Job 18

Mien Bible (Thai Script) © Thailand Bible Society, 2007

← Chapter 17 Jump to: Chapter 19 →

1ชูวา เมี่ยน, บินดัด, เตา,

2“เม่ย อ๋อย ก๊อง น้าย ก๊อง วั้ว ด่ง หาย เล่า? ฮนั้ม หลง ม่าะ! เยีย บัว ฯฒฯ เหธา เม่ย ก๊อง หว่า.

3เหว่ย หาย ติ่ว ฝุน เยีย บัว ฮนั้ง แซง-คู้? หฒิว เม่ย หมั่ง, เยีย บัว เป๋น กะน้าย-หฮงง ไฟ?

4เม่ย เฉีย เจี์ย ห่อย กั้น มุน เญย เมี่ยน อ้า! เดา-เป้ย หลาย เม่ย อ๋อย หฒุ กวั่ง เป๋น เดา-ฮวาง ไฟ? หละเปย๊ย อ๋อย หฒุ ซุ้ย ฆอย นิ่น เญย ต๋อง ไฟ?

5“เอ๊าะ เมี่ยน เญย ฌัง ฒู้ง หฒุ ฮนั้ง ตัง นอ ไต่ หมี่ อ๊ะ. นิ่น เญย โต์ว-เบียด หย่า ไม้ หฒิว ฌัง.

6เยียม นิ่น เญย ด๊บ-ลิ่ว เญย ฌัง เป๋น หฮมวัง, เยียม นิ่น กู้ หงว่าย เญย ตัง หย่า ไต่ หมี่ อ๊ะ.

7นิ่น เฮ้น เญย เหฒา-เบี่ย อี้ หฒั่น หลาม ตุ๊ นั้ง. นิ่น กั้น ต๊า เญย หฒะเอ๋ย ฒู้ง ห่อย นิ่น ดิ๊ หฒุ ดอบ.

8นิ่น กั้น เญย เหฒา ต้อ นิ่น มี่ง หฒุ มู์ง เหฑ่น, นิ่น ยั่ง แฒง ฮลาง เญย ค้วด เจี๋ย.

9ฮลาง ฯฒฯ ฮลบ เจี๊ยน นิ่น เญย เหฒา-โฆ, แอ๋ง แหนะ เจี๊ยน เหฒียด เญย.

10ม่าย ฮลาง เหว่ย นิ่น ปี๋ง เจี๊ยน กะเดี๊ย เดา, แฒง เจี๊ยน เยียม นิ่น ยั่ง เญย เจ๊า.

11แฮะ นิ่น กั้ม เหฑีย ไห่ เญย สี่ เว่ย เจี๊ยน เปยย ปูง, หย่า หฒุ่น เจี๊ยน นิ่น เญย เหฒา-โฆ มี่ง.

12หลาย หง่อ, นิ่น เญย ชะ เผีย เจี๊ยน เหฌี่ย. เหฒะ หน่าน เยียม นิ่น เญย กะเฮลน ฒั้ว เจี๊ยน นิ่น.

13นิ่น เญย ด๊บ ปุ๊ด เธี้ยว เญย แป่ง ฮู้ เหฑ่ง. โตะ ไห่ เญย ววน-แป่ง นะ นิ่น เญย ปั์ว-เหฒา.

14เยียม นิ่น เขา เญย ด๊บ-ลิ่ว นิ่น หฒุ แปง ธ้วด, แอ๋ง หฒุ ต้อ มี่ง เถา กั้ม เหฑีย ไห่ เญย ฮู่ง เตี๋ย.

15ต้ง ไม้ เฒ์ย นิ่น เญย กะน้าย เยียม นิ่น เญย ด๊บ-ลิ่ว, หย่า ม่าย ฮู่ง หฮยาม เจี๊ยน นิ่น เยียม เญย ต๋อง.

16นิ่น เญย ฑู่ง ฆาย มี่ง, นิ่น เญย ฆว่า เหญา เหฑ่ง.

17เยียม ลู่ง เดี๊ย ไม้ ม่าย หาย เต้า จั๋ง นิ่น, เยียม เต่ย-ปูง นิ่น เญย บั๋ว หฒุด หมี่ อ๊ะ.

18นิ่น เยียม ฌัง หฒุ หฒุ่น เปียะ หฮมวัง กะญั์ว, เซ หฒุ หฒุ่น ธ้วด ย่าง เกน.

19เยียม นิ่น เญย โต้ว ฒง ไม้ ม่าย นิ่น เญย โฮ์ ต่อย เฒ้ย-ฟุน. นิ่น เยียม เจี๋ย เญย ต๋อง ไม้ ม่าย เหยียด เต้า ธ้วด สีง แหม่ง.

20ไฟ ปูง เมี่ยน หมวัง ไฮ์ นิ่น เญย เซ้ด เมว์ย หฒุ เญย สี่ ฯฒฯ เฮญี้ยว หว่าย เหฑ่ง. ตง ปูง เมี่ยน หย่า กั้ม เหฑีย ไห่ อ๊ะ.

21เอ๊าะ เมี่ยน เยียม เญย ต๋อง ฒู้ง ฮนั้ง น้าย. ไม้ ฮิ้ว ทิน-ฮู่ง เญย เมี่ยน หย่า ฮนั้ง น้าย อ๊ะ.”

← Chapter 17 Jump to: Chapter 19 →