bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
John 17
John 17
Kamba (Mbivilia) 1956
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 18 →
1
Maũndũ asu Yesũ aneena; na ang’elelya metho make ĩtunĩ, na asya, Asa, saa nĩ mũviku; taĩa Mwana waku, nĩ kana ũ Mwana akũtaĩe;
2
o ũndũ wamũnengie ũkũmũ wa kwĩaĩa andũ onthe, nĩ kana onthe ala wamũnengĩe, amanenge thayũ ũtathela.
3
Na thayũ ũtathela nĩw’o ũũ, nĩ kana makũmanye we Ngai ũla wa w’o weka, na ũla wamũtũmie, nake nĩ Yesũ Klĩsto.
4
Ninĩkũtaĩĩte kũũ nthĩ, nũndũ nĩnĩminĩte kwĩka wĩa ũla wanengie nĩke.
5
Na yu, Asa, ndaĩĩthya vamwe naku, na ũtaĩo ũla naĩ naw’o vamwe naku nthĩ ĩtanamba ũtw’ĩkĩthw’a.
6
Nĩnamaumĩlĩlye syĩtwa yaku andũ ala wanengie kuma kwa ala ma nthĩ: maĩ maku, naku wanenga mo; na nĩmakwatiend to yaku.
7
Na yu nĩmesĩ kana maũndũ onthe ala wanengie maumaa kwaku:
8
nũndũ ndeto ila wanengie nĩnĩmanengete; na nĩmasyosie, na nĩmamanyie w’o kana naumie kwakũ, na meetĩkĩla, aĩ, nue wandũmie.
9
Nĩngũmavoyea: ndiũmĩvoyea nthĩ, ĩndĩ nĩ ala wanengie; nũndũ nĩ maku:
10
na syĩndũ syonthe ila syakwa nĩ syaku, na ila syaku nĩ syakwa: nakwa nĩndaĩawa nthĩnĩ wasyo.
11
Na ndi kũũ nthĩ ĩngĩ, ĩndĩ aa me kũũ nthĩ, na nĩngũka kwaku. Asa Mũtheu, masũvĩe syĩtwanĩ yaku yĩla wanengie, nĩ kana methĩwe me ũmwe, o taitũ.
12
Ĩvinda yĩla naĩ vamwe nao, nĩnamasũvĩaa syĩtwanĩ yaku yĩla wanengie: na nĩnamasyaĩĩasya, na vai ũmwe waaa ate o ũla mwana wa wanangĩko; nĩ kana maandĩko meanĩw’e.
13
Na yu nĩngũka kwaku; na maũndũ aa nĩneena kũu nthĩ, nĩ kana methĩwe na ũtanu wakwa wusũe, nthĩnĩ wamo.
14
Nĩnĩmanengete ndeto yaku; na nthĩ nĩyamamenie, nũndũ mo ti ma nthĩ, o ũndũ nyie ndi wa nthĩ.
15
Ndiũvoya nĩ kana ũmaumye kũũ nthĩ, ĩndĩ nĩ kana ũmasũvĩe kwa ũsu mũthũku.
16
Namo ti ma nthĩ, o ũndũ nyie ndi wa nthĩ.
17
Mavahe methĩwe atheu nthĩnĩ wa ũla w’o: ndeto yaku nĩyo w’o.
18
Tondũ wandũmie kũũ nthĩ, o ta ũu nakwa nĩnamatũmie kũũ nthĩ.
19
Na kwondũ wamo nĩngwĩvatha, nĩ kana namo mavathanw’e methĩwe atheu nthĩnĩ wa ũla w’o.
20
O na ti asu oka ngũvoyea, ĩndĩ nĩmavoyea ala makambĩtĩkĩla nũndũ wa ndeto yoo;
21
nĩ kana onthe methĩwe me ũmwe; o ũndũ we, Asa, wĩ nthĩnĩ wakwa, nakwa nĩ nthĩnĩ waku, kana namo methĩwe me nthĩnĩ waitũ: nĩ kana nthĩ yĩtĩkĩle kana nĩwandũmie.
22
Na ũtaĩo ũla wanengie nĩnĩmanengete w’o; nĩ kana methĩwe me ũmwe, o ũndũ ithyĩ twĩ ũmwe;
23
nyie nthĩnĩ woo, naku nthĩnĩ wakwa, kana methĩwe eanĩu nthĩnĩ wa ũmwe; nĩ kana nthĩ ĩmanye, aĩ, nĩwandũmie, na nĩwamendie o ũndũ wambendie.
24
Asa, nĩngwenda asu ala wanengie methĩwe vamwe nakwa vala nĩĩ, kana monage ũtheu mũtisu wakwa, ũla wanengie: nũndũ nĩwambendie mbee wa nthĩ ĩtanambĩlĩlw’a.
25
Ĩĩ, Asa mũĩũngalu, nthĩ ndĩaakũmanya, ĩndĩ nĩnakũmanyie; na aa nĩmamanyie kana natũmiwe nue:
26
na nĩnĩmamanyithĩtye syĩtwa yaku, na ngatũma yimanyĩka; nĩ kana wendo ũla ũmbendete naw’o wĩthĩwe nthĩnĩ woo, nakwa nĩthĩwe nĩ nthĩnĩ woo.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21