1 Samuel 29

Mien Bible (Thai Script) © Thailand Bible Society, 2007

← Chapter 28 Jump to: Chapter 30 →

1ฟีลิสะเตีย เมี่ยน ติ่ว ฑ่อย นิ่น บัว เญย เหยียด ฒู้ง แปง เยียม อาเฟ้ก. อิสะลาเอน เมี่ยน เหลียบ เธี้ยง เยียม ยิดเลเอน ววม-ฒี้ง กะเฮลน.

2ฟีลิสะเตีย เมี่ยน เญย เปย๊ย เฒ้ย ธ้วด มี่ง. นิ่น บัว เญย จุน-แปง กัน เจี๊ยน มี่ง เป๋น เหยียด กวั้น เหยียด กวั้น เญย. ม่าย เต๋ย เหยียด แป๊ะ เต้า, ม่าย เต๋ย เหยียด ธิน เต้า. ดาวิด เหธา กัน นิ่น เญย เมี่ยน เหธา อาคิด กัน เจี๊ยน นิ่น บัว เญย ฆะฮ้า ฆาง มี่ง.

3ฟีลิสะเตีย เมี่ยน เญย ต้ม แปง-เปย๊ย ก๊อง, “น้าย เต๋ย ฮิบลู เมี่ยน ต้าย น้าย โหฒว หาย หญู่ง?” อาคิด เตา ฟีลิสะเตีย เมี่ยน เญย ต้ม แปง-เปย๊ย, “น้าย เต้า เซ อิสะลาเอน เมี่ยน เญย ฮู่ง เตี๋ย, เซาโล, เญย เจียน, ดาวิด, ไม้ เฒ์ย? นิ่น ต้าย เหธา บัว เยียม ตุ๊ ธั้ม-ฮนอย ธั้ม-หฮญัง อ๊ะ. เยียม นิ่น เปย๋า ต้าย ล์อ เยีย เถา อี้ ฮนอย, เยีย ไม้ ปวัด นิ่น โหฒว ต่อง เจี๋ย หาย หญู่ง.”

4มป่า ฟีลิสะเตีย เญย แปง-เปย๊ย เฉีย เจี์ย ไห่ อาคิด ฯฒฯ ก๊อง บั๋ว นิ่น, “โท้ เม่ย เห่ว น้าย เต้า เมี่ยน หฑวน มี่ง, ปุน นิ่น หฑวน ต้ง เม่ย ตี่ง เหฒียง ปุน นิ่น เยียม เญย ต๋อง. ไม้ ตู๋ง ปุน นิ่น เหธา เยีย บัว ธ้วด มี่ง เบ๊าะ จ๋า. เฑ่า เหย บัว เบ๊าะ เจี๊ยน จ๋า เญย เฒี่ยง โห่, นิ่น เบี๊ยน เฮญี้ยว เป๋น บัว เญย วิน-วั้ง. น้าย เต้า เมี่ยน ไฮ่ หล่ง หาย หญู่ง หฒะเอ๋ย เหธา นิ่น เญย เฒี้ยว หอบ ต้าย? นิ่น ไม้ เฒ์ย เฒาะ เยียม น้าย เญย เมี่ยน เญย มฆ้อง ไฟ?

5นิ่น บัว หธัง เหย ป๋าว ฑูง ก๊อง, ‘เซาโล ไต๋ เมี่ยน เป๋น ธินๆ, ดาวิด ไต๋ เมี่ยน เป๋น หว่านๆ’ เซ ไม้ เฒ์ย น้าย เต้า ดาวิด ไฟ?”

6อาคิด ฯฒฯ เห่ว ดาวิด ต้าย ก๊อง บั๋ว นิ่น, “เยีย เฒี้ยง เจี๊ยน เฒี่ยง เจี๊ยน เญย เฒี้ยว แล์ง หว่า. เม่ย โหฒว เฮญี้ยว หฒีง เญย เมี่ยน. เยีย กั้น นอ, อะเฮน้ย ปุน เม่ย เหธา เจี๊ยน เยีย มี่ง เบ๊าะ จ๋า. เยียม เม่ย ต้าย เหธา เยีย เยียม วั้ว ฮนอย เถา อี้ หฒั่น, เยีย ไม้ ปวัด เม่ย ต่อง เจี๋ย หาย หญู่ง. มป่า หฒวัง เปย๊ย เฒ้ย ไม้ อะเฮน้ย เม่ย.

7เหว่ย น้าย โท้ เม่ย หฑวน อ๊ะ, แป้ง ออน เญย มี่ง ม่าะ! ฮนั้ง หน่าย เม่ย ฯฒฯ ไม้ หฒุ ฟีลิสะเตีย เมี่ยน ไม้ อะเฮน้ย เม่ย.”

8ดาวิด ก๊อง บั๋ว อาคิด, “เยีย โหฒว ต่อง หาย หญู่ง? เยียม เยีย ต้าย ล์อ เม่ย เถา อี้ หฒั่น เม่ย ปวัด เยีย ต่อง เจี๋ย หาย หญู่ง ไฟ? เยีย เหว่ย หาย ติ่ว ไม้ ตุ๊ มี่ง เบ๊าะ เยีย เญย เฒี้ยว, ฮู่ง เตี๋ย, เญย วิน-วั้ง?”

9อาคิด เตา ดาวิด, “เยีย ฮิ้ว ตุ๊ เอย เยีย กั้น เญย มฒีง หมั่ง นอ, เม่ย หอบ เยีย เญย เฮญี้ยว ไห่ ฮนั้ง ทิน-ฮู่ง เญย ฟิน-เมี่ยน นอ. มป่า ฟีลิสะเตีย เมี่ยน เญย ต้ม แปง-เปย๊ย ก๊อง, ‘ไม้ ตู๋ง ปุน นิ่น เหธา เยีย บัว มี่ง เบ๊าะ จ๋า.’

10ฮนั้ง หน่าย, เม่ย เหธา เม่ย เญย เฒี้ยว เญย โปว, ต้ง กัน เม่ย เญย เมี่ยน, ฌัง ดอม เจี์ย ซิน เฑี้ยว เญย, ฒั้ว เจี๊ยน ลู่ง เยี้ยด ฌัง ฯฒฯ ธ้วด เจ๊า มี่ง อ๊ะ.”

11ดาวิด เหธา กัน นิ่น เญย เมี่ยน ฯฒฯ ลู่ง ดอม เฑี้ยว เญย เจี์ย ซิน ต้าย หฑวน ฟีลิสะเตีย เต่ย-ปูง. มป่า ฟีลิสะเตีย เมี่ยน มี่ง ยิดเลเอน หมี่ อ๊ะ.

← Chapter 28 Jump to: Chapter 30 →