bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
2 Chronicles 36
2 Chronicles 36
Ilokano (Ti Biblia (1973))
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
1
Idin dagiti tattao ti daga innalada ni Joacaz nga anac a lalaki ni Josias, ket isu inaramidda nga ari iti saad ni amana idiay Jerusalem.
2
Ni Joacaz agtawen idi iti duapulo ket tallo idi nangrugi a nagari; ket nagari bayat iti tallo a bulan idiay Jerusalem.
3
Ket ti ari ti Egipto isu iniccatna idiay Jerusalem, ket minultana ti daga iti sangagasut a talento a pirac ken maysa a talento a balitoc.
4
Ket ti ari ti Egipto inaramidna ni Eliakim a cabsatna nga ari ti Juda ken Jerusalem, ket pinagbalinna ti naganna a Joakim. Ket ni Necao innalana ni Joacaz a cabsatna, ket impanna idiay Egipto.
5
Agtawen idi iti duapulo ket lima ni Joakim idi nangrugi a nagari: ket nagari bayat iti sangapulo ket maysa a tawen idiay Jerusalem: ket inaramidna daydi dakes iti imatang ni Jehova a Diosna.
6
Iti maibusor kencuana simmang-at ni Nabucodonosor nga ari ti Babilonia, ket tinul-onganna iti landoc tapno ipanna idiay Babilonia.
7
Ni Nabucodonosor impanna met dagiti al-alicamen ti balay ni Jehova idiay Babilonia, ket incabilna ida iti templona idiay Babilonia.
8
Ti matda cadagiti ar-aramid ni Joakim, ken dagiti kinarimon nga inaramidna, ken daydiay a nasaracan idi kencuana, adtoy, naisuratda iti libro dagiti ar-ari ti Israel ken Juda: ket ni Joakin nga anacna nagari iti saadna.
9
Agtawen idi iti sangapulo ket walo ni Joakin idi nangrugi a nagari; ket nagari idiay Jerusalem bayat iti tallo a bulan ken sangapulo nga aldaw idiay Jerusalem; ket inaramidna daydi a dakes iti imatang ni Jehova.
10
Ket ti panagbaliw ti tawen ni ari Nabucodonosor nagbaon, ket insangpetna idiay Babilonia, agraman cadagiti nasayaat nga al-alicamen ti balay ni Jehova, ket inaramidna ni Sedecias a cabsatna nga ari ti Juda ken Jerusalem.
11
Agtawen idi iti duapulo ket maysa a tawen ni Sedecias idi a nangrugi a nagari; ket nagari idiay Jerusalem bayat iti sangapulo ket maysa a tawen:
12
Ket inaramidna daydi a dakes iti imatang ni Jehova a Diosna; saan a nagpacumbaba iti sango ni Jeremias a mammadto a nagsao iti naggapu iti ngiwat ni Jehova.
13
Ken casta met isu immalsa a maibusor ken ari Nabucodonosor, a namagsapata kencuana idi a gapu iti Dios, ngem pinatibkerna ti teltelna, ket pinatangkenna ti pusona tapno saan nga agsubli ken Jehova, a Dios ti Israel.
14
Maysa pay amin a pangpangolo dagiti papadi, ken dagiti tattao simmalungasingda iti nacaro unay a mayannurot iti kinarimon dagiti nasnacion; ket minulitanda ti balay ni Jehova a sinantificarna idiay Jerusalem.
15
Ket ni Jehova a Dios dagiti ammada nagbaon cadacuada babaen cadagiti babaonenna, a bimmangon a nasapa ket nagbaon, gapu ta addaan asi iti ilina ken iti pagtaenganna:
16
Ngem isuda rinabrabacda dagiti binaon ti Dios, ket inumsida dagiti saona, ket inuyawda dagiti mammadtona, agingga iti simged ti pungtot ni Jehova a maibusor iti ilina inggana iti awanen idi ti pamuspusan.
17
Gapuna nga insangpetna a maicaniwas cadacuada ti ari dagiti Caldeos, isu a namatay cadagiti agtutubo a lallaki iti campilan iti balay ti santuarioda, ket awan idi iti asina iti baro wenno balasang, iti lacay wenno ti ubanan: inyawatna ida amin iti imana.
18
Ket amin nga al-alicamen ti balay ti Dios, dackel ken bassit, ken dagiti gamgameng ti balay ni Jehova, ken dagiti gamgameng ti ari ken dagiti pangpangoloenna, amin dagitoy impanna idiay Babilonia.
19
Ket pinuuranda ti balay ti Dios, ket rinebbada ti bacud ti Jerusalem, ket pinuuranda amin a palpalaciona iti apuy, ket dinadaelda amin a nasayaat nga al-alicamenna.
20
Ket dagidiay a nacalisi iti campilan impanna ida idiay Babilonia; ket adadipenda idi kencuana ken cadagiti annacna agingga iti panagturay ti pagarian a Persia:
21
Tapno matungpal ti sao ni Jehova iti pannacaaramat ti ngiwat ni Jeremias agingga iti nagrag-o ti daga cadagiti aldawna a panaginana: ta bayat ti caaddana a langalang nasalimetmetan ti aldaw a panaginana, tapno maturpos dagiti pitopulo a tawen,
22
Ngem idi umuna a tawen ni Ciro nga ari ti Persia, tapno matungpal ti sao ni Jehova iti pannacaaramat ti ngiwat ni Jeremias, ni Jehova tinignayna ti nakem ni Ciro nga ari ti Persia, tapno iti casta aramidenna ti maysa a pacdaar iti amin a pagarianna, ket isu met pinaisuratna, a kinunana,
23
Castoy ti cuna ni Ciro nga ari ti Persia, Amin a pagpagarian ti lubong ni Jehova, a Dios ti langit intedna caniac; ket isu imbilinna caniac ti panangibangon kencuana ti maysa a balay idiay Jerusalem isu nga adda idiay Juda. Siasinoman nga adda cadacayo amin a tattaona, ni Jehova a Diosna adda coma kencuana, ket sumang-at coma.
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36