bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
2 Chronicles 11
2 Chronicles 11
Ilokano (Ti Biblia (1973))
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 12 →
1
Ket idi a ni Roboam nacapan sadi Jerusalem, isu tiniponna ti amin a balay ni Juda, ken ti balay ni Benjamin, a sangagasut walopulo a ribu a napili a lallaki, nga isuda dagiti gumugubat, tapno gubatenda ti balay ti Israel, tapno maisublida ti pagarian manen ken Roboam.
2
Ngem ti sao ni Jehova immay ken Semeias a lalaki ti Dios, a kinunana,
3
Saoem ken Roboam nga anac ni Salomon, nga ari ti Juda, ken iti amin nga Israel iti Juda ken Benjamin, a cunam,
4
Castoy ti cuna ni Jehova, Dicayto sumang-at ken dicayo met gubaten dagiti cacabsatyo: agsubli ti tunggal lalaki iti balayna; ta daytoy a banag gapu caniac. Iti casta isuda impangagda dagiti sasao ni Jehova, ket nagsublida manipud iti ipapanda a maibusor ken Jeroboam.
5
Ket ni Roboam nagnaed idiay Jerusalem, ket binangonna dagiti il-ili a pagsalacniban idiay Juda.
6
Binangonna ti Bet-lehem, Etam, ken Tecoa,
7
Ken Bet-sur, Soco, ken Adullam,
8
Ken Gat, Maresa, ken Zif,
9
Ken Adoraim, ken Lakis, ken Acek,
10
Ken Sora, Ajalon, ken Hebron, nga adda idiay Juda ken idiay Benjamin, il-ilida a nasarikedkedan.
11
Ket pinalagdana dagiti sarikedked, ket incabilna dagiti capitan cadacuada, ken balbalonda a canen, ken lana, ken arac.
12
Ket iti tumunggal ili incabilna dagiti calcalasag ken gaygayang, ket pinatibkerna ida iti napalalo. Ket ti Juda ken Benjamin cucuana idi.
13
Ket dagiti papadi ken Levitas nga adda idi iti amin nga Israel immamangda kencuana a naggapu iti amin a beddengda.
14
Ta dagiti Levitas pinanawanda dagiti cabangibangda ken iti cucuada, ket napanda idiay Juda ken Jerusalem: ta ni Jeroboam ken dagiti annacna a lallaki pinaruarda ida, tapno saanda coma nga agannong iti akem ti padi ken Jehova;
15
Ket dinutucanna dagiti papadina a maipaay cadagiti nangato a disdisso, ken maipaay cadagiti sinan-calding a lallaki, ken maipaay cadagiti sinan-urbon a vacvaca, nga inaramidna.
16
Ket iti calpasan dagidiay dagiti nangipapuso iti panagsapulda ken ni Jehova, a Dios ti Israel, cadagiti amin a caputotan ti Israel napanda idiay Jerusalem a nagidaton ken Jehova, a Dios dagiti ammada.
17
Iti casta pinatibkerda ti pagarian ti Juda, ket pinapigsada ni Roboam nga anac a lalaki ni Salomon bayat iti tallo a tawen; ta nagnada iti dalan da David ken Salomon bayat iti tallo a tawen.
18
Ket ni Roboam inasawana ni Mahalat nga anac a babai ni Jerimot nga anac a lalaki ni David, ken Abihail nga anac a babai ni Eliab nga anac a lalaki ni Jesse;
19
Ket ni Mahalat impasngayna kencuana dagiti anac a lallaki: da Jeus, Samaria, ken Zaham.
20
Ket calpasanna innalana ni Maaca nga anac a babai ni Absalom: ket impasngayna kencuana da Abias, Atai, Ziza, ken Selomit.
21
Ket ni Roboam inayatna ni Maaca a nangnangrona ngem amin nga assawana ken camcamalalana (ta innalana ti sangapulo ket walo nga assawa ken innem a pulo a camalala, ket pinutotna ti duapulo ket walo nga annac a lallaki ken innem a pulo nga annac a babbai.)
22
Ket ni Roboam tinudinganna ni Abias nga anac ni Maaca, tapno isu coma ti pangolo, ti met laeng pangolo cadagiti cacabsatna; ta pinanggepna nga isu ti aramidenna nga ari.
23
Ket nagaramid a sisisirib, ket inwarasna dagiti amin nga anacna a lallaki cadagiti amin a daga ti Juda ken Benjamin, cadagiti tunggal ili a nasarikedkedan: ket intedna cadacuada dagiti tartaraon a nawadwad. Ket insapulanna ida cadagiti adu nga assawa a babbai.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36