bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
John 11
John 11
Kamba (Mbivilia) 1956
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 12 →
1
Kwaĩ mũndũ ũmwe mũwau, wetawa Lasalo, wa mũsyĩ wa Vethania, vala Meli na mwĩĩtu‐a‐inyia Matha matwĩe.
2
Nĩ Meli ũsu ũla wamũvakie Mwĩaĩi mauta me mũuke mũseo, na aimũnyasya maũũ make na nzw’ĩĩ syake, na nĩ mwana‐a‐inyia wake Lasalo ũla waĩ mũwau.
3
Nũndũ wa ũu eĩtũ‐a‐inyia mamũtũmana, makyasya, Mwĩaĩi, sisya, ũla wendete nĩ mũwau.
4
Na Yesũ eew’a ũu, asya, Ũwau ũsu ti wa kĩkw’ũ, ĩndĩ nĩ kana Ngai ataĩwe na nĩ kana Mwana wa Ngai ataĩwe nũndũ waw’o.
5
Na Yesũ nĩwamwendete Matha, na mwĩĩtu‐a‐inyia, na Lasalo.
6
Na eew’a kana nĩ mũwau, amba kwĩkala vo vala waĩ mĩthenya ĩngĩ ĩlĩ.
7
Nĩvo ĩndĩ ĩtina wa ũu wameie amanyĩw’a, Tũthii ĩngĩ Yutia.
8
Amanyĩw’a manwĩa, Lavai, oyu mĩtũkĩ Ayuti nĩmanamanthaa kũũkima na mavia; na wĩthi kw’o ĩngĩ?
9
Yesũ asũngĩa, Masaa ma mũthenya ti ĩkũmi na elĩ? Ethĩwa mũndũ ethi na mũthenya, ndatulw’a, nũndũ niwene kyeni kya nthĩ ĩno.
10
Ĩndĩ ethĩwa mũndũ ethi na ũtukũ, nũnũũtulw’a, nũndũ kyeni kĩi nthĩnĩ wake.
11
Aneena maũndũ asu: na ĩtina amea, Lasalo ũla mũnyanyae waitũ nũkomete; ĩndĩ nĩngũthi ngamũamũkye.
12
Na ĩndĩ amanyĩw’a make mamwĩa, Mwĩaĩi, ethĩwa nũkomete, akavoa.
13
Ĩndĩ Yesũ aneenaa ũndũ wa kikw’ũ kyake: ĩndĩ nĩmaisye eneena ũndũ wa kũkoma too.
14
Nĩvo ĩndĩ Yesũ wamatavya vyũ, Lasalo nĩ mũkw’ũ.
15
Na nĩngũtana kwondũ wenyu nũndũ ndinaĩ vo, nĩ kana mwĩtĩkĩle; ĩndĩ tũthii vala ũĩ.
16
Na ĩndĩ Thomas, ũla wetawa Ĩvatha, wameie amanyĩw’a ala angĩ, Tũthii naitũ, tũkw’e vamwe nake.
17
Na Yesũ avika, ethĩa nũminĩte matukũ ana e mbũanĩ.
18
Na Vethania vaĩ vakuvĩ na Yelusaleme, ta maĩli elĩ;
19
na aingĩ ma Ayuti nĩmookie kwa Matha na Meli, kũmakiakisya nũndũ wa mwana‐a‐inyia woo.
20
Na ĩndĩ Matha, yĩla wewie kana Yesũ nĩwũkĩte, athi ũmũthaũa: ĩndĩ Meli ailyĩ nyũmba.
21
Na ĩndĩ Matha amwĩa Yesũ, Mwĩaĩi, kethĩwa ũnaĩ kũũ, mwana‐a‐ia ndakw’a.
22
Na nĩnĩsĩ o na yu kana ũndũ o na wĩva ũla wĩmwĩtya Ngai, Ngai akakũnenga.
23
Yesũ amwĩa, Mwana‐a‐inyia waku akathayũũka.
24
Matha amwĩa, Nĩnĩsĩ akathayũũka ũthayũũkyonĩ wa mũthenya wa mũminũkĩlyo.
25
Yesũ amwĩa, Ninyie ũthayũũkyo, na ninyie thayũ: ũla ũmbĩtĩkĩlaa, o na ethĩwa nũnũũkw’a, akeethĩwa na thayũ;
26
na o ũla wĩ na thayũ na ũmbĩtĩkĩlaa ndakakw’a o na ĩndĩĩ. Nũkwĩtĩkĩla ũu?
27
Nake amwĩa, Ĩĩ, Mwĩaĩi: nĩnĩtĩkĩlĩte kana nue Klĩsto, Mwana wa Ngai, ũla wĩũka kũũ nthĩ.
28
Na asya ũu, athi, amwĩta Meli mwĩĩtũ‐a‐inyia nzama, akyasya, Mũmanyĩsya e vaa, na nũnũũkwĩta.
29
Nake eew’a ũu, ookĩla na mĩtũkĩ, na athi vala ũĩ.
30
(Ĩndĩ Yesũ ndaĩ anamba ũvota mũsyi, ĩndĩ aĩ o vala Matha wakomanĩe nake.)
31
Nĩvo Ayuti ala maĩ nake nyũmbanĩ makĩmũkiakisya, moona Meli, ũndu wokĩla na mĩtũkĩ na aũmaala, mamũatĩĩie, makĩsũanĩa ũendete mbũanĩ akaĩĩe vo.
32
Na Meli, ooka vala ve Yesũ, na amwona, eevalũkya maũũnĩ make, akĩmwĩa, Mwĩaĩi, kethĩwa ũnaĩ kũũ, mwana‐a‐ia ndakw’a.
33
Na Yesũ oona akĩĩa, na Ayũti ala mookanisye nake makĩĩa, eew’a woo vevanĩ, na aũũya,
34
na asya, Mũnamwiie va? Mamwĩa, Mwĩaĩi, ũka ũkone.
35
Yesũ aĩa.
36
Na ĩndĩ Ayuti masya, Kwa sisyai ũndũ ũnamwendete!
37
Ĩndĩ amwe moo masya, Ũũ wasalukilye kĩlilinda metho, ndanaĩ atonya kũtuma mũndũ ũũ ũtakw’a?
38
Na ĩndĩ Yesũ eew’a woo ĩngĩ nthĩnĩ wake avika mbũanĩ. Nayo yaĩ ngunga, na yakunĩkĩlw’e na ĩvia.
39
Na Yesũ asya, Vetai ĩvia. Matha, mwĩĩtu‐a‐inyia wa ũla mũkw’ũ, amwia, Mwĩaĩi, yuyu nũnũũnyunga; nũndũ ũmũnthĩ nĩ wa kana, akw’a.
40
Yesũ amwia, Ndinakwĩa, kana, ethĩwa nũkwĩtĩkĩla, nũkwona ũnene wa Ngai?
41
Na ĩndĩ maveta yĩla ĩvia. Na Yesũ aũngalalya metho, na asya, Asa, nĩngũũtũngĩa mũvea nũndũ nĩwambĩw’a.
42
Nakwa nĩnĩsĩ kana mavinda onthe nũmbĩw’aa: ĩndĩ nũndũ wa ĩkomano yĩĩ yĩũngeme yĩnthyũlũlũkĩte naneena ũu, matonye kwĩtĩkĩla kana nue wandũmie.
43
Na aneena maũndũ asu, aneena na wasya mũnene, Lasalo, umaala.
44
Ũla eĩ mũkw’ũ aumaala, alingĩlĩtwe ngũa ya mathiko maũũ na moko; na ũthyũ wake wovetwe na kĩtambaa. Yesũ amea, Mũthasyei, na mũekei athi.
45
Na ĩndĩ aingĩ ma Ayuti, ala mookie kwa Meli na moona ũndũ ũla wĩkie, mamwĩtĩkĩla.
46
Ĩndĩ amwe moo mathi kwa Avalisi mamatavya maũndũ ala Yesũ wĩkie.
47
Na ĩndĩ athembi ala anene na Avalisi moomban’ya nzama, na masya, Twĩĩka ata? Nũndũ mũndũ ũũ ekaa syama mbingĩ.
48
Ethĩwa twĩmũeka ũu, andũ onthe makamwĩtĩkĩla: na Alomi makooka mose kũũ kwitũ na mbaĩ yaitũ.
49
Ĩndĩ ũmwe wamo, ũla wetawa Kaiava, ũla waĩ mũthembi mũnene mwaka ũsu, amatavya, Mũi ũndũ mwĩsĩ,
50
na mũtiũsũanĩa nĩkwaĩle inyw’ĩ, mũndũ ũmwe akw’e nũndũ wa andũ, nĩ kana mbaĩ yonthe ndĩkae.
51
Na ndaaneena ũu kwondũ wake: ĩndĩ nũndũ nĩwe waĩ mũthembi mũnene mwaka ũsu, athana kana Yesũ akamĩkw’ĩĩa mbaĩ;
52
na ti ũndũ wa mbaĩ yoka ĩndĩ nĩ kana atonye kũmban’ya syana sya Ngai ila itwĩe inyaĩĩkĩtw’e syĩthĩwe ũmwe.
53
Na ĩndĩ kuma mũthenya ũsu masaman’ya nĩ kana matonye kũmũaa.
54
Na kwondũ wa ũu Yesũ ndaambĩla kwanganga eyumĩlĩtye katĩ wa Ayuti, ĩndĩ auma kw’o na athi nthĩ ĩla ĩthengeee weũnĩ, ndũanĩ yĩtawa Evalaimũ; na ekala vo vamwe na amanyĩw’a make.
55
Na mboka ya vasaka yaĩ vakuvĩ ũvĩka: na aingĩ maumie nthĩ ĩsu mambatie Yelusaleme vasaka ũtanamba ũvika, nĩ kana methesye.
56
Na mamantha Yesũ, na maneenan’ya ene kwa ene, maũngamĩte ĩkalũnĩ, Mwĩona ata? Mwĩasya ndeũka mbokanĩ?
57
Na ĩndĩ athembi anene na Avalisi maumisye mwĩao, kana, ethĩwa mũndũ nĩwĩsĩ vala ũĩ, aete ũvoo, nĩ kana mamũkwate.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21