bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
Romans 2
Romans 2
ibibio
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 3 →
1
Afo, ndin, unieeghe ntak, afo a-akpeeghe ikpe anọ awo mfen, sia naña afo akpe ikpe mbon mfen, afo ñko amebiom idem mfo ikpe, koro afo akpe ikpe anam ukem mme ñkpọ ado.
2
Idahami ñnyịn imidiọọñọ ke ubiereikpe Abasi abañake mbon e-enamma utọ ñkpọ ami akọñọ ke akpanikọ.
3
Ndin afo ñkaña awo, umaubieere ikpe unọ ammọ ado afo asʌk anam ukem ñkpọ ado, afo akere abo ke imọ iyaibọkkọ ubiom ikpe Abasi?
4
Me afo ase ke ndek utọ uwak mfọnido amọ, ediyọ mme ime, ado nte udiọọñọke ke mfọnido Abasi ado edudat fiin nọ aketua ñkpọfiọk?
5
Ado ke ntak nsọñiwuod ye unana adikappa esịd, afo asʌk akọ ifiopesịd anịm anọ idem mfo ke usen iyadesịd Abasi, ke ini adinen ubiereikpe amọ adiyaara.
6
Abasi, “ayaanọ awo keed-e-keed utịp akeeneke se anye anam.”
7
Amaado mbon e-esịnne ifịk ke adinam nti ñkpọ, eyem ubọọñ, ukpono mme unana ñkpa ke nsi-nsi, anye ayaanọ nsi-nsi uwem.
8
Ado amaado mbon e-eyemme ubọọñ idem ammọ, enyʌñ esịn akpanikọ ndin ekene idiọọk, ifiopesịd mme iyadesịd ayaaba.
9
Afanekọñ ye nnanenyịn ayaaba anọ afịd awo e-enamma idiọọk, akpa anọ mme Yuu, ndin mme Yentaid;
10
ado ubọọñ, ukpono ye emem anie afịd awo se inam nti ñkpọ; akpa anọ mme Yuu, ndin mme Yentaid.
11
Sia Abasi akpe ikpe afịd awo ukem-ukem.
12
Afịd awo se inam idiọọk ke una ibed eyaekịt nsobo ke una ibed, ndin afịd awo se inam idiọọkñkpọ ke idak ibed eyaebọ ubiere ikpe ke idak ibed.
13
Sia idooho mbon se ikop ibed edoñño mme andinen ke iso Abasi, ado mbon se inam ibed ke ediikood nte mme adinen.
14
(Ke akpanikọ, ke ini mme Yentaid, a-mmiinieeghe ibed, enamma ke obod uwem mme ñkpọ e-ekewette ke ibed, ammọ edo ibed enọ idem ammọ, akpọkọm ado adooho ammọ inieeghe ibed.
15
Sia ammọ ewọt ete ke ewet se ibed ayem ke esịd ammọ, ekikere esịd ammọ ado ntiense ndin ekikere ammọ ado abiom ammọ ikpe usʌk ini, anyʌñ afak ammọ asio ñko usʌk ini.)
16
Ami ayaadat itie ke usen Abasi adikpe ikpe ndedịbe ekikere mme awo ato ke Yisọs Krais naña eti etob mmi abo.
17
Idahami afo, akpedo akood idem mfo Yuu, akpedo ada ke ibed ndin anam inua abaña ewana mfo mme Abasi,
18
akpedo afo amediọọñọ uduak amọ anyʌñ anyịmmme se ifọn ikan ke ntak afo adiọọñọke ibed;
19
akpedo afo amenịm ke afo ado ada usʌñ anọ mme nnan, ado unwana anọ mme andiba ke akịm,
20
ado andikpeeb a-nọ mme akọi, ado andikpeeb anọ ntəkayịn, sia afo amenie ke esịd ibed ayọhọ ifiọk mme akpanikọ.
21
Afo ndin, akpeebe mbio mfen, ukpeebe idem mfo ñko? Afo a-akwọrọke abo awo akuuyịp inọ, nte afo ameyib inọ?
22
Afo a-abooho ate mme awo ekuusịn efịbe, nte afo amesịn efịbe? Afo a-asuaagha usosoi ñkpọ, afo ameyiip ñkpọ ke mme tembịd?
23
Afo a-anamma inua abaña ibed nte afo emetre ikpono Abasi ke edibiad ibed?
24
Nte emaekewet: “Esappa anyịñ Abasi ke ufọọd mme Yentaid ke ntak mfo.”
25
Adinịm mboppo anie ufọn akpedo afo amenịm ibed, ado akpedo afo amebiaad ibed amekappa aba nte awo ikunịmme fiin mboppo.
26
Edieke mbio a-mmiinịmme mboppo enamma se isịne ke ibed, nte awo idiidatta ammọ nte mme anịm mboppo?
27
Awo a-mmiinịmme mboppo ke abʌkidem ado anye anam ibed ayaubiom fiin ikpe, akpesʌk ado afo anieeghe uwewed ibed anyʌññọ anịm mboppo, afo ado abiad ibed.
28
Awo idooho Yuu ke abʌkidem ikpọọñ, kpa naña adinịm mboppo mmiidooho se ekịt ke anyen me ke abʌkidem ikpọọñ.
29
Iyoo, awo ado Yuu ke adido ke esịd idem; ndin unịm mboppo, ado unịm mboppo ake esịd, ke Sịbidịd, idooho ke uwewed ibed. Utọ itooro ado itooho awo, ado ato Abasi.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 3 →
All chapters:
1
2
3
4
5
6
7
8
9
10
11
12
13
14
15
16