bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
2 Chronicles 13
2 Chronicles 13
Ilokano (Ti Biblia (1973))
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 14 →
1
Iti maicasangapulo ket walo a tawen ni ari Jeroboam, nangrugi ni Abias a nagari iti Juda.
2
Tallo a tawen ti panagarina sadi Jerusalem: ket ti nagan ni inana Micaia nga anac a babai ni Uriel a taga Gabaa. Ket adda idi gubat da Abias ken ni Jeroboam.
3
Ket ni Abias kimmuyog iti gubat iti maysa a buyot dagiti natured a lallaki ti gubat, uppat a gasut a ribu met laeng dagiti napili a lallaki, ket ni Jeroboam inornosna ti gubat a maibusor kencuana iti walo gasut a ribu dagiti napili a lallaki a lallakida idi a mannacabalin ken mamaingel.
4
Ket ni Abias nagtacder idiay bantay Semaraim, nga adda idiay caturodan ti Efraim, ket kinunana, Denggennac, O Jeroboam ken amin nga Israel:
5
Saanyo aya nga ammo a ni Jehova intedna ti pagarian ti Israel ken David iti agnanayon, kencuana met laeng ken cadagiti annacna a lallaki iti pannacaaramat ti maysa a tulag ti asin?
6
Nupay casta ni Jeroboam nga anac a lalaki ni Nabat nga adipen ni Salomon nga anac a lalaki ni David timmacder, ket immalsa a maibusor ken apona.
7
Ket adda idi a naurnong kencuana dagiti awan cais-iscanna a lallaki, dakes a tattao, a pinapigsada dagiti bagbagida met laeng a maibusor ken Roboam nga anac a lalaki ni Salomon, idi ni Roboam agtutubo pay laeng ken nalucneng ti pusona, ket saanna a mabalin ti sumcad cadacuada.
8
Ket ita panunutenyo a sumcad ti pagarian ni Jehova iti ima dagiti annac a lallaki ni David; ket dacayo umariwecweccayo, ket adda cadacayo dagiti sinan-urbon a vacvaca a balitoc nga inaramid ni Jeroboam a maipaay a didiosyo.
9
Saanyo aya a pinagtalaw dagiti papadi ni Jehova, nga annac a lalaki ni Aaron, ken dagiti Levitas, ket nagaramidcayo cadagiti papadiyo a mayalubog iti cadawyan dagiti tattao cadagiti sabsabali a dagdaga? tapno ti uray siasino nga umay mangconsagrar ti bagina met laeng iti maysa nga urbon a vaca a lalaki ken pito a carnero a lallaki, mabalin nga isu met laeng ti padi cadagidiay a saan a dios.
10
Ngem no maipapan cadacami, ni Jehova ti Diosmi, ket isu saanmi a binaybay-an; ket adda cadacami dagiti papadi nga agannong ken Jehova, dagiti annac a lalaki ni Aaron, ken dagiti Levitas iti akemda:
11
Ket puuranda ken Jehova iti binigat ken minalem dagiti datdaton a mapuuran ken nabanglo nga incienso: ti tinapay ti pamarang ornosenda met iti rabaw ti nadalus a lamesaan; ket ti candelero a balitoc agraman cadagiti pagsilawanna tapno sigagangat iti tunggal rabii: ta aywananmi ti incumit ni Jehova a Diosmi; ngem dacayo isu binaybay-anyo.
12
Ket, adtoy, ti Dios adda cadacami iti pangolomi, ken dagiti papadina a siiiggem cadagiti tortororot a pangpatignay a pagunien iti nacadadanag a maibusor cadacayo. O annac ti Israel, dicayo gubaten ni Jehova, a Dios dagiti ammayo; ta dicayto mangabac.
13
Ngem ni Jeroboam imbaonna dagiti agsaneb a mapan iti licudanda: iti casta addada idi iti sango ti Juda, ket dagiti agsaneb addada iti licudda.
14
Ket idi a ti Juda timmallaw, adtoy, ti gubat adda iti sangoda ken iti licudanda; ket immawagda ken Jehova, ken dagiti papadi nagpagunida cadagiti tortororot.
15
Idin dagiti lallaki ti Juda nagriawda: ket idi dagiti lallaki ti Juda nagriawda naaramid a ni Jehova kinabilna ni Jeroboam ken amin nga Israel iti sango ni Abias ken ti Juda.
16
Ket dagiti annac ti Israel intarayanda iti sango ti Juda; ket ti Dios inyawatna ida iti imada.
17
Ket ni Abias ken dagiti tattaona pinatayda ida iti dackel a pannacapapatay: iti casta napasagda a napapatay iti Israel dagiti lima gasut a ribu cadagiti napili a lallaki.
18
Iti casta dagiti annac ti Israel napacumbabada iti daydi a tiempo, ket dagiti annac ni Juda nangabacda, agsipud ta nagtalecda ken Jehova, a Dios dagiti ammada.
19
Ket ni Abias kinamatna ni Jeroboam, ket innalana dagiti il-ili kencuana, ti Bet-el agraman il-ilina, ken Jesana agraman il-ilina, ken Efron agraman il-ilina.
20
Ket ni Jeroboam saanna a napasubli ti kinabilegna cadagiti al-aldaw ni Abias: ket ni Jehova kinabilna, ket isu natay.
21
Ngem ni Abias nagbalin a mannacabalin, ket nangasawa ti sangapulo ket uppat nga assawa a babbai, ket pinutotna ti duapulo ket dua nga annac a lallaki, ken sangapulo ket innem nga annac a babbai.
22
Ket ti matda cadagiti ar-aramid ni Abias, ken dagiti cababalinna, ken dagiti insasaona, naisuratda iti panglawlawag ni mammadto nga Iddo.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36