Job 17

Mien Bible (Thai Script) © Thailand Bible Society, 2007

← Chapter 16 Jump to: Chapter 18 →

1“เยีย เญย บะฑิว หยุ, เยีย เญย ฮนอย-เหญียะ หย่า เจี๋ย หมี่ อ๊ะ. โฒ้ว หย่า ฒั้ว เจี๊ยน เยีย.

2เฒียน เญย, ม่าย จั๊ด เยีย เญย เมี่ยน เว่ย ก๋อม เยีย, เยีย เญย มฒีง หย่า หมั่ง เจี๊ยน นิ่น บัว ธัวะ เยีย.

3“ทิน-ฮู่ง อ่า, โท้ เม่ย โหฒว ปู๊-จา เปว เยีย. ธ้วด ลิ์ว เม่ย, ม่าย หาย เต้า อ๋อย เหว่ย เยีย โหฒว ปู๊-จา?

4เม่ย ปุน นิ่น บัว เญย เฮญี้ยว ไม้ ไฮ่ เม่ง แปะ. เหว่ย น้าย เม่ย ฯฒฯ ไม้ ปุน นิ่น บัว ฮี่ง เจี๋ย.

5เมี่ยน หม่าย กั้น เญย ก๋อ-โย์ว เหว่ย ตุ๊ ฒิ่น ญ่าน, นิ่น เญย ฝุเจว๊ย อ๋อย หฒุ เสี่ยว โค้ว.

6“ทิน-ฮู่ง ปุน เยีย เยียม แปะ ฝีง บุด๋ง โหฒว โก๊ว ก๊อง. นิ่น บัว หย่า ทุ้ย ววม-ฑุ่ย แน้ด เยีย เญย เฮมียน.

7หลาย เฑ่า โค้ว เยีย เญย มฒีง ไม้ ฌัง อ๊ะ. เยีย เญย ปั์ว-เหฒา ฮนั้ง ต้ง ลิ่น นอ.

8เฮญี้ยว หฒีง เญย เมี่ยน หลาย น้าย เต๋ย สี่ หฒะเก้ง! กั้ม เหฑีย ไห่. ไม้ โหฒว ต่อง เญย เมี่ยน เจี์ย ต้าย ก๊อง เยีย ไม้ กัน ทิน-ฮู่ง.

9คู้ เมี่ยน กัน หลง นิ่น ยั่ง เญย เจ๊า. ปั์ว ธีง-เหฑ่ง เญย เมี่ยน กุ๊น โหฒว กุ๊น เฮ้น เจี๊ยน ฝาว.

10“มป่า เม่ย บัว, เซ เม่ย บัว เหยียด ฒู้ง, กุ๊น แอ๋ง ต้าย หฑุ่น. เยียม เม่ย บัว บุด๋ง เยีย ฒู้ง ล์อ ไม้ ปวัด เหยียด เต้า ธง-เม่ง เมี่ยน.

11“เยีย เญย ฮนอย-เหญียะ เจี๋ย หมี่ อ๊ะ. เยีย ต๊า เญย หฒะเอ๋ย, เซ เยียม เฮญี้ยว ฮนั้ม เญย, ตั๋ง หมี่ อ๊ะ.

12เยีย เญย โล์-แกง ต่อย ปุน ลู่ง ม์วน หฒั่น เป๋น ลู่ง ฮนอย หฒั่น. นิ่น บัว ก๊อง, ‘ฌัง เซ นิด ฟัด หฮมวัง.’

13สี ก๊อง เยีย ม่าย ลั่ม ฮนั้ม เยี่ยม เกน เป๋น เยีย เญย เปย๊า, สี ก๊อง เยีย เปว๋ย เหฌี่ย หฮมวัง เญย ต๋อง,

14สี ก๊อง เยีย บั๋ว โฒ้ว, ‘เม่ย โหฒว เยีย เญย เตีย,’ หย่า บั๋ว แกง-เมา, ‘เม่ย เซ เยีย เญย มา,’ ไฟ ‘เยีย เญย ต่อ,’

15วั้ว หญู่ง เยีย ม่าย ลั่ม ฮนั้ม เญย เยียม หาย? เยีย ม่าย ลั่ม ฮนั้ม เญย หาย เต้า ตุ๊ ปวัด?

16เยีย ม่าย ลั่ม ฮนั้ม เญย อ๋อย เหฌี่ย เถา เยี่ยม เกน เญย แก้ง ไฟ? เยีย บัว ล่ม ฑ่อย อ๋อย เหฌี่ย เนีย-บูง ไฟ?”

← Chapter 16 Jump to: Chapter 18 →