Job 30

Mien Bible (Thai Script) © Thailand Bible Society, 2007

← Chapter 29 Jump to: Chapter 31 →

1“มป่า เก้า หลุน เยีย วั้ว เต๋ย เมี่ยน จั๊ด เยีย. น้าย เต๋ย เมี่ยน เญย เตีย เยีย ปวัด ไม้ หฒี่ ตุ๊ เหธา ฒั้ว เยีย เญย ปะกี ยู่ง กวั้น เญย จู๊ เยียม.

2นิ่น บัว เญย ปั์ว เญย ชะ ไฮ่ เถง หาย หญู่ง เยีย? นิ่น บัว เญย ชะ-เหละ เหฑ่ง หมี่ อ๊ะ.

3หลาย จ่ม โค้ว หย่า หง่อ, ลู่ง ม์วน หฒั่น เยียม เดา-ฮวาง นิ่น บัว หญั่น เมี้ย-ฑู่ง ฆาย.

4นิ่น บัว แก๊ะ เยียม เต่ย-ปูง-ฮวาง เญย เดี๋ยง-น่อม, เหธา ไม้ ม่าย เหมวย เญย เดี๋ยง-ฑู่ง โหฒว หญั่น ฮบ.

5นิ่น บัว เยียม เมี่ยน บุด๋ง หฒุ หฒุ่น ธ้วด, เมี่ยน เห่ว เจี๊ยน หฒุ่น ฮนั้ง หฒุ่น จั๋น-หฒะ นอ.

6นิ่น บัว หฒุ เยียม โด๊ะ-หฒวน ฆาย หย่า เยียม เดา-ค้วด เหธา แบ๋ง-ง่าม.

7นิ่น บัว เยียม เดา-ฮวาง ฮนั้ง เฮยี่ย ฒ่อย นอ เห่ว, หย่า เบ๋ง เจี๊ยน เยียม เดี๋ยง-ตอน-ฟ้ม กะเดี๊ย.

8นิ่น บัว เป๋น เหยียด กวั้น ไม้ ลั่ม หล่ง เญย ห่า ฮ่อง เมี่ยน, หฒุ ปย๊า-ปิน เบ๊าะ หฒุ่น ธ้วด เต่ย-ปูง.

9“อี้ หฒั่น น้าย เต๋ย เมี่ยน ต้อ เยีย เป๋น ฑูง ป๋าว, หย่า ต้อ เยีย เป๋น โก๊ว ก๊อง.

10นิ่น บัว โหยว เยีย, ซิ้ม เยีย โก, เยี้ยด ปวัด เยีย ฯฒฯ ทุ้ย ววม-ฑุ่ย แน้ด เยีย.

11เหว่ย หฒุ ทิน-ฮู่ง ปุน เยีย เมา, เถง ไม้ ตุ๊ กั้น, นิ่น บัว ฯฒฯ ตอง เจี๊ยน เยีย เซว่ย เอ๋ย โหฒว.

12น้าย เต๋ย เหธว หลุ่น เญย เมี่ยน เยียม เยีย เญย บย่าว แหมง เจี์ย ต้าย, นิ่น บัว ฟ้ง เยีย ธ้วด มี่ง. นิ่น บัว หลิ่ว เล์ย เจ๊า เหมียด เยีย.

13นิ่น บัว ปุน เยีย เปย๋า เญย เจ๊า ตั๋ง, แอ๋ง จา เหฒะ หน่าน ปุน เยีย, หย่า ไม้ ม่าย หาย เต้า ตั๊ง นิ่น บัว.

14นิ่น บัว ดุดๆ เญย ต้าย ฮนั้ง เปียะ ฒี่ง หลาด ทง เญย ต๋อง. เยียม ป่าย หว่าย เญย ต๋อง นิ่น บัว วู์ๆ เญย ต้าย.

15กั้ม เหฑีย ไห่ เญย สี่ ห่อย เยีย โค้ว ไห่, เยีย เญย ฌัง-หล่าง เจี๋ย ฮนั้ง หฑยาว ป่วน มี่ง นอ, เยีย เญย ฟุ-โหละ หย่า ฮนั้ง บ๋วน เจี๋ย หมี่ อ๊ะ.

16“อี้ หฒั่น เยีย เญย เฮญี้ยว หฒะเก้ง โค้ว ไห่, หฒุ โค้ว เญย ฮนอย-เหญียะ เฒาะ เจี๊ยน เยีย.

17ลู่ง ม์วน หฒั่น เยีย เญย บู๊ง ฮลัม, ฑิ้วๆ เญย มุน หย่า ไม้ ม่าย เฒี่ยง โห่ ตี้ง.

18ทิน-ฮู่ง เญย ต้ม ชะ ต๋อง ฮนั้ง เยีย เญย ลุย, แอ๋ง ฮนั้ง ลุย-จาง นอ แหนะ เจี๊ยน เยีย.

19ทิน-ฮู่ง เฒาะ เยีย ฒอย เหฌี่ย ววม-ปั่ม ด้อง, เยีย ฯฒฯ เป๋น เนีย-บูง เหธา ซ้าย หมี่ อ๊ะ.

20“ทิน-ฮู่ง อ่า, เยีย เห่ว เจี๊ยน เม่ย, เม่ย หย่า ไม้ เตา เยีย, เยีย โซ้ว เจี์ย ต้าย, เม่ย ขูง ปู๋ง มฒีง หมั่ง ฮนั้ง.

21เม่ย ทิ้ว เฮญี้ยว โหฒว โตะ เยีย, หล่ง เม่ย เฮ้น ไห่ เญย ปั์ว เหฒย เยีย.

22เม่ย โป้ว เยีย ฝาว เยียม หฑยาว กู้ หงว่าย, ปุน เยีย เก้ เจี๊ยน หฑยาว มี่ง, เม่ย ปุน เยีย เยียม ต้ม หฑยาว หฒุ เบว มี่ง เบว ต้าย.

23เยีย ฮิ้ว ตุ๊ เม่ย ต้อ เยีย มี่ง หฒุ ไต่, เซ เถา ตี่ง เหฒียง เต้าๆ เฒี่ยง เจี๊ยน เญย เมี่ยน อ๋อย หฒุ มี่ง เญย ต๋อง.

24“มป่า เมี่ยน เยียม ป่าย หว่าย เญย กะน้าย-ดุย ซูง ปั์ว, หย่า เยียม นิ่น หฒุ เญย เหฒะ หน่าน เห่ว เจี๊ยน โท้ เถง ไม้ เฒ์ย?

25เมี่ยน ด๊อด หน่าน เญย เฒี่ยง โห่ เยีย ไม้ เฒ์ย เหว่ย นิ่น บัว เญี้ยม ไฟ? เยีย เญย เฮญี้ยว ไม้ เฒ์ย เหว่ย เมี่ยน จ่ม เมี่ยน เฑ่า ไฟ?

26เยีย ฮนั้ม เจี๊ยน อ๋อย ตุ๊ หลง มป่า ตุ๊ เธี้ยว. เยีย ฒั้ว เจี๊ยน ฌัง มป่า หฮมวัง ต้าย เถา.

27เยีย เญย เฮญี้ยว ฟาน-เฟย หลุ่น, ไม้ ตี้ง เหยียด ตั้ง, โค้ว หน่าน เญย ฮนอย-เหญียะ ม่อ เจี๊ยน เยีย เยียม.

28เยีย เฑ่า, เฮมียน หฮมวัง หย่า ไม้ ม่าย หญุด หฒิว, เยีย โซ้ว เจี๊ยน กั๊บ ฒุ้น เญย หวุ่ย, เห่ว เจี๊ยน โท้ เถง.

29เยีย เหธา เฮยี่ย จู๊ เป๋น มั์ว-ต่อย, หย่า เหธา เหนาะ ล่อ ท่อ โหฒว ต่อย.

30เยีย เญย ด๊บ เจี๊ยะ หย่า เฆาะ หมี่ อ๊ะ, เยีย เญย บู๊ง จอม ฮนั้ง โต์ว ปั๊ว นอ.

31เหว่ย น้าย เยีย เญย ต้าน ป้า เญย เฉีย ทิ้ว เป๋น เฑ่า เญย เฉีย. เยีย เญย เฮล้า-ด้ง หนู เญย เฉีย ทิ้ว เป๋น เมี่ยน เญี้ยม เญย เฉีย.

← Chapter 29 Jump to: Chapter 31 →