1 Chronicles 24

Ilokano (Ti Biblia (1973))

← Chapter 23 Jump to: Chapter 25 →

1Ket dagiti pannacadasdasig dagiti annac ni Aaron castoy: Dagiti annac a lallaki ni Aaron: da Nadab, Abiu, Eleazar, ken Itamar.

2Ngem da Nadab ken Abiu natayda iti sango ni amada, ket awananda cadagiti annac: gapuna a da Eleazar ken Itamar tinungpalda ti akem ti padi.

3Ket ni David a caduana da Sadoc cadagiti annac a lallaki ni Eleazar, ken Ahimelec cadagiti annac a lallaki ni Itamar biningayda ida a mayalubog iti pannacadasdasigda iti panagservida.

4Ket ad-adu idi ti nasaracan a lallaki a pangoloen cadagiti annac a lallaki ni Eleazar ngem cadagiti annac a lallaki ni Itamar; ket castoy idi ti panangbingayda: cadagiti annac ni Eleazar sangapuloda ket innem, pangoloenda cadagiti balbalay dagiti ammada; ket cadagiti annac ni Itamar, a mayalubog cadagiti balbalay dagiti ammada, waloda.

5Castoy ti pannacabingayda idi iti ginasanggasat, ti maysa ken maysa a kita; ta adda idi pangpangoloen dagiti santuario, ken pangpangoloen ti santuario, ken pangpangoloen ti Dios, cadagiti annac ni Eleazar, ken annac ni Itamar nga agpadpada.

6Ket ni Semeias, nga anac a lalaki ni Natanael nga escriba, a nagtaud cadagiti Levitas, insuratna ida iti saclang ti ari, ken dagiti pangoloen, ket ni Sadoc a padi, ken ni Ahimelec nga anac a lalaki ni Abiatar ken dagiti pangoloen dagiti balbala dagiti amma dagiti papadi, ken dagiti Levitas: naala idi ti maysa a balay dagiti amma a maipaay ken Eleazar, ken maysa a maipaay ken Itamar.

7Ngarud ti umuna a gasat rimmuar a maipaay ken ni Joiarib, ti maicadua ken ni Jedaia,

8Ti maicatlo ken ni Harim, ti maicapat ken ni Seorim,

9Ti maicalima ken ni Malkias, ti maicanem ken ni Miamim.

10Ti maicapito ken ni Accos, ti maicawalo ken ni Abias,

11Ti maicasiam ken ni Jesua, ti maicasangapulo ken ni Secania,

12Ti maicasangapulo ket maysa ken ni Eliasib, ket ti maicasangapulo ket dua ken ni Jacim,

13Ti maicasangapulo ket tallo ken ni Huppa, ti maicasangapulo ket uppat ken ni Isebeab,

14Ti maicasangapulo ket lima ken ni Bilga, ti maicasangapulo ket innem ken ni Immer,

15Ti maicasangapulo ket pito ken ni Hezir, ti maicasangapulo ket walo ken ni Apeses,

16Ti maicasangapulo ket siam ken ni Petaia, ti maicaduapulo ken ni Hezekel,

17Ti maicaduapulo ket maysa ken ni Jakim, ti maicaduapulo ket dua ken ni Hamul,

18Ti maicaduapulo ket tallo ken ni Delaia, ti maicaduapulo ket uppat ken ni Maazia.

19Dagitoy idi ti ornosda iti panagservida, tapno sumrecda iti balay ni Jehova a mayalubog iti annuroten a naited cadacuada gapu ken ni Aaron nga amada, cas ni Jehova ti Dios ti Israel, imbilinna kencuana.

20Ket ti dadduma cadagiti annac a lallaki ni Levi: cadagiti annac ni Amram ni Subael; cadagiti annac a lallaki ni Subael, ni Jehedias.

21Maipapan ken Rehabia: cadagiti annac a lallaki ni Rehabia, ni Isias ti pangolo.

22Cadagiti Isareitas, ni Selemot; cadagiti annac a lallaki ni Selemot, ni Jat.

23Ket dagiti annac a lallaki ni Hebron: ni Jeria ti pangolo, ni Amarias ti maicadua, ni Jahaziel ti maicatlo, ni Jecaman ti maicapat.

24Dagiti annac a lallaki ni Uzziel, ni Mica; cadagiti annac a lallaki ni Mica, ni Samir.

25Ti cabsat a lalaki ni Mica, ni Isia; cadagiti annac a lallaki ni Isia, ni Zacarias.

26Dagiti annac a lallaki ni Merari: da Mali, ken Musi; dagiti annac a lallaki ni Jaazia; ni Benno.

27Dagiti annac a lallaki ni Merari: ken Jaazia, da Benno, Soam, Zacur, ken Ibri.

28Ken Mali: ni Eleazar nga awanan iti anac.

29Ken Kis; dagiti annac a lallaki ni Kis: ni Jerameel.

30Ket dagiti annac a lallaki ni Musi: da Mali, Eder, ken Jerimot. Dagitoy isuda dagiti annac a lallaki dagiti Levitas a mayannurot cadagiti balbalay dagiti ammada.

31Casta met dagitoy naggiginnasatda a cas met laeng cadagiti cacabsatda nga annac a lallaki ni Aaron iti saclang da ari David, Sadoc, Ahimelec, ken dagiti pangoloen dagiti balbalay dagiti amma dagiti papadi ken dagiti Levitas: dagiti balbalay dagiti amma ti pangolo a cas met laeng cadagidiay ti ubbing a cabsatna a lalaki.

← Chapter 23 Jump to: Chapter 25 →