Job 6

Mien Bible (Thai Script) © Thailand Bible Society, 2007

← Chapter 5 Jump to: Chapter 7 →

1โย้บ ฯฒฯ เตา,

2“เฝย ตุ๊ ไฮ่ เฒาะ เยีย เฑ่า ฟ่าน เญย เจ๊า ต้าย เฑียง, เยีย เญย เหยียด ฒู้ง โค้ว หน่าน อัน เจี๊ยน ทิน-แป้ง เหฑียง,

3ฒู้ง เก้า เฮนี้ย ค้อย เญย ซา-เฒียว. เหว่ย น้าย เยีย เญย หว่า เป๊ะ เญย,

4เหว่ย หฒุ เน่น เจี๋ย วั้ว เต้า เญย ฟอง-ธัง เยียม เยีย เญย ซิน, ฟอง-ธัง เญย เดีย-โตะ เปย๋า ก๋อม ซิน, เยีย หฒุ ทิน-ฮู่ง หล่ง หญู่งๆ แฮะ เยีย.

5เฮยี่ย ล่อ ม่าย เมี้ย หญั่น, นิ่น เห่ว เญย ไฟ? ง่ง ม่าย เบย้า ฆ้าว หญั่น, นิ่น เห่ว เญย ไฟ?

6ไม้ ม่าย เหมวย เญย กะน้าย ไม้ อัน เฑ้า ไฮ่ หญั่น ตุ๊ เญย ไฟ? เจ๋า-อ๊อ ม่าย หาย หญู่ง เหมวย โต่ ไฟ?

7เหว่ย เยีย น้าย เซ กั้ม เฑี้ย เญย กะน้าย, เยีย เญย เฮญี้ยว เสี่ยว ไม้ ตุ๊.

8“เฝย ตุ๊ หฒิว เยีย โท้ เญย เยีย เก้ง ไฮ่ ตุ๊, ทิน-ฮู่ง หย่า อ๋อย เหธย ปุน ต้ง เยีย อ๋อย ตุ๊ เญย.

9เฝย ตุ๊ ทิน-ฮู่ง เหฮลียน เยีย ฮู้ หม่วน, ซูง นิ่น เญย ปั์ว ไพ เยีย กวั่ง.

10ฮนั้ง หน่าย โหฒว ไฮ่ ออน เยีย เญย เฮญี้ยว, ไม้ กุ๊น เยีย เญย แป่ง เซียม เยีย ฒู้ง เฌียน-โย่ว เญย ถิว, เหว่ย หฒุ เยีย ไม้ แหง่ง ธีง-เหฑ่ง วั้ว เต้า เญย หว่า.

11“เยีย ม่าย หาย หญู่ง ชะ ปุน เยีย หธ่อ ไฮ่ ฒั้ว เจี๊ยน? เยีย เญย เซ้ด เมว์ย ฮนั้ง หาย นอ, เยีย หธีง ต้าย อ๋อย หฒุ ม่าย หน่อย เตี๊ย?

12เยีย เญย ชะ เซ หละเปย๊ย เญย ชะ ไฟ? เยีย เญย อ๊อ ซิน เป๋น ต้ง ซิ ไฟ?

13เยีย กั้น ฒู้ง ไม้ ม่าย ชะ เถง เยีย กั้น อ๊ะ. เยีย หย่า จ่ม หฒะเอ๋ย หมี่ อ๊ะ.

14“หาย เต้า ตุ๊-เอ๋ย ไม้ โหฒว หลง ปุน นิ่น เญย โล์-แกง ต่อย, วั้ว เต้า กวั่ง, ไม้ ท่าย เน่น เจี๋ย เญย ทิน-ฮู่ง.

15เยีย เญย ก๋อ-โย์ว ดั๊ว เยีย ฮนั้ง ววม-เสย, แอ๋ง ฮนั้ง โด๊ะ-หฒวน ไฮ่ ฆาย เหฑ่ง.

16โด๊ะ กิ๊ด ซอง ฯฒฯ หฮมวัง, ซอง หย่า ดุย กู้ หงว่าย ท้อง เจี๊ยน.

17ยัวะ เญย เฒี่ยง โห่ ซอง หยุ หมี่ อ๊ะ. หญุด จอม ฯฒฯ หมิด เหฑ่ง, ไม้ เยียม นิ่น เญย ต๋อง.

18กั๊บ ต่อย ธ้วด เจ๊า เญย เมี่ยน เล่ย นิ่น บัว เญย เจ๊า, นิ่น บัว เปียะ เต่ย-ปูง-ฮวาง ฯฒฯ หฒุ เหมียด.

19เยียม เทมา เต่ย กั๊บ ต่อย ธ้วด เจ๊า เญย เมี่ยน ล์อ ววม, เชบา เญย เจี๋ย เจ๊า แซง-เอ๋ย เมี่ยน ม่าย ลั่ม ฮนั้ม.

20นิ่น บัว ม่าย ลั่ม ฮนั้ม ไฮ่ ตุ๊ มป่า ไม้ ตุ๊ อ๊ะ. มี่ง เถา วั้ว นิ่น บัว ฯฒฯ เฮญี้ยว หลุ่น เหฑ่ง.

21อี้ หฒั่น เม่ย บัว เหว่ย เยีย เซ ฮนั้ง หน่าย อ๊ะ. เม่ย บัว ปวัด เยีย หฒุ โค้ว เญย สี่ ฯฒฯ แฮะ เม่ย บัว กั้ม เหฑีย.

22เยีย ก๊อง เจี๋ย ‘โท้ เม่ย บัว ปุน ฒี่ง เหญ่ย เยีย’? ไฟ ‘หล่ง เม่ย บัว เญย ฒิ่น ฒ่อย ฑุ์ย ญ่าน หฮมวัง ปุน เยีย’?

23ไฟ เยีย ก๊อง เจี๋ย ‘เหฌียว เยีย เปย๋า ดุ๊ด เยีย เญย วิน-วั้ง เญย ปั์ว-เดี๊ย’? ไฟ ‘หฒัวะ เยีย เยียม เหฒย เมี่ยน เญย เมี่ยน เญย ปั์ว-เดี๊ย ธ้วด ต้าย’?

24“หฌาว เยีย ม่าะ! เยีย ฯฒฯ ไม้ โค โล. โท้ ปุน เยีย เปียะ เฮญี้ยว เยีย ฮนั้ง หาย นอ โหฒว ต่อง.

25หฒีง เญย หว่า ม่าย หัด ม์า โฮล, เม่ย บัว ก๊อง-เหม มป่า ก๊อง-เหม หาย หญู่ง?

26ไม้ ลั่ม ฮนั้ม เญย เมี่ยน ก๊อง เญย หว่า เซ ฮนั้ง หฑยาว นอ, วั้ว หญู่ง เม่ย บัว เหว่ย หาย ติ่ว อ๋อย เตา วั้ว เต๋ย หว่า?

27เม่ย บัว ฒู้ง ตี่ง แหม่ง หมั่ง เหว่ย ตุ๊ กู้ ฮั่น ฝุเจว๊ย, หย่า หม่าย กั้น เญย โล์-แกง ต่อย เหว่ย ตุ๊ ญ่าน.

28“อี้ หฒั่น โท้ เม่ย บัว หมั่ง เยีย, เยีย ไม้ ตอง เจี๊ยน เม่ย บัว ก๊อง-แปะ.

29โท้ เม่ย บัว แอ๋ง ฮนั้ม หฑุ่น. ไม้ ตู๋ง โหฒว ไม้ แป้ง ฟิม. อี้ หฒั่น โท้ แอ๋ง ฮนั้ม หฑุ่น. อ๋อย หฒุ ปุน ธีง เยีย โหฒว ตุ๊ หฒีง เญย.

30เยีย ก๊อง เญย หว่า ม่าย หาย หญู่ง ต่อง ไฟ? เม่ย บัว ฮนั้ม ต้าย เยีย ไม้ ไฮ่ เสย ไม้ ธ้วด เหฒะ หน่าน?

← Chapter 5 Jump to: Chapter 7 →