1 Chronicles 22

Ilokano (Ti Biblia (1973))

← Chapter 21 Jump to: Chapter 23 →

1Idin ni David kinunana, Daytoy ti balay ni Jehova a Dios, ken daytoy ti altar ti daton a mapuuran a maipaay iti Israel.

2Ket ni David imbilinna a maurnong dagiti gangannaet nga addada idi iti daga ti Israel, ket nangisaad cadagiti agcavcaviti tapno agticapda cadagiti batbato a natabas tapno pangbangon iti balay ti Dios.

3Ket ni David nagsagana iti landoc iti nawadwad a maipaay a paglansa cadagiti rikep dagiti ruangan, ken maipaay cadagiti nagsasaipan; ken gambang iti nawadwad a saan a natimbang;

4Ken caycayo a cantingen a di mabilang: ta dagiti Sidonios ken dagiti taga Tiro nagyegda cadagiti cancantingen iti nawadwad ken David.

5Ket ni David kinunana, Ni Salomon nga anacco agtutubo ken naganus, ket ti balay a mabangon a maipaay ken Jehova rebbengna ti aglaplapusanan iti kinatan-oc, ti damag ken ti dayag cadagiti amin a dagdaga: gapuna nga agsaganaacto iti maipaay kencuana. Iti casta ni David nagsagana iti nawadwad iti sacbay ti ipapatayna.

6Sana inayaban ni Salomon nga anacna, ket isu ti binilinna a mangbangon iti maysa a balay a maipaay ken Jehova, ti Dios ti Israel.

7Ket ni David kinunana ken Salomon nga anacna, No maipapan caniac, adda idi iti pusoc ti panangibangon iti maysa a balay iti nagan ni Jehova a Diosco.

8Ngem ti sao ni Jehova immay caniac, a kinunana, Sica nangibucbocca a siwawadwad iti dara, ket nangaramidca cadagiti dadackel a gubgubat: dicanto mangibangon iti maysa a balay iti naganco, agsipud ta nangibucbocca iti adu a dara iti rabaw ti daga iti imatangco.

9Adtoy, maysa nga anac a lalaki ti maipasngayto kenca, nga isunto ti maysa a lalaki ti inana ket itdecto kencuana ti inana cadagiti amin a nagannato cabcabusorna iti agli Salomon, ket itdecto ti talna ken talingenngen iti Israel cadagiti al-aldawna.

10Isu mangbangonto iti maysa a balay a maipaay iti naganco; ket isunto ti annacco, ket siacto ti amana; ket pasingkedacto ti trono ti pagarianna iti Israel iti agnanayon.

11Ita, anacco, ni Jehova adda comakenca; ket agrang-ayca, ket mangbangonca iti balay ni Jehova a Diosmo, cas sinaona iti maipapan kenca.

12Isuna laeng a ni Jehova iccannaca iti kinasaririt ken pannacaawat, ken bilinennaca iti maipapan iti Israel; tapno iti casta masalimetmetam coma ti linteg ni Jehova a Diosmo.

13Iti casta agrang-aycanto, no sica sungputem a tungpalen dagiti ipapaalagad ken bibilin nga incumit ni Jehova ken Moises a maipapan iti Israel: bumilegca ken tumuredca; dica agbuteng, dica met agcullayaw.

14Ita, adtoy, iti pannacaparigatco nagsaganaac iti maipaay iti balay ni Jehova iti sangagasut a ribu a talento a balitoc, ken sangariwriw a talento a pirac, ken ti gambang ken ti landoc a saan a natimbeng; ta nawadwad: castamet ti cayo met ken bato nangisaganaac; ket sica nayonam coma ida.

15Maysa pay adda kenca a nawadwad dagiti tattao nga agtrabajo, ken tumataga ken mangngaramid ti bato ken taricayo, ken amin a tattao a nagdanonan laing iti tunggal kita ti aramid:

16Ti balitoc, ti pirac, ti gambang, ken ti landoc, saanda a nabilang. Tumacderca ket agaramidca, ket adda coma kenca ni Jehova.

17Ni David binilinna met amin dagiti pangpangoloen ti Israel a tulonganda ni Salomon nga anacna, a kinunana,

18Saan aya nga adda cadacayo ni Jehova a Diosyo? ket saanna aya nga inted cadacayo ti inana iti tunggal bangir? ta inyawatna dagiti agnaed iti daga iti imac; ket naparucma ti daga iti sango ni Jehova, ken iti sango ti ilina.

19Ita ipapusoyo ken ipacararuayo ti panagsapulyo a siaannurot ken Jehova a Diosyo; gapuna a tumacdercayo, ket bangonenyo ti santuario ni Jehova a Dios, tapno iyegyo ti lacasa ti tulag ni Jehova, ken dagiti nasantoan nga al-alicamen ti Dios, iti balay a mabangonto iti nagan ni Jehova.

← Chapter 21 Jump to: Chapter 23 →