bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
John 3
John 3
Kamba (Mbivilia) 1956
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 4 →
1
Kwaĩ mũndũ wa Avalisi, wetawa Nikotemo, na aĩ mũnene ũmwe wa Ayuti:
2
ũsu ookie kwa Yesũ na ũtukũ, na amwĩa, Lavai, nĩtwĩsĩ kana wĩ mũmanyĩsya ũla wumĩte kwa Ngai; nũndũ kũi mũndũ ũtonya kwĩka syama ii ila wĩkaa, Ngai ate vamwe nake.
3
Yesũ amũsũngĩa, amwĩa, Nĩ w’o, nĩ w’o, nĩngũkwĩa, Keka mũndũ ũsyawa kuma ĩũlũ, ndatonya kwona ũsumbĩ wa Ngai.
4
Nikotemo amwĩa, Mũndũ atonya ata kũsyawa e mũkũũ? Nũtonya kũvota ĩngĩ ya kelĩ ĩvunĩ ya nyinyia, akasyawa?
5
Yesũ amũsũngĩa, Nĩ w’o, nĩ w’o, nĩngũkwĩa, Keka mũndũ ũsyawa nĩ manzĩ na Veva, ndatonya ũvota ũsumbĩnĩ wa Ngai.
6
Kĩla kĩsyaĩtwe nĩ mwĩĩ nĩ mwĩĩ; na kĩla kĩsyaĩtwe nĩ Veva nĩ veva.
7
Ndũkaseng’e nũndũ nakwĩa, Mũvaka mũsyawe kuma ĩũlũ.
8
Kĩseve nĩkĩuutanaa o kũla kĩkwenda, naku nĩwĩw’aa wasya wakyo, ĩndĩ ndwĩsĩ kũla kyumaa, na kũla kĩendaa: nĩw’o wĩthĩawa ũla ũsyaĩtwe nĩ Veva.
9
Nikotemo amũsũngĩa, amwĩa, Maũndũ aa mekĩkaa ata?
10
Yesũ amũsũngĩa, amwĩa, We wĩ mũmanyĩsya wa Isilaeli, na ndwĩsĩ maũndũ aa?
11
Nĩ w’o, nĩ w’o, nĩngũkwĩa, Ithyĩ nĩtũneenaa ũndũ ũla twĩsĩ, na nĩtũkũsĩĩaa ũla twoonie; na mũtikwĩtĩkĩla ũkũsĩ witũ.
12
Ethĩwa namũtavya maũndũ ma nthĩ na mũtiũmetĩkĩla mũkeetĩkĩla ata ngĩmũtavya maũndũ ma ĩtunĩ?
13
Na vai mũndũ waambata ĩtunĩ, no ũla watheeie kuma ĩtunĩ, nake nĩ Mwana wa mũndũ, ũla wĩ ĩtunĩ.
14
Na o tondũ Mose wokĩlilye ĩla nzoka weũnĩ, mũvaka Mwana wa mũndũ okĩlw’e ta ũu:
15
nĩ kana o ũla ũmwĩtĩkĩlaa ethĩwe na thayũ ũtathela.
16
Nũndũ Ngai nĩwendete nthĩ, nĩwanenganie Mwana wake e ũmwe, nĩ kana o ũla ũmwĩtĩkĩlaa ndakae, ĩndĩ ethĩwe na thayũ ũtathela.
17
Nũndũ Ngai ndaamũtũma Mwana wake kũũ nthĩ asilĩle nthĩ; ĩndĩ nĩ kana nthĩ ĩtangĩĩwe nĩwe.
18
Ũla ũmwĩtĩkĩlaa ti mũsilĩle: ĩndĩ ũla ũteũmwĩtĩkĩla nĩ mũsilĩle o na yu, nũndũ ndanetĩkĩla syĩtwa ya Mwana wa Ngai ũla wasyaiwe e weka.
19
Na ũũ nĩw’o ũsilĩlo, nũndũ kyeni nĩ kyũku kĩkalika kũũ nthĩ, na andũ nĩmendie kĩvindu kũte kyeni; nũndũ mawĩa moo maĩ mathũku.
20
Nũndũ kĩla mũndũ wĩkaa naĩ amenaa kyeni, na ndokaa kyeninĩ, mawĩa make maikakanw’e.
21
Ĩndĩ ũla wĩkaa w’o okaa kyeninĩ, mawĩa make monanw’e, kana mekĩtwe nthĩnĩ wa Ngai.
22
Ĩtina wa maũndũ aa Yesũ na amanyĩw’a make maendie nthĩ ya Yutia; na nĩkw’o wekalile vamwe nao, akĩvatisa.
23
Na Yoana nake nĩwavatisĩaa vandũ vetawa Ainoni vakuvĩ na Salimu, nũndũ vaĩ manzĩ maingĩ vo: na andũ maendaa vo, makavatiswa.
24
Nũndũ Yoana ndaĩ aneekĩwa kolokolonĩ.
25
Nĩvo ĩndĩ kwookĩla ngananĩo sya amanyĩw’a ma Yoana na Mũyuti ũmwe ũndũ wa wĩthesyo.
26
Na mathi kwa Yoana, na mamwĩa, Lavai, ũla waĩ naku mũingo ũya wa Yolotani, ũla wamũkũsĩĩaa, sisya, nake nũvatisaa, na andũ onthe maendaa kũla ũĩ.
27
Yoana asũngĩa, asya Mũndũ ndatonya kwosa ũndũ, atanengetwe kuma ĩtunĩ.
28
Inyw’ĩ ene nĩmũngũsĩĩaa, kana naisye, Tii nyie Klĩsto, ĩndĩ nĩtũmĩtwe mbee wake.
29
Ũla wĩ na mũtwawa nĩwe mũtwaani: ĩndĩ mũnyanyae wa mũtwaani, ũla ũũngeme na kũmwĩthukĩĩsya, nũtanaa mũno nũndũ wa wasya wa mũtwaani: kwondũ wa ũu ũtanu wakwa nĩwusũĩte.
30
Mũvaka we aneneve, nakwa nĩnyive.
31
Ũla ũnũkũka kuma ĩũlũ e ĩũlũ wa onthe: ũla wa nthĩ, ũsu nĩ mũndũ wa nthĩ, na aneenaa maũndũ ma nthĩ; ũla ũnũkũka kuma ĩtunĩ, ũsu e ĩũlũ wa onthe.
32
Na maũndũ ala wonie na wewie nĩmo ũkũsĩĩaa; na vai mũndũ wosaa ũkũsĩ wake.
33
Ũla wosete ũkũsĩ wake, ũsu ekĩĩte ũsiĩlo wake atĩ Ngai nĩ wa w’o.
34
Nũndũ ũla ũtũmĩtwe nĩ Ngai, ũsu aneenaa ndeto sya Ngai: nũndũ Ngai ndanenganae ũla Veva kwa ũthima.
35
Ũla Asa nũmwendete Mwana, na nĩwamũnengie maũndũ onthe kw’okonĩ kwake.
36
Ũla wĩtĩkĩlaa ũ Mwana e na thayũ ũtathela; ĩndĩ ũla ũtamwĩtĩkĩlaa Mwana ndakona thayũ, ĩndĩ ũthatu wa Ngai wĩkalaa ĩũlũ wake.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
Recommended Reading
Commentary
John Commentaries
→
Devotional
John Devotional Guide
→
Get This Bible
Mbivilia Study Bible
→