1 Samuel 28

Mien Bible (Thai Script) © Thailand Bible Society, 2007

← Chapter 27 Jump to: Chapter 29 →

1วั้ว เต๋ย เฒี่ยง โห่. ฟีลิสะเตีย เมี่ยน กั๊บ ฒุ้น อ๋อย มี่ง เหธา อิสะลาเอน เมี่ยน เบ๊าะ จ๋า. อาคิด ก๊อง บั๋ว ดาวิด, “เม่ย อ๋อย หฒุ เปียะ เฮญี้ยว, เม่ย เหธา กัน เม่ย เญย เมี่ยน อ๋อย หฒุ เหธา เจี๊ยน เยีย ธ้วด มี่ง เบ๊าะ จ๋า.”

2ดาวิด เตา อาคิด, “หลง อ๊ะ. เม่ย ฯฒฯ ฮิ้ว ตุ๊ เยีย เม่ย เญย โปว, ไฮ่ โหฒว ตุ๊ หาย หญู่ง.” อาคิด ก๊อง บั๋ว ดาวิด, “หลง เญย. เยีย อ๋อย ออน เม่ย เหยียด ลิ์ว โหฒว เยีย เญย ซิน-เฮลน เมี่ยน.”

3ซามูเอน เกวย เสย หมี่ อ๊ะ. อิสะลาเอน เญย หฒวัง เมี่ยน เหว่ย นิ่น เฑ่า เญี้ยม หย่า ต้อ นิ่น มี่ง หฒัง เจี๊ยน นิ่น กั้น เญย ป๊วน-มู้ง, ลามา. เซาโล หฒุ่น ธ้วด เหฑ่ง ก๊าน เฮย เมี่ยน เหธา โบ๊ว กว๋า เญย เมี่ยน, ไม้ ปุน เยียม เต่ย-ปูง.

4ฟีลิสะเตีย เมี่ยน กั๊บ ฒุ้น ต้าย เหลียบ เธี้ยง เยียม ซูเนม. เซาโล หย่า เห่ว อิสะลาเอน เญย หฒวัง เมี่ยน กั๊บ ฒุ้น ต้าย ฯฒฯ เหลียบ เธี้ยง เยียม กินโบอา บง.

5เซาโล หมั่ง ปวัด ฟีลิสะเตีย เมี่ยน เญย จุน-แปง กวั้น ฯฒฯ แฮะ นิ่น กั้ม เหฑีย ไห่. นิ่น เญย เฮญี้ยว หย่า หลุ่น เหฑ่ง.

6เซาโล หน่าย เฒี้ยว มป่า เฒี้ยว ไม้ เตา นิ่น, ไม้ โป๋ เบ๋ย ปุน นิ่น, หย่า ไม้ หล่ง อุลิม ไฟ โต่ว หว่า เมี่ยน เตา.

7เซาโล ก๊อง บั๋ว นิ่น เญย โปว, “โท้ ล์อ เต้า ก๊าน เฮย เญย มเซียะ ตอน, เหว่ย ปุน เยีย ตุ๊ มี่ง หน่าย นิ่น.” เซาโล เญย โปว เตา, “เยียม เอนโด ล์าง ม่าย เต้า ก๊าน เฮย เญย มเซียะ ตอน.”

8เซาโล เหยี่ยน นิ่น เญย ลุย-โหว ฒอง เป๋น กั้น เต้า ฯฒฯ เหธา อี เต้า มจั่ง ตอน ลู่ง ม์วน หฒั่น มี่ง ล์อ วั้ว เต้า ก๊าน เฮย เญย มเซียะ ตอน. ฮู่ง เตี๋ย ก๊อง, “โท้ เถง เยีย หน่าย เต้า ไต่ มี่ง เญย เมี่ยน เญย ว่วน. เยีย ก๊อง หาย เต้า เญย บั๋ว, เม่ย เห่ว วั้ว เต้า ธ้วด ต้าย โอ่.”

9วั้ว เต้า มเซียะ ตอน ก๊อง บั๋ว ฮู่ง เตี๋ย, “เม่ย ฒู้ง ฮิ้ว ตุ๊ เซาโล ฮนั้ง หาย นอ โหฒว. นิ่น ไพ กวั่ง เยียม เต่ย-ปูง เญย ก๊าน เฮย เญย เมี่ยน เหธา โบ๊ว กว๋า เญย เมี่ยน, ไม้ ปุน นิ่น บัว เยียม เต่ย-ปูง. วั้ว หญู่ง เม่ย เหว่ย หาย ติ่ว ต้าย ดั๊ว เยีย, ฮนั้ง แฒง โขว ฮลบ อ๋อย เฒาะ เยีย เญย แหม่ง?”

10เซาโล เฒี้ยง เจี๊ยน เฒี้ยว โฮ้ว หว่า ก๊อง บั๋ว วั้ว เต้า มเซียะ ตอน, “เยีย เฒี้ยง เจี๊ยน เฒี่ยง เจี๊ยน เญย เฒี้ยว แล์ง เม่ย ฒู้ง ไม้ หฒุ เหว่ย น้าย เต๋ย สี่ ตี่ง ฒุ์ย.”

11วั้ว เต้า มเซียะ ตอน หน่าย, “เม่ย อ๋อย เยีย เห่ว หาย เต้า ธ้วด ต้าย?” เซาโล เตา, “เถง เยีย เห่ว ซามูเอน ธ้วด ต้าย.”

12วั้ว เต้า มเซียะ ตอน เยี้ยด ปวัด ซามูเอน, นิ่น ฯฒฯ เห่ว เฉีย บุย! เญย. นิ่น ก๊อง เซาโล, “เม่ย เหว่ย หาย ติ่ว ดั๊ว เยีย? เม่ย เซ เซาโล ฮู่ง.”

13เซาโล ก๊อง บั๋ว นิ่น, “ไม้ ตู๋ง กั้ม เหฑีย โอ่. เม่ย ปวัด หาย หญู่ง?” วั้ว เต้า มเซียะ ตอน เตา เซาโล, “เยีย ปวัด เต้า เฒี่ยน เยียม เดา-เดี๊ย ธ้วด ต้าย.”

14เซาโล หน่าย วั้ว เต้า มเซียะ ตอน, “ปวัด นิ่น เญย ฝัง เฒ้ย ฮนั้ง หาย นอ?” วั้ว เต้า มเซียะ ตอน เตา, “ม่าย เต้า เมี่ยน โก๋ เมี่ยน ฒุ เจี๊ยน ต้ม ลุย-ด๊าว ธ้วด ต้าย” เซาโล ฯฒฯ ฮิ้ว ตุ๊ เซ ซามูเอน. เซาโล ฯฒฯ บ๊าบ เหฌี่ย เดา ป๋าย.

15ซามูเอน หน่าย เซาโล, “เม่ย หละเญ้า เยีย, เห่ว เยีย ธ้วด ต้าย โหฒว หาย หญู่ง?” เซาโล เตา, “เยีย ม่าย ขวน เฮญี้ยว เญย สี่ เฮนี้ย ไห่, เหว่ย หฒุ ฟีลิสะเตีย เมี่ยน ต้าย อ๋อย เหธา เยีย เบ๊าะ จ๋า. ทิน-ฮู่ง หย่า กวั่ง ไม้ หมั่ง เยีย, ไม้ เตา เยีย เต๋า เก๋า เญย หว่า. นิ่น ไม้ หล่ง โต่ว หว่า เมี่ยน ไฟ เบ๋ย เญย เบ๋ย เตา เยีย. เหว่ย น้าย เยีย หธีง ต้าย เห่ว เม่ย ธ้วด ต้าย บั๋ว เยีย, เยีย หย่า อ๋อย หฒุ ฮนั้ง หาย นอ โหฒว?”

16ซามูเอน เตา, “เม่ย เหว่ย หาย ติ่ว หน่าย เยีย? เหว่ย หฒุ เฒี้ยว กวั่ง, ไม้ หมั่ง เม่ย หย่า เป๋น เม่ย เญย วิน-วั้ง หมี่ อ๊ะ.

17เฒี้ยว โหฒว ปุน เม่ย ฮนั้ง นิ่น หล่ง เยีย ก๊อง บั๋ว เม่ย นอ. เฒี้ยว ฒู้ง ธ้าง เม่ย เญย กั๊วะ มี่ง จิว ปุน ดาวิด หมี่ อ๊ะ,

18เหว่ย หฒุ เม่ย ไม้ หมวัง เฒี้ยว เญย หว่า. นิ่น เฉีย เจี์ย! ไห่ อามาเล้ก เมี่ยน. เม่ย หย่า ไม้ เอย นิ่น หัด เญย หว่า เหมียด นิ่น บัว. เหว่ย น้าย อี้ ฮนอย เฒี้ยว หธีง ต้าย ฮนั้ง น้าย นอ โหฒว ปุน เม่ย.

19ไม้ ตาน บัวะ น้าย. เฒี้ยว อ๋อย เฒาะ อิสะลาเอน เหธา เจี๊ยน เม่ย จิว ปุน เยียม ฟีลิสะเตีย เมี่ยน เญย ปั์ว-เดี๊ย. ฌัง ฮนอย เม่ย กั้น เหธา เม่ย เญย ตอน บัว ฯฒฯ เหธา เยีย เยียม น้าย. เฒี้ยว หย่า อ๋อย เฒาะ อิสะลาเอน เญย จุน-แปง จิว ปุน เยียม ฟีลิสะเตีย เมี่ยน เญย ปั์ว-เดี๊ย.”

20เซาโล ไฮ์ ซามูเอน ฮนั้ง น้าย นอ ก๊อง, ฯฒฯ เลี่ยม เฒ่ย แฮะ นิ่น กั้ม เหฑีย ไห่, คีง เหฌี่ย เดา มี่ง. นิ่น เมา ไห่, ไม้ ม่าย เหยียด เต๋ย ชะ, เหว่ย หฒุ ตุ๊ เหยียด ฮนอย เหธา เหยียด ม์วน นิ่น ไม้ หญั่น หาย หญู่ง.

21วั้ว เต้า มเซียะ ตอน มี่ง เถา เซาโล วั้ว, ปวัด นิ่น หฒะเก้ง! กั้ม เหฑีย ไห่. วั้ว เต้า มเซียะ ตอน ฯฒฯ ก๊อง, “เยีย, เม่ย เญย มเซียะ โปว, ไม้ หล่ง แหม่ง เญย เอย เจี๊ยน เม่ย เญย หว่า โหฒว.

22อี้ หฒั่น โท้ เม่ย หมวัง เยีย, เม่ย เญย มเซียะ โปว, เญย หว่า. โท้ ปุน เยีย เบ่น ติ๊ เตียน กะน้าย ปุน เม่ย หญั่น. เหว่ย ปุน เม่ย ไฮ่ ม่าย ชะ ธ้วด เจ๊า.”

23เซาโล ไม้ คั้ง. นิ่น ก๊อง, “เยีย ไม้ หญั่น.” มป่า นิ่น เญย โปว เหธา วั้ว เต้า มเซียะ ตอน ขวิน นิ่น. นิ่น ฯฒฯ หมวัง นิ่น บัว เญย หว่า, เยียม กะเดี๊ย เดา เจี์ย ซิน ต้าย เฒว์ย เจี๊ยน โหธว.

24วั้ว เต้า มเซียะ ตอน ม่าย เต้า ง่ง ตอน จุ่น เยียม วั้ว เปย๊า ฯฒฯ เซี้ยบๆ เญย ไต๋ ต้าย. นิ่น หย่า เฒาะ บ๊วน ไหธ ต้าย โหฒว ไม้ อัน ปี๊ง เญย ฌั้ว ฒิ เหฒียง.

25นิ่น ฯฒฯ ต้อ ต้าย เบ่น ปุน เซาโล เหธา นิ่น เญย โปว บัว หญั่น. นิ่น บัว หญั่น ลิ์ว, ต้ง หน่าย ม์วน นิ่น บัว ฯฒฯ มี่ง หมี่ อ๊ะ.

← Chapter 27 Jump to: Chapter 29 →