bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
John 8
John 8
Kamba (Mbivilia) 1956
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 9 →
1
ĩndi Yesũ athi kĩĩmanĩ kya Mĩthata.
2
Na kĩoko tene avota ĩngĩ ĩkalũnĩ, na andũ onthe mathi vala ũĩ; nake ekala nthĩ, na amamanyĩsya.
3
Na aandĩki na Avalisi mamũetee mũndũ mũka wakwatiwe ũlaalaini; na mamũũngamya katĩ woo,
4
mamwĩa, Mũmanyĩsya, mũndũ mũka ũũ akitw’a akĩka ũlaalai.
5
Na mĩaonĩ Mose atwĩaĩe kũaa ta ũyũ na mavia: wĩasya ata ĩndĩ, we, ũndũ wake?
6
Na waasya ũu, makĩmũtata, mone ũndũ wa ũmũvinganĩsya naw’o. Ĩndĩ Yesũ akunama, na aandĩka nthĩ na kyaa kyake.
7
Na mathing’ĩĩsya kũmũkũlya, aũngalala, na amea, Ũla ũte na nai katĩ wenyu nĩambe kũmwĩkya ĩvia.
8
Na akunama ĩngĩ, na aandĩka nthĩ na kyaa kyake.
9
Namo, meew’a ũu, maumaala ũmwe na ũmwe, kwambĩlĩlya ala akũũ, kũvika, ala ma mũminũkĩlyo: na Yesũ atiwa e weka, na ũla mũndũ vala eĩĩ katĩ.
10
Na Yesũ aũngalala, na amwĩa, Mũndũ mũka, maĩva ala? Vai ũmwe ũnaũsilĩla?
11
Na amwĩa, Vai ũmwe, Mwĩaĩi. Na Yesũ amwĩa, O nakwa ndiũkũsilĩla: enda; na kuma yu ndũkaaĩke naĩ ĩngĩ.)
12
Na ĩndĩ Yesũ aneena namo ĩngĩ, akyasya, Nyie, ninyie kyeni kya nthĩ: ũla ũmbikĩlaa ndakakinya kĩvindunĩ, ĩndĩ akeethĩwa na kyeni kya thayũ.
13
Na ĩndĩ Avalisi mamwĩa, Nũkwĩkũsĩĩa mwene; ũkũsĩ waku ti wa w’o.
14
Yesũ amaswũngĩa na amea, O na ethĩwa nĩngwĩkũsĩĩa mwene, ũkũsĩ wakwa nĩ wa w’o; nũndũ nĩnĩsĩ kũla naumie, na kũla nĩthi: ĩndĩ inyw’ĩ mũtyĩsĩ kũla naumie, kana kũla nĩthi.
15
Inyw’ĩ mũsila kĩmwĩi; nyie ndisilĩlaa mũndũ.
16
Na ethĩwa nĩngũsila, kũsila kwakwa nĩ kwa w’o; nũndũ ndi nyioka, ĩndĩ nyie na Asa ũla wandũmie.
17
Na mĩaonĩ yenyu nĩkũandĩkĩtwe kana ũmũsĩ wa andũ elĩ nĩ wa w’o.
18
Nyie nĩngwĩkũsĩĩa mwene, na Asa ũla wandũmie, nake nũnũngũsĩĩa.
19
Na kwondũ wa ũu mamũkũlya, Au aĩva? Yesũ amasũngĩa, Mũimbĩsĩa, o na Asa mũimwĩsĩ: kethĩwa, nĩmũmbĩsĩ, nake Asa mwĩthĩw mũmwĩsĩ.
20
Ndeto ii aneenie e vala valekelaw’a mbesa, akĩmanyĩsya ĩkalũnĩ: na vai mũndũ waamũkwata; nũndũ saa wake ndwaĩ ũnamba ũvika.
21
Na ĩndĩ amatavya ĩngĩ Nyie nĩngũthi, nenyu mũkamantha, na mũkakw’a naĩnĩ yenyu: kũla nĩthi, mũtitonya kũka.
22
Na ĩndĩ Ayuti masya, Akeeyũaa mwene, nũndũ easya, Kũla nĩthi, mũtitonya kũka?
23
Na amea, Inyw’ĩ mwĩ ma ĩtheo; nyie nĩ wa ĩũlũ: inyw’ĩ mwĩ ma nthĩ ĩno; nyie ndi wa thaĩ ĩno.
24
Nũndũ wa ũu namwĩa, kana mũkakw’a naĩnĩ syenyu: nũndũ mwalea kwĩtĩkĩla kana ninyie we mũkakw’a naĩni syenyu.
25
Na ĩndĩ mamũkulya, We nue ũũ? Yesũ amea, No ũla namũtavasya kuma mwambĩlĩlyonĩ.
26
Nĩ na maũndũ maingĩ ma ũneena na ma ũsila ũndũ wenyu: ĩndĩ ũla wandũmie nĩ wa w’o; na maũndu ala neewie kwake, nĩmo nĩmĩtavasya nthĩ.
27
Natyaamanya kana emawetea Asa.
28
Na ĩndĩ Yesũ asya, Yĩla mwĩmũkĩlya ũla Mwana wa mũndũ, nĩw’o mũkamanya kana ninyie we, na ndyĩkaa ũndũ nũndũ wakwa, ĩndĩ no ũndũ Asa wamanyĩisye, nĩw’o nĩneenaa.
29
Na ũla wandũmie e wamwe nakwa; ndaandia nĩ nyioka; nũndũ mavinda onthe nĩkaa maũndũ ala mamwendeeasya.
30
Akĩneena ndeto isu, andũ angĩ mamwĩtĩkĩla.
31
Nĩvo ĩndĩ Yesũ wameie Ayuti ala Ethĩwa inyw’ĩ mũkekalaa w’o;
32
na mũkamanya ũla w’o, na ũla w’o ũkamũthasya.
33
Namo mamũsũngĩa, Twĩ ũsyao wa Avalaamu, tũiaamba kwĩthĩwa ngombo sya mũndũ o na wĩva: wĩasya ata ĩndĩ, aĩ, Mũkathaw’a?
34
Yesũ amasũngĩa, Nĩ w’o, nĩ w’o, nĩngũmwĩa, Kĩla mũndũ wĩkaa naĩ nĩ ngombo ya naĩ.
35
Na ngombo ndĩkalaa nyũmbanĩ mavinda onthe: mwana ekalaa mavind onthe.
36
Ethĩwa ũla Mwana akamũthasya, mũkethĩwa mwĩ athasye w’o.
37
Nĩnĩsĩ kana mwĩ ũsyao wa Avalaamu; ĩndĩ mwĩmantha ũmbũaa, nũndũ ndeto yakwa ndĩ na ũthei nthĩnĩ wenyu.
38
Nĩneenaa maũndũ ala noonie kwa Asa: o nenyu nĩmwĩkaa maũndũ ala mweewie kwa ĩthe wenyu.
39
Mamũsũngĩa na mamwĩa, Asa waitũ nĩ Avalaamũ. Yesũ amea, Kethĩwa mwĩ syana sya Avalaamu, mwĩthĩwa mũkĩka, mawĩa ma Avalaamu.
40
Ĩndĩ yu nĩmũũmantha kũmbũaa, mũndũ ũla ũmũtavĩtye w’o, ũla neewie kwa Ngai: Avalaamu ndaaĩka ũu.
41
Nĩmwĩkaa mawĩa ma ĩthe wenyu. Na mamwĩa, Ithyĩ tũtyaasyaĩwa ũlaalaini; twĩ na Asa ũmwe, nake nĩ Ngai.
42
Yesũ amea, Kethĩwa Ngai nĩ Ĩthe wenyu, mwithĩwa mũkĩmbenda: nũndũ naumie kwa Ngai na nooka; na ndyaaũka kwondũ wakwa, ĩndĩ nĩwe wandũmie.
43
Nĩ ũndũ wa kĩ mũteũmanya ũndũ ngũneena? Nũndũ mũtitonya kwĩw’a ndeto yakwa.
44
Ĩnyw’ĩ, mwĩ ma ĩthe wenyu ndevili, na wendi wa ĩthe wenyu nĩw’o mwendaa kwĩka. Aĩ mũaani kuma mwambĩlĩlyonĩ, na ndaaĩkala nthĩnĩ wa w’o, nũndũ nthinĩ wake vati w’o. Yĩla ũnũũneena ũvũngũ, eneena ũndũ wĩ naw’o: nũndũ nĩ mũneeni wa ũvũngũ, na nĩ ĩthe wa ũvũngũ.
45
Ĩndĩ nũndũ nĩneenaa w’o, mũtiũmbitikila.
46
Nũũ wenyu ũla ũkũsĩĩa ki kana nyie nĩ mwĩki wa naĩ? Ethĩwa nĩneenaa w’o, nĩkĩ mũtiũmbĩtĩkila?
47
Ũla wa Ngai nĩwĩw’aa ndeto sya Ngai: na kwondũ wa ũu mũtyĩw’aa, nũndũ mũi ma Ngai.
48
Ayuti mamũsũngĩa, mamwĩa, Tũtinaneena o w’o kana wĩ Mũsamalia, na wĩ na ndaimonĩ?
49
Yesũ amasũngĩa, Ndi na ndaimoni; ĩndĩ nĩmũtaĩa Asa wakwa, na inyw’ĩ mũiũndaĩa.
50
Nakwa ndĩĩmantha ndaĩa yakwa mwene: kwĩ ũmwe ũla ũkumantha na nowe ũtusaa.
51
Nĩ w’o, nĩw’o, nĩngũmwĩa. Ethĩwa mũndũ nũkwataa ndeto yakwa, ndakona kĩkw’ũ o na ĩndĩĩ.
52
Ayuti mamwĩa, Yu nĩtwamanya kana wĩ na ndaimoni. Avalaamu nĩwakwie, na athani; naku wĩasya, Ethĩwa mũndũ nũkwataa ndeto yakwa, ndakasama kĩkw’ũ o na ĩndĩĩ.
53
We, wĩ mũnene kwĩ asa waitũ Avalaamu, nake nĩwakwie? Na athani nĩmakwie: wĩĩtw’a ũũ?
54
Yesũ asũngĩa, Ethĩwa nĩĩtaĩa mwene, ndaĩa yakwa ti kĩndũ: nĩ Asa wakwa ũla ũnũũndaĩa; ũla inyw’ĩ mũkwasya, nĩ Ngai wenyu;
55
na inyw’ĩ mũiaamũmanya: ĩndĩ nĩnĩmwĩsĩ; na ethĩwa ngasya, Ndĩmwĩsĩ, ngeethĩwa mũneeni wa ũvũngũ tenyu: ĩndĩ nĩnĩmwĩsĩ na nĩngwataa ndeeya yake.
56
Ĩthe wenyu, Avalaamu, nĩwatanie nũndũ wa kwona mũthenya wakwa; na nĩwawonie, na atana.
57
Ĩndĩ Ayuti mamwĩa, Ndũnamba ũvikya myaka mĩongo ĩtano, na nĩwamwonie Avalaamũ?
58
Yesũ amatavya, Nĩ w’o, nĩ w’o, nĩngũmwĩa, Nĩ kw’o naĩ, Avalaamuatanamba ũsyawa.
59
Nĩvo ĩndĩ moosie mavia mamũkime: ĩndĩ Yesũ eevitha, na auma ĩkalũnĩ.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21