1 Chronicles 3

Ilokano (Ti Biblia (1973))

← Chapter 2 Jump to: Chapter 4 →

1Dagitoy idi dagiti annac a lallaki ni David, a nayanacda kencuana idiay Hebron: ti inaunaan nga anac, ni Ammon inyanac ni Acinoam a Jezreelita; ti maicadua, ni Daniel inyanac ni Abigail a Carmelita;

2Ti maicatlo, ni Absalom nga anac ni Maaca babai nga annac ni Talmai nga ari ti Gesur; ti maicapat, ni Adonias, nga anac ni Aggit;

3Ti maicalima, ni Safatias inyanac ni Abital; ti maicanem, ni Itream inyanac ni Egla nga asawana:

4Innem ti naipasngay kencuana idiay Hebron, ket nagari idiay bayat iti pito a tawen ket innem a bulbulan. Ket idiay Jerusalem nagari bayat iti tallopulo ket tallo a tawen:

5Ket dagitoy idi dagiti nayanac kencuana idiay Jerusalem: da Simma, Sobab, Natan, ken Salomon, uppatda, inyanac ni Bet-sua nga anac a babai ni Ammiel;

6Ken Ibaar, Elisama, ken Elifelet,

7Ken Noga, Nefeg, ken Jafia,

8Ken Elisama, Eliada, ken Elifelet, siamda.

9Amin dagitoy isuda dagiti annac a lallaki ni David, sabali laeng dagiti annac a lallaki dagiti camcamalalana; ket ni Tamar isu ti babai a cabsatda.

10Ket ti anac a lalaki ni Salomon da Roboam, ni Abia anacna a lalaki, ni Asa anacna a lalaki, ni Josafat anacna a lalaki,

11Ni Joram anacna a lalaki, ni Ocozias anacna a lalaki, ni Joas anacna a lalaki;

12Ni Amasias anacna a lalaki, ni Azarias anacna a lalaki, ni Jotam anacna a lalaki,

13Ni Acaz anacna a lalaki, ni Azekias anacna a lalaki, ni Manases anacna a lalaki,

14Ni Amon anacna a lalaki, ni Josias anacna a lalaki.

15Ket dagiti annac a lallaki ni Josias: ti inaunaan ni Johanan, ti maicadua ni Joacim, ti maicatlo ni Sedecias, ti maicapat ni Sallum.

16Ket dagiti annac a lallaki ni Joacim: ni Jeconias anacna a lalaki, ni Sedecias anacna a lalaki.

17Ket dagiti annac a lallaki ni Jeconias, a nacayawan: da Salatiel nga anacna,

18Ken Mehiram, Pedaia, ken Seneaser, Jecamia, Hosana, ken Nedabia.

19Ket dagiti annac a lallaki ni Pedaia: da Zorobabel, ken Semi. Ket dagiti annac a lallaki ni Zorobabel: da Mesullam, ken Hananias; ken ni Selomit a babai a cabsatda;

20Ken da Hasuba, Uhel, ken Berehias, Hasadia, ken Jusab-esed, limada.

21Ket dagiti annac a lallaki ni Hananias: da Pelatias, ken Jesaias; dagiti annac a lallaki ni Refaias, dagiti annac a lallaki ni Arnan, dagiti annac a lallaki ni Obdias, dagiti annac a lallaki ni Secanias.

22Ket dagiti annac a lallaki ni Secanias: ni Semaias. Ket dagiti annac a lallaki ni Semaias: da Hattus, ken Igeal, Barias, Nearias, ken Safat, innemda.

23Ket dagiti annac a lallaki ni Nearias: da Elioenai, Ezekias, ken Azricam, talloda.

24Ket dagiti annac a lallaki ni Elionai: da Odavias, Eliasib, ken Palaias, Accub, Johanan, Dalaias, ken Anani, pitoda.

← Chapter 2 Jump to: Chapter 4 →