bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
Romans 5
Romans 5
ibibio
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 6 →
1
Do ndin, sia emaekenam ñnyịn inen ato ke mbuọdidem, ñnyịn iminie emem mme Abasi ato ke Abọọñ Yisọs ñnyịn Krais,
2
ato ke anye ñnyịn imidʌk ke mbuọdidem, inie mfọn a-ñnyịn ibaaha idahami. Ndin ñnyịn imikop idadesịd ke idodanyen ke ubọọñ Abasi.
3
Idooho ado ikpọọñ, ado ñnyịn ñko imikop idadesịd ke ukuud ñnyịn, sia ñnyịn imidiọọñọ ke ukuud ñnyịn anwuọñọ ime
4
ime anọ eti uduod, ndin eti uduod anọ idodanyen.
5
Ñko idodanyen ibenne abuud inọ ñnyịn, sia Abasi ato ke Adisana Sịbidịd a-anye inọọhọ ñnyịn aduọk ima amọ asịn ke esịd ñnyịn.
6
Ndufo emekịt ke ata adikem ini, ke ini ñnyịn mmiikinieeghe adudu, Krais amaakpa anọ mbon a-amidiọọñọke Abasi.
7
Asọñ eti-eti awo ndomokeed edikpa nnọ adinen awo, ñkọm adooho ke iwuod eti awo, awo akeme idomo ukeme adikpa.
8
Ado Abasi awọd ima amọ inọ ñnyịn ke ami: naña ñnyịn ikisʌkkọido mme anam idiọọk, Krais amaakpa inọ ñnyịn.
9
Sia ñnyịn imaikinen idahami ato ke iyiib amọ, naña die ke adikpon ikan anye adinyaaña ñnyịn nsio ke ifiopesịd Abasi!
10
Sia adieke adooho ke ini ñnyịn ikikappa ido usua mme Abasi, ñnyịn ikisʌk inienie ewana mme anye ke ntak ñkpa Ayịn amọ, kap se idahami ndin a-ñnyịn idooho keed ye anye, adinyaaña ñnyịn adikpon die ito uwem amọ!
11
Ado ikweeñeke ke ado, ñnyịn idat esịd ke Abasi ato Abọọñ Yisọs Krais, a-anamma ñnyịn inie ewaana mme Abasi idahami.
12
Do ndin, naña idiọọk ñkpọ akedʌk ederimbod ato ke awo keed, idiọọkñkpọ amọ amaadat ñkpa adi, ke ntak ami, ñkpa amaasaña adisịm unadod, sia afịd awo emaenam idiọọkñkpọ.
13
Ke aditịm ntan mbemiso enọ ibed, idiọọkñkpọ amaababa ke ederimbod, ado awo ibatta idiọọk ñkpọ inọ awo ke ini ibed mmiibaha.
14
Kpa ye ado, ñkpa amaakara tọọñọ ke eyo Adam tutu asịm ini Moses, anyʌñ adoro kpa mme ammọ e-ekediinamma idiọọkñkpọ sia ikibiatta ibed, naña Adam akenam, a-akedooho uwọdñkpọ awo keed a-adiidi.
15
Ado enọ ami idooho edibiad ewʌhọ. Sia akpedo uwak awo emaekpa ke edibiad ewʌhọ awo keed, adaña die ke mfọn Abasi ye enọ a-akesañake mme mfọn awo keed, Yisọs Krais, akpefiọọrọ asịm uwak!
16
Mfen, enọ Abasi ibaaha nte utịb idiọọkñkpọ awo keed: ubiireikpe akeene idiọọkñkpọ keed ndin adat ubiom ikpe adi, ado enọ akeene mme uwak ndudue anyʌñ adat unen adi.
17
Sia adieke, ke ukwañ ñkpọ awo keed ado, ñkpa akara ato ke awo keed ado, naña die ndin ke afịd mbon se ibọ uwak mfọn Abasi mme enọ adinenido ediikara ke uwem ito awo keed ado, Yisọs Krais.
18
Ato ke ntak ado, sia idiọọkñkpọ keed akebenne ubiom ikpe anọ afịd awo, ntodo ñko ke utịb adinam etiido keed akedo unen ye uwem asọk afịd awo.
19
Sia aketooho ke ntịdutọñ awo keed emaenam uwak awo edo mme anam ndiọiñkpọ, ntodo ñko ato ke nsuukiwuod awo keed, eyaenam mme uwak awo enen.
20
Ekedat ibed edi nọ ndudue atọt. Ado naña idiọọkñkpọ atọt, ntodo ke mfọn ñko atọt akan,
21
ma kpa naña idiọọkñkpọ akarake ke ñkpa, ntodo ke mfọn adikara ito ke adinenido a-adiidat nsi-nsi uwem a-atooho Yisọs Krais Abọọñ ñnyịn idi.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 6 →
All chapters:
1
2
3
4
5
6
7
8
9
10
11
12
13
14
15
16