anyen ke anye, nọ ndufo ekpesʌk eyọọhọ mme idodanyen ke adudu Adisana Sịbidịd.
14
Mme nditọete mmi, ami ke idem mmi mmekịt nte, ke ndufo ke idem ndufo emeyọọhọ ye etiido, e-eyọọhọkke ye ifiọk ye ukeme adikpeeb keed aken ñkpọ.
15
Ado ami mmiwet ndufo ata uko-uko mbaña mme uwọdñkpọ, adimaana itoiyo ndufo ke abaña mme ñkpọ ami akañ mfen, ke ntak mfọn Abasi annọọhọ miin
16
adido akwọrọ ikọ Krais Yisọs nnọọ mme Yentaid. Anye amaannọ iso utom ake aku adisuan eti etob Abasi, nọ ato do mme Yentaid ekppekappa ñkpọ uwa inemesịd adisana Sịbidịd adiọññọ anọ Abasi.
17
Ke ntak ami ami mmetooro Krais Yisọs ke utom a-nnamma nnọ Abasi.
18
Ami ndiidomoke aditañ ñkpọ ndomokeed ibọhọke se Krais anam ama anto miin ke edidat mme Yentaid usʌñ nọ ammọ esuuk iwuod enọ Abasi ato ke se ami ntañ ñnyʌñ nnam,
19
ke adudu mme idiọọñọ ye mme ñkpọntịbe, atooho ke adudu Sịbidịd Abasi. Ndin tọọñọ ke Yerusedem tutu akaana afịd akeawuọ Idirikọm, ami mmesuan etop eti mbʌk Krais ayọhọ-ayọhọ.
20
Asʌk asido udọñ mmi adikwọrọ eti etob Krais ke itie nte awo mmiikidiọọñọke Krais, mbaak ami ndibọp ke itiad idakisọñ awo mfen.
21
Ado, naña ewed: “Mbon a-awo mmiikitañña inọ anye eyaekịt, ndin mbon a-mmiikikoppo eyaenie ifiọk.”
22
Ami ado ntak uwak ini se ikimbiọññọ miin adidi adikịt ndufo.
23
Ado sia idahami mme itie mfen ibaaha se ami nnam utom ke mme ñkanñkʌk umi, nko sia ami mmaanienie udọñ ke uwak isua adidise ndufo,
24
ami mmenie akikere adinam ntodo ke mmaaka Speen. Ami mme dodanyen adidi adise ndufo ke idaha ndiiboiyo do nko ke ndufo eyaenyaaña ke isañ mmi, ke mmaakekop inem ke atu ndufo ke etək ini.
25
Ado idahami, ami ñka Yerusedem ke ntak utom mme ndisana ikọd Abasi ke udo.
26
Sia Masidonia ye Akaya emaenem esịd edikeene nsịn ubọk ñnwam mme uwueene ke atu mme ikot Abasi ke Yerusedem.
27
Ammọ emaenem esịd adinam ami, ndin ke akpanikọ ammọ ekama ikọt Abasi ke Yerusedem isʌñ. Sia adieke mme Yentaid ekeewanake ke edidiọñ ake Sịbidịd ake mme Yuu, ammọ ñko ekama mme Yuu isʌñ ke ediwaana mme enọ ederimbod ammọ ye mme Yuu.
28
Ndin ami mmaakweeñe iso utom ami, ñnyʌñ ñkịt ke akpanikọ ke ammọ ebọ enọ ami, ami nyaadiise ndufo ke usʌñ a-ami nsaañake ñka Speen.
29
Ami mmediọọñọ ke ini a-ndiidi ndise ndufo, ndiidi ke ayọhọ udomo adidiọñ Krais.
30
Ami mmiikpeiye ndufo, nditọete ke ntak Abọọñ Yisọs Krais ye ke ima ake Sịbidịd, nte ediana mme ami ke anwan ami ke edibọñ akam nnọọ Abasi ke iwuod mmi.
31
Ibọñ akam ete akpekap eñnyaaña miin esio ke atu mbio Yudia e-ediinịmme ke akpanikọ ndin ñko ke enọ ami mbeenne ñka Yerusedem akpekap ado se ikọt Abasi do ediima,
32
nọ ke uduak Abasi ami ndiidi ibịne ndufo ke inemesịd ñnyʌñ mbọ nduọkadudu ke ufọọd ndufo.
33
Yak Abasi emem aba mme afịd ndufo. Amen.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 16 →
All chapters:
1
2
3
4
5
6
7
8
9
10
11
12
13
14
15
16