bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
John 1
John 1
Kamba (Mbivilia) 1956
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 2 →
1
Mwambĩlĩlyonĩ kwaĩ Ndeto, na ĩla Ndeto yaĩ vamwe na Ngai, na ĩla Ndeto yaĩ Ngai.
2
Na nĩwe waĩ mwambĩlĩlyonĩ vamwe na Ngaĩ.
3
Syĩndũ syonthe nĩsyatw’ĩkĩthiw’e nĩwe; na ate vo vati kĩndũ o na kĩmwe kyaatw’ĩkĩthw’a katĩ wa ila syatw’ĩkĩthĩw’e
4
Nthĩnĩ wake vaĩ thayũ; na ũla thayũ waĩ kyeni kya andũ.
5
Na kĩla kyeni kĩkenaa kĩvindunĩ; na kĩvindu kĩinakĩkĩlya vinya.
6
Kwookie mũndũ atũmĩtwe kuma kwa Ngai, wetawa Yoana.
7
Ũsu ookie nũndũ wa ũkũsi, nĩ kana akũsĩĩe kĩla kyeni, andũ onthe metĩkĩle nũndũ wake.
8
Ndaĩ kyeni we, ĩndĩ ookie akũsĩĩe kĩla kyenĩ.
9
Kyaĩ kyeni kya w’o, kĩla kĩmulĩkaa o mũndũ ũla wũkaa nthĩ.
10
Aĩ kũũ nthĩ, na ĩ nthĩ yatw’ĩkĩthiw’e nĩwe, na nthĩ ndĩamwĩsĩ.
11
Ookĩe kwake mwene, na ala maĩ make maiaamwosa.
12
Ĩndĩ onthe ala mamwosie, amanenga ũkũmũ wa ũtw’ĩka syana sya Ngai, o ala metĩkĩlaa syĩtwa yake:
13
ala mataasyawa nĩ nthakame, kana kwenda kwa mwĩĩ, kana kwenda kwa mũndũ, ĩndĩ nĩ Ngai.
14
Na ĩla Ndeto yatw’ĩka mwĩĩ, na yatũa katĩ waitũ (na ithyĩ twoona ũtheu mũtisu wake, ũtheu mũtisu ta wa ũla wasyaiwe weka auma kwa Asa), ausũĩte mumo na w’o.
15
Yoana amukũsĩĩa, na aneena na wasya mũnene, akyasya, Ũũ nĩwe ũla nawetie atĩĩ, Ũla wũkĩte ĩtina wakwa e mbee wakwa: nũndũ aĩ mbee wakwa.
16
Nũndũ kuma wusũunĩ wake ithyonthe nĩtwoosie, na mumo ĩũlũ wa mumo.
17
Nũndũ ĩla mĩao yanenganĩwe kwa Mose; mumo na w’o maetiwe ni Yesũ Klĩsto.
18
Na vai mũndũ waamwona Ngai o na ĩndĩĩ; ũla Mwana mũsyawa weka, ũla wĩ kĩthũinĩ kya Asa, nĩwe wamumĩlilye.
19
Na ũũ nĩw’o ũkũsĩ wa Yoana, yĩla Ayuti matũmie athembi na Alivai kwake kuma Yelusaleme kũmũkũlya, Nue ũũ?
20
Nake aumbũla, na ndaakaĩa; ĩndĩ aumbũla, asya, Tii nyie Klĩsto.
21
Na mamũkũlya, Nata ĩndĩ? Nue Eliya? Na amea, Tii nyie we. Wĩ ũla mwathani? Na amasũngĩa, Aiee.
22
Na ĩndĩ mamũkũlya, Nue ũũ ĩndĩ? Kana tũkamasũngĩe ala matũtũmie. Wĩasya ata ũndũ waku?
23
Asya, Ninyie wasya wa mũndũ akĩneena mũno weũnĩ, Lũngalyai ũendelo wa Mwĩaĩi, o ũndũ mwathani Isaia waisye.
24
Na ala matũmiwe maumie kwa Avalisi.
25
Na mamũkũlya, na mamwĩa, Wĩvatisĩa kĩ ĩndĩ, ethĩwa tuue Klĩsto, kana Eliya, kana ũla mwathani?
26
Yoana amasũngĩa, akyasya, Nyie nĩvatisaa na manzĩ: katĩ wenyu vaũngamĩte ũmwe ũla mũtesĩ,
27
nĩwe ũla wũkĩte ĩtina wakwa, na ndyĩanĩwe nĩ ũthasya kamũkwa ka kĩatũ kyake.
28
Maũndũ asu nĩmeekĩwe Vethania mbee wa Yolotani, vala Yoana wavtisĩaa.
29
Na ũnĩ ũsu Yoana amwona Yesũ okĩte vala ũĩ, na asya, Sisyai, Katena ka ĩlondu ka Ngai, kala keumya naĩ ya nthĩ!
30
Ũũ nĩwe ũla naneenie ũndũ wake, Ĩtina wakwa vokĩte mũndũ ũla wĩ mbee wakwa: nũndũ aĩ mbee wakwa.
31
Na ndyamwĩsĩ; ĩndĩ nĩ kana onanw’e kwa Isilaelĩ, kwondũ wa ũu nĩnookie ngĩvatisa na manzĩ.
32
Na Yoana aumya ũkũsĩ, akyasya, Nĩnoonie ũla Veva aitheea kuma ĩtunĩ ta ĩvũĩ; na amũvũĩla.
33
Nakwa ndyamwĩsĩ: ĩndĩ ũla wandũmie kũvatisaa na manzĩ, nĩwe wambĩie, Ũla ũkona Veva aimũtheeea, na aimũvũĩla, ũsu nĩwe wĩvatisaa na Veva Mũtheu.
34
Nakwa ninoonie, na nĩnĩkũsĩĩe kana ũũ nĩ Mwana wa Ngai.
35
Na ũnĩ ũsu Yoana aũngeme ĩngĩ, e na elĩ ma amanyĩw’a make;
36
na amũsyaĩĩsya Yesũ aendete, na asya, Sisyai, Katena ka ĩlondu ka Ngai!
37
Na ala amanyĩw’a elĩ mamwĩw’a aineena, na mamũatĩĩa Yesũ.
38
Na Yesũ eethyũũa, na amona mamũvikĩlĩte, na amakũlya, Mwĩmantha kĩ? Na mamwĩa, Lavai (ũalyũlo wayo nĩ, Mũmanyĩsya), ũtwĩe va?
39
Na amea, Ũkai na mũkoona. Na mooka na moona vala ũtwĩe, na mekala nake mũthenya ũsu: na kwaĩ vakũvĩ saa ĩkũmi.
40
Ũmwe wa asu elĩ ala meewie Yoana aineena, na mamũatĩĩa, nĩ Andalea, mwana‐a‐inyia wa Simoni Vetelo.
41
Nake amba ũmwona mwana‐a‐inyia Simoni, na amwĩa, Nĩtwamwona ũla Masia (ũalyũlo wayo nĩ, Klĩsto).
42
Nake amũete vala ve Yesũ. Na Yesũ amwona, na amwĩa, Nue Simoni, mwana wa Yona: ũkeetawa Keva (ũalyũlo wayo nĩ, Vetelo).
43
Na ũnĩ ũsu Yesũ enda kũthi akavike Kalilii, na amwona Vilivu, na Yesũ amwĩa, Mbikĩla.
44
Na Vilivũ aĩ wa Vethisaita, ndũa ya Andalea na Vetelo.
45
Vilivu amũmantha Nathanaeli, na amwĩa, Nĩtwamwona ũla waandĩkiwe nĩ Mose mĩaonĩ, na ũla waandĩkiwe nĩ athani, nake nĩ Yesũ wa ndũa ya Nasaleti, mwana wa Yosevu.
46
Na Nathanaeli amwĩa, Nasaleti nĩvatonya kuma kĩndũ kĩseo? Vilivu amwĩa, Ũka ũkone.
47
Yesũ amwona Nathanaeli aiũka vala ũĩ, na aneena ũndũ wake, Onai, Mũisilaeli ki, ũte ũsekele!
48
Nathanaeli amwĩa, Ũmbĩsĩ ata? Yesũ amũsũngĩa, amwĩa, Vilivu atanamba ũkwĩta, yĩla wĩĩ ĩtina wa mũkũyũ, nĩngwonie.
49
Nathanaeli amũsũngĩa, Lavai, nue Mwana wa Ngai; na nue Mũsumbĩ wa Isilaeli.
50
Yesũ amũsũngĩa, amwĩa, Wĩĩkĩĩa nũndũ nakwĩa, Nĩngwonie ĩtina wa mũkũyũ? Ũkoona maũndũ manene kũvĩta aa.
51
Na amwĩa, Nĩ w’o, nĩ w’o, nĩngũmwĩa, Mũkoona ĩtu yĩkĩvingũka, na alaĩka ma Ngai makyambata na maimũtheeea Mwana wa mũndũ.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21