bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
1 Chronicles 11
1 Chronicles 11
Ilokano (Ti Biblia (1973))
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 12 →
1
Idin nakigimong amin nga Israel ken David idiay Hebron, a kinunada, Adtoy, dacami dagiti tultulangmo ken lasagmo.
2
Cadagiti nalabes a tiempo, idi met laeng pinagari ni Saul, sica ti nangidalan iti Israel a rummuar ken nangisubli: ket ni Jehova a Diosmo kinunana kenca, Sicanto ti pastor ti ilic nga Israel, ken sicanto ti pangulo ti ilic nga Israel.
3
Iti casta isu-amin dagiti lallacay ti Israel immayda iti ari idiay Hebron; ket ni David nagaramid cadacuada iti tulag idiay Hebron iti saclang ni Jehova, ket pinulotanda ni David nga ari ti Israel, a mayannurot iti sao ni Jehova iti pannacaaramat ni Samuel.
4
Ket ni David ken amin nga Israel napanda idiay Jerusalem (isu met laeng ti Jebus); ket dagiti Jebuseos, a naed ti daga addada idi sadiay.
5
Ket dagiti naed ti Jebus kinunada ken David, Dicanto sumrec ditoy. Nupay casta ni David innalana ti sarikedked ti Sion; nga isu met laeng ti ili ni David.
6
Ket ni David kinunana, Uray siasinoman a mangcabil nga umuna cadagiti Jebuseos isunto ti pangolo ken capitan, Ket ni Joab nga anac ni Sarvia simmang-at nga immuna, ket naaramid a pangolo.
7
Ket nagtaeng ni David idiay sarikedked; gapuna nga isu ti ninaganrikedked; gapuna nga isu ti ninaganda iti ili ni David.
8
Ket binangonna ti ili iti agliclicmut, manipud Millo nga aglicmut met laeng; ket ni Joab tinarimaanna ti natda iti ili.
9
Ket ni David rumang-ay la idi a rumang-ay; ta adda idi kencuana ni Jehova dagiti buybuyot.
10
Ket dagitoy dagiti pangpangoloen dagiti mamaingel a lallaki nga adda idi ken David, isuda a nangiparangarang cadagiti bagbagida a napigsa agraman kencuana iti pagarianna, agraman met amin nga Israel, tapno isu ti aramidenda nga ari, a mayannurot iti sao ni Jehova iti maipapan iti Israel.
11
Ket daytoy isu ti bilang dagiti mamaingel a lallaki nga adda idi ken David: ni Jasobam nga anac ni Hacmoni, a pangolo dagiti tallopulo; intag-ayna ti gayangna a maibusor cadagiti tallo gasut ket pinatayna ida iti naminpinsan a daras.
12
Ket ti sumaganad idi kencuana isu ni Eleazar nga anac ni Dodo, nga Ahohita, a maysa idi cadagiti tallo a mamaingel a lallaki.
13
Daytoy nakicaddua ken David idiay Pasdammin, ket naurnong idi idiay dagiti Filisteos iti gubat, isu a yan idi ti sangcakelleng a daga a napno iti cebada; ket dagiti tattao ti Israel intarayanda idi ti sango dagiti Filisteos.
14
Ket isuda nagtacderda iti tengnga ti kinelleng, ket incanawada, ket pinatayda dagiti Filisteos; ket ni Jehova insalacanna ida gapu iti maysa a dackel a panagballigi.
15
Ket tallo cadagiti tallopulo a panolo a lallaki simmalogda agingga iti bato ken David, idiay rukib ti Adullam: ket ti buyot dagiti Filisteos nagpacarso idi iti lobong ti Rafaim.
16
Ket adda idi ni David iti sarikedked, ket ti agbantay a buyot dagiti Filisteos adda idi idiay Bet-lehem.
17
Ket ni David nailiwan unay, ket kinunana, O daydiay a mangted coma caniac, ti danum nga inumen nga aggapu idiay bubon ti Bet-lehem, nga adda iti denna ti ruangan!
18
Ket dagiti tallo a mamaingel a lallaki simmaracusucda iti buyot dagiti Filisteos, ket nangalada iti danum iti bubon ti Bet-lehem, nga adda iti denna ti ruangan, ket nangalada; ket isu ti inyegda ken ni David: ngem ni David dina kinayat nga ininum, no di ket imbucbocna ken Jehova,
19
Ket kinunana, Ti Diosco iparitna caniac nga aramidec coma daytoy: inumecto aya ti dara dagitoy a lallaki a nangicabil cadagiti biagda iti peggad? ta iti peggad dagiti biagda isu ti inyegda. Gapuna nga isu ti dina kinayat nga ininum. Dagitoy a banag inaramid dagiti tallo a mamaingel a lallaki.
20
Ket ni Abisai a cabsat ni Joab, isu idi ti pangolo dagiti tallo; ta isu intag-ayna ti picana a maibusor cadagiti tallogasut ket pinatayna ida, ket nainaganan cadagiti tallo.
21
Cadagiti tallo, isu natantan-oc idi ngem cadagiti dua, ket naaramid a capitanda: ngem nupay casta saanna a nagun-odan dagiti immuna a tallo.
22
Ni Benaias nga anac ni Joiada, nga anac ti maysa a lalaki a maingel a taga Cabseel, a nangaramid cadagiti namainglan nga ar-aramid, a pinatayna dagiti dua nga annac a lallaki ni Ariel a taga Moab: simmalog met ket pinatayan ti maysa tengnga ti maysa a bito idi tiempo ti nieve.
23
Ket isu pinatayna ti maysa nga Egipcio, maysa a lalaki a dackel ti panagbagbagina, a lima a sico ti catayagna; ket adda idi iti ima ti Egipcio maysa a pica a cas maysa a paglucutan ti pangablan; ket isu simmalog kencuana a sisasarucod, ket rinabsutna ti pica iti ima di Egipcio, ket iti daydi met laeng picana ti pinagngpapatayna kencuana.
24
Dagitoy a banag inaramid idi ni Benaias nga anac ni Joiada, ket nainaganan cadagiti tallo a mamaingel a lallaki.
25
Adtoy, isu natantan-oc idi ngem cadagiti tallopulo, ngem saanna a nagun-odan dagiti immuna a tallo: ket isu ti insaad ni David a pangolo ti guardiana.
26
Casta met dagiti mamaingel a lallaki dagiti buybuyot: ni Asael a cabsat ni Joab, ni Elhanan nga anac a lalaki ni Dodo a taga Bet-lehem,
27
Ni Samot nga Arorita, ni Helles, a Pelonita,
28
Ni Ira nga anac a lalaki ni Acces a Tecoita, ni Abiezer nga Anatotita,
29
Ni Sibbecai nga Husatita, ni Ilai nga Ahohita,
30
Ni Maharai a Netofatita, ni Heled nga anac a lalaki ni Baana a Netofatita,
31
Ni Itai nga anac a lalaki ni Ribai a taga Gabaat, cadagiti annac ni Benjamin, ni Benaias a Piratita,
32
Ni Hurai a taga wawaig sadi Gaas, ni Abiel nga Arbatonita,
33
Ni Azmavet a Baharumita, ni Eliaba a Saalbonita,
34
Dagiti annac a lallaki ni Asem a Gezonita, ni Jonatan nga anac ni Saje nga Hararita,
35
Ni Ahiam nga anac a lalaki ni Sacar nga Hararita, ni Elifal nga anac a lalaki ni Ur,
36
Ni Hefer a Mekeratita, ni Ahia a Pelonita,
37
Ni Jesro a Carmelita, ni Naharai nga annac a lalaki ni Ezbai,
38
Ni Joel a cabsat a lalaki ni Natan, ni Mibar nga anac a lalaki ni Agrai,
39
Ni Selec nga Ammonita, ni Naharai a Berotita, nga agaw-awit iti igam ni Joab nga anac a lalaki ni Sarvia,
40
Ni Ira a Itreotita, ni Yared a Itreotita,
41
Ni Uria a Heteo, ni Zabad nga anac a lalaki ni Ahli,
42
Ni Adina nga anac a lalaki ni Siza a Rubenita, a pangolo dagiti Rubenitas, ken tallopulo a caduana,
43
Ni Hanan nga anac a lalaki ni Maaca, ken ni Josafat a Mitnita,
44
Ni Uzzias nga Astarotita, da Samma ken Jehiel nga annac a lallaki ni Hotam nga Arorita.
45
Ni Jediael nga anac a lalaki ni Simri, ken ni Joha a cabsatna, a Tisaita,
46
Ni Eliel a Mahavita, ken ni Jeribai, ken ni Josabia, nga anac a lalaki ni Elnaam, ken ni Itma, a Moabita,
47
Ni Eliel, ken ni Obed, ken ni Jaasiel a Mosobiatita.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
Recommended Reading
Commentary
1 Chronicles Commentaries
→
Devotional
1 Chronicles Devotional Guide
→
Get This Bible
1973 Study Bible
→