bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
2 Chronicles 23
2 Chronicles 23
Ilokano (Ti Biblia (1973))
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
1
Ket iti maicapito a tawen ni Joiada pinapigsana ti bagina met laeng, ket nakitulag cadagiti capcapitan dagiti ginasut, da Azarias nga anac a lalaki ni Jeroam, ken Ismael nga anac a lalaki ni Johanan, ken Azarias nga anac a lalaki ni Obed, ken Maasias nga anac a lalaki ni Adaias, ken ni Elisafat nga anac a lalaki ni Zicri.
2
Ket nagsursurda iti Juda, ket inurnongda dagiti Levitas cadagiti amin nga il-ili ti Juda, ken dagiti pangpangoloen dagiti balbalay dagiti amma ti Israel, ket napanda idiay Jerusalem.
3
Ket ti amin a gimong nakitulag iti ari iti balay ti Dios. Ket kinunana cadacuada, Adtoy ti anac a lalaki ti ari agarinto, a cas sinao ni Jehova maipapan cadagiti annac a lallaki ni David.
4
Daytoy ti banag nga aramidenyonto: maysa nga apagcatloyo cadagiti papadi ken cadagiti Levitas a sumrecto iti aldaw a panaginana, isudanto dagiti mangaywan cadagiti dapdapian;
5
Ket maysa nga apagcatloyo addanto iti balay ti ari; ket maysa nga apagcatloyo idiay ruangan ti cimiento: ket amin dagiti tattao addadanto cadagiti paraangan iti balay ni Jehova.
6
Ngem awan coma ti sumrec iti balay ni Jehova, no di laeng dagiti papadi, ken dagiti Levitas nga agannong; isuda sumrecdanto, ta nasantoanda; ngem amin dagiti tattao salimetmetandanto ti incumit ni Jehova.
7
Ket dagiti Levitas alicubcubendanto ti ari iti aglicmut, tunggal lalaki a siiiggem cadagiti igamna; ket siasinoman a sumrec iti balay, mapapatay coma: ket makicuyogcayo coma iti ari, intono sumrec ken intono rumuar.
8
Iti casta dagiti Levitas ken amin a Juda inaramidda ti mayannurot iti amin nga imbilin cadacuada ni Joiada a padi: ket innalada tunggal tao dagiti lallakina, isuda a sumrec coma iti aldaw a panaginana agraman cadagitoy a rumuar iti aldaw a panaginana; ta ni Joiada a padi saanna a pinagawid dagiti napasenpaset a buyot.
9
Ket ni Joiada a padi inyawatna cadagiti capcapitan dagiti ginasut, dagiti picpica, ken sarsarapa, ken calcalasag, a cucua idi ni ari David, nga adda idi iti balay ti Dios.
10
Ket incabilna amin dagiti tattao, a tunggal tao a siiiggem iti igamna, manipud iti makincanawan nga bangir ti balay agingga iti makincatigid nga bangir ti balay, iti denna ti altar ken ti balay, iti arpad ti ari nga aglicmut.
11
Idin inruarda di anac a lalaki ti ari, ket incabilda kencuana ti balangat, ken intedda kencuana ti pammanecnec; ket isu ti inaramidda nga ari: ken da Joiada ken dagiti annacna isu ti pinulotanda; ket kinunada, Agbiag coma a manayon ti ari.
12
Ket idi ni Atalia nangngegna ti daranudor dagiti tattao nga agtaray ken agdaydayaw iti ari, isu napan cadagiti tattao idiay balay ni Jehova:
13
Ket isu kimmita, ket, adtoy, di ari sitatacder iti sibay ti adigina iti pagsercan, ken dagiti capcapitan ken tortororot iti arpad ti ari; ken amin dagiti tattao nagrag-oda, ket pinuyotda dagiti tortororot; dagiti cumacanta nagtocarda met cadagiti gamgamigam ti musica, ken nangidalanda iti panagcanta a pagdaydayaw. Idin ni Atalia, pinigisna dagiti cawesna, ket kinunana, Liput! liput!
14
Ket ni Joiada a padi pinaruarna dagiti capcapitan ti ginasut a pangolo ti buyot, ket kinunana cadacuada, Isu ti iruaryo iti baet dagiti inintar; ket ti sumurotto kencuana isu ti papatayenyonto iti campilan: ta di padi kinunana, Dicayo papatayen coma iti balay ni Jehova.
15
Iti casta naglisida a maipaay kencuana; ket napan iti dalan ti sercan ti cabayo iti balay ti ari: ket isu ti pinatayda idiay.
16
Ket ni Joiada nangaramid iti tulag iti nagtengngaan isu met laeng, ken cadagiti tattao, ken iti ari, nga isuda coma dagiti tattao ni Jehova.
17
Ket isu-amin dagiti tattao napanda iti balay ni Baal, ket dinupracda; dagiti al-altarna ken dagiti ladladawanna binuracda nga inkisap, ket pinatayda ni Matan a padi ni Baal iti sango dagiti al-altar.
18
Ket ni Joiada nangdutoc cadagiti agturturay iti balay ni Jehova iti babaen ti panangidalan dagiti papadi ken Levitas, isuda a ni David inwarasna idi iti balay ni Jehova, tapno idatagda dagiti datdaton a mapuuran ken Jehova, a cas adda a naisurat iti linteg ni Moises, a buyugen ti panagrag-o ken panagcanta a mayannurot iti bilin ni David.
19
Ket insaadna dagiti agay-aywan cadagiti ruruangan iti balay ni Jehova, tapno awan ti saan a nadalus iti aniaman a banag a sumrec.
20
Ket innalana dagiti capcapitan ti ginasut, ken dagiti natacneng, ken dagiti gobernador dagiti il-ili, ken amin a tattao ti daga, ket insalogna ti ari a naggapu iti balay ni Jehova: ket nagnada iti balay ni Jehova: ket nagnada a limmasat iti akinngato a ruangan agingga iti balay ti ari, ket insaadda ti ari iti trono ti pagarian.
21
Iti casta amin a tattao ti daga nagrag-oda, ket ti ili nagtalna. Ket ni Atalia pinatayda iti campilan.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36