Job 22

Mien Bible (Thai Script) © Thailand Bible Society, 2007

← Chapter 21 Jump to: Chapter 23 →

1เทมาน เมี่ยน, เอลีฟัด, ฯฒฯ เตา,

2“เมี่ยน ไฮ่ เหว่ย ทิน-ฮู่ง ม่าย ลั่ม หล่ง เญย ไฟ? ธง-เม่ง เมี่ยน เหว่ย นิ่น ม่าย ลั่ม หล่ง เญย ไฟ?

3สี ก๊อง เม่ย โหฒว คู้ เมี่ยน, ไฮ่ โหฒว ปุน เน่น เจี๋ย วั้ว เต้า อะเฮน้ย ไฟ? ไฟ สี ก๊อง เม่ย โหฒว ตุ้น ยุ่น เญย เมี่ยน, ไฮ่ ปุน ทิน-ฮู่ง ตุ๊ หาย หญู่ง?

4“เซ เหว่ย หฒุ เม่ย ท่าย นิ่น, นิ่น หธีง ก๊อง เม่ย หย่า เซี้ยม เม่ย เญย ฒุ์ย ไฟ?

5เซ เม่ย โหฒว เญย เอ๊าะ สี่ โฮล ไห่ ไม้ เฒ์ย? เม่ย โหฒว เญย ฒุ์ย หย่า ไม้ ม่าย จ่ม เญย ต๋อง.

6เม่ย อ๊าบ ก๋อ-โย์ว อัน ต๋อง-ต้าว หย่า ไม้ ม่าย กอน-แป๋ง. ฒู้ง เฒาะ เหฑ่ง นิ่น บัว เญย ลุย-โหว ปุน นิ่น บัว แล่ง แก๊ง เญย เยียม.

7โค้ว เญย เมี่ยน เม่ย ไม้ ปุน ววม นิ่น บัว ฮบ, เฮญี้ยว เซีย เญย เมี่ยน เม่ย หย่า ไม้ ปุน หฮนาง หญั่น.

8เม่ย หล่ง เม่ย เญย หัด ม์า ตุ๊ ลี่ง เต่ย, ม่าย เม่ง เต้า เญย เมี่ยน ตุ๊ เยียม หน่าย.

9เม่ย หฒุ่น เอ๊า-กว๊า ขูง-ปั์ว แปะ เหฒา เญย หฑวน หย่า โหฒว โตะ กู้ ฮั่น ฝุเจว๊ย.

10เหว่ย น้าย ม่าย มู์ง แฒง เว่ย ก๋อม เม่ย. เม่ย จั๋ง ไม้ หฒ่าย เญย เฒี่ยง โห่ เลี่ยม เฒ่ย หฒุ กั้ม เหฑีย เญย สี่.

11หฮมวัง อม เจี๊ยน เม่ย, เม่ย ฯฒฯ หมั่ง ไม้ ปวัด, ววม หย่า เหยียม เจี๊ยน เม่ย.

12“ทิน-ฮู่ง ไม้ เฒ์ย เยียม กู้ หงว่าย ลู่ง ฮลัง เญย ต๋อง ไฟ? หมั่ง ฮลัง เจี๋ย เญย เหฮลย, นิ่น บัว ด่ง หาย ฮลัง!

13เม่ย หธ่อ ก๊อง, ‘ทิน-ฮู่ง ฮิ้ว ตุ๊ หาย หญู่ง? ด่ง หน่าย หฮมวัง, ทิน-ฮู่ง ฮนั้ง หาย นอ ไฮ่ หมั่ง ตุ๊ ทง เซี้ยม ฒุ์ย?

14บ๋วน-โฮ์ อม เจี๊ยน นิ่น, นิ่น ฯฒฯ หมั่ง ไม้ ปวัด. นิ่น หย่า โย่ว ลู่ง กู้ หงว่าย.’

15“เม่ย หธ่อ อ๋อย กัน โล์-เจ๊า ไฟ? น้าย เซ เอ๊าะ เมี่ยน ยั่ง เจี๋ย เญย เจ๊า.

16ไม้ แก้ง เถา ไต่ เญย เฒี่ยง โห่, นิ่น บัว หฒุ เฒาะ มี่ง หมี่ อ๊ะ. นิ่น บัว เญย กอน-โด๊ะ หฒุ ววม กว๊าด มี่ง.

17นิ่น บัว ก๊อง บั๋ว ทิน-ฮู่ง, ‘เล่ย ฆอย เยีย บัว ม่าะ!’ หย่า ก๊อง, ‘เน่น เจี๋ย วั้ว เต้า ไฮ่ โหฒว หาย หญู่ง ปุน เยีย บัว?’

18มป่า ทิน-ฮู่ง หธ่อ ปุน หลง เญย กะน้าย ปวั๊ง เหฑ่ง นิ่น บัว เญย เปย๊า. เอ๊าะ เมี่ยน ฮนั้ม เญย เจ๊า เยีย หย่า ไม้ ไฮ่ เม่ง แปะ.

19“คู้ เมี่ยน ปวัด นิ่น บัว หฒุ ป่าย ฯฒฯ อะเฮน้ย, ไม้ โหฒว ต่อง เญย เมี่ยน หย่า คู่ จั๊ด ก๊อง,

20‘บัว เญย วิน-วั้ง ด่ง หาย ฒู้ง หฒุ ไพ กวั่ง. นิ่น บัว เหฒ่ง เหฌี่ย เญย กะน้าย หฒุ โต์ว ปั๊ว ชุย เหฑ่ง.’

21“โย้บ อ่า, เม่ย อ๋อย หฒุ เหธา ทิน-ฮู่ง โหฒว หอบ, เหธา นิ่น แป้ง ออน, ทิน-ฮู่ง ฯฒฯ ปุน เม่ย ตุ๊ หลง.

22อ๋อย หฒุ ฒิบ นิ่น เญย ฑุ่ย หฌาว เญย หว่า, เซียว นิ่น เญย หว่า เยียม เม่ย เญย เฮญี้ยว กะญั์ว.

23สี ก๊อง เม่ย หฑวน ต้าย ล์อ เน่น เจี๋ย วั้ว เต้า เม่ย ฯฒฯ ตุ๊ เหธย เจี์ย ฮนั้ง โล์ วั้ว นอ. สี ก๊อง เม่ย กวั่ง เอ๊าะ สี่ เล่ย เม่ย เญย ด๊บ-ลิ่ว โก,

24สี ก๊อง เม่ย เฒาะ เจียม กวั่ง เจี๊ยน เนีย-บูง, เฒาะ โอฟี เญย เฒียน เจียม กวั่ง วั้ว โด๊ะ-หฒวน เญย หละเปย๊ย-ฉัง,

25สี ก๊อง เน่น เจี๋ย วั้ว เต้า เป๋น เม่ย เญย เจียม, หย่า เป๋น เม่ย จ๋าย ไห่ เญย ญ่าน,

26ฮนั้ง น้าย เม่ย ฯฒฯ อะเฮน้ย เน่น เจี๋ย วั้ว เต้า หย่า เธา เฮมียน ล์อ ทิน-ฮู่ง.

27เม่ย ฯฒฯ เต๋า เก๋า โจ้ว นิ่น, นิ่น หย่า อ๋อย หมวัง เม่ย. เม่ย หย่า จ๊าว ซูง เม่ย แล์ง เญย แหง่ง หว่า.

28เม่ย ตี่ง เฮญี้ยว โหฒว หาย หญู่ง, เม่ย ฯฒฯ ไฮ่ โหฒว ตุ๊ ธ้วด เญย. ฌัง หย่า อ๋อย หฒิว เม่ย เญย เจ๊า.

29เหว่ย หฒุ ทิน-ฮู่ง ฒัด เจี๊ยน โหฒว เหมา เญย เมี่ยน, มป่า เหฌียว เหญี่ยม กั้น โหฒว ไฝ เญย เมี่ยน.

30เลี่ยม โหฒว ต่อง เญย เมี่ยน นิ่น หย่า อ๋อย เหฌียว. สี ก๊อง เม่ย โหฒว ตุ๊ หอบ เม่ย ฯฒฯ ตุ๊ เหฌียว.”

← Chapter 21 Jump to: Chapter 23 →