bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
John 12
John 12
Kamba (Mbivilia) 1956
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 13 →
1
Na vatiele mĩthenya thanthatũ vasaka ũvike, Yesũ athi Vethania, vala Lasalo watwĩe, ũla wathayũũkiw’e nĩ Yesũ kuma kwa akw’ũ.
2
Na mamũseũvĩsya lĩu kw’o: na Matha nĩwe wanenganae lĩu; ĩndĩ Lasalo aĩ ũmwe wa ala mailyĩ nthĩ makĩya nake.
3
Na ĩndĩ Meli oosa latili ũmwe wa mauta matheu, me vata mũnene mũno, na amũvaka Yesũ maũũ, na amanyasya maũũ make na nzw’ĩĩ syake: na nyũmba yausũa mũuke wa ala mauta.
4
Ĩndĩ mũmanyĩw’a ũmwe wake, wetawa Yutasi Isikalioti, ũla wĩmũvũnyanĩa, asya,
5
Nĩkĩ mauta mateĩ matewa silingi maana atatũ, ikanengwa ngya?
6
Ndaasya ũũ, nũndũ wa kũsyĩw’ĩa ngya tei; ĩndĩ nũndũ aĩ kĩng’ei, na aĩ mũkui wa ngusu, na akyũya kĩla kyeekĩawa vo.
7
Na ĩndĩ Yesũ asya, Mũekei: ambĩka ũu ũndũ wa mũthenya ũla nĩthikwa.
8
Nũndũ ngya mwĩ nasyo mavinda onthe; ĩndĩ nyie mũi nakwa mavinda onthe.
9
Na ĩndĩ nguthu ya Ayuti yamanya kana e kw’o, yooka, na ti ũndũ wa Yesũ weka, ĩndĩ nĩ kana ĩmwone Lasalo nake, ũla wathayũũkiw’e nĩ Yesũ kuma akw’ũnĩ.
10
Ĩndĩ athembi anene masaman’ya mamũae Lasalo nake;
11
nũndũ andũ aingĩ maumie kwa Ayuti kwondũ wake, mamwĩtĩkĩla Yesũ.
12
Na ũnĩ ũsu nguthu nene ĩla yaĩ ĩnavika mbokanĩ, yeew’a kana Yesũ nũnũkũka Yelusaleme,
13
yoosa matũ ma makĩndũ, na yathi ũmũthaũa, na yookĩlya mawasya mũno, ĩkyasya, Hosana: Nĩ mũathime ũla wũkĩte syĩtwanĩ ya Mwĩaĩi, nĩwe Musumbĩ wa Isilaeli.
14
Na Yesũ oona ndena ya ĩng’oi, na amĩtũla; o ũndũ kũandĩkĩtwe,
15
Ndũkakĩe, mwĩĩtu wa Saioni: sisya, Mũsũmbĩ waku mwũkĩte, atũlĩte ndena ya ĩng’oi.
16
Maũndũ asu amanyĩw’a make maiaamanya mbee: ĩndĩ yĩla Yesũ wesie kũtaĩwa, nĩvo malilikanile kana maũndũ asu nĩmaandĩkĩtwe ũndũ wake, na mamwĩkie o maũndũ asu.
17
Na indĩ nguthu ĩla yaĩ nake yĩla wamwĩtie Lasalo aume mbũanĩ na amũthayũũkya kwa akw’ũ, nĩyakũsĩĩaa.
18
Na kwondũ wa ũu nguthu yaendie kũmũthaũa, nũndũ nĩyeewie kana nũneekie kyama kyu.
19
Na ĩndĩ Avalisi masya ene kwa ene, Sisyai mũti ũndũ mũtonya; onai, nthĩ nĩendete ĩmũatĩĩe.
20
Na kwaĩ Akiliki amwe katĩ wa ala mambatie kũthaitha mbokanĩ:
21
namo mathi vala ve Vilivu, ũla ũtwĩe Vethisaita, nthĩ ya Kalilii, na mamũkũlya, makyasya, Vwana, nĩtũkwenda kũmwona Yesũ.
22
Na Vilivu athi amũtavya Andalea: na Andalea athi. E na Vilivu, na mamũtavya Yesũ.
23
Na Yesũ amasũngĩa, akyasya, Saa nĩ mũviku yu Mwana wa mũndũ kũtaĩwa.
24
Nĩ w’o, nĩ w’o, nĩngũmwĩa, Keka mbeke ya nganũ ĩnĩũvalũka mũthanganĩ na ĩikw’a, ĩkalaa ĩyoka; ĩndĩ yakw’a, ĩsyaaa ũsyao mwingĩ.
25
Ũla wendaa thayũ wake nũnũkũwasya; na ũla ũmenaa thayũ wake e kũũ nthĩ akoosũvia kũvika thayũ ũtathela.
26
Ethiwa mũndũ o na wiva nũnũũnthũkũma, nambikĩle; na vala nĩĩ, nĩvo mũthũkũmi wakwa nake ũkethĩwa: ethĩwa mũndũ o na wĩva akanthũkũma, akataĩwa nĩ Asa.
27
Na yu ngoo yakwa nĩnĩkũũũya; na nĩasya ata? Asa, ndangĩĩa kuma saanĩ ũũ. Ĩndĩ kwondũ wa ũu nĩnookie kũvĩkĩa saa ũũ.
28
Asa, taĩa syĩtwa yaku. Na ĩndĩ kwauma wasya ĩtunĩ, ũkyasya, Nĩnayĩtaĩa, na ngayĩtaĩa ĩngĩ.
29
Na ĩndĩ nguthu ĩla yaũngeme vo, yeew’a, yasya kana nĩkwatunduma: angĩ masya, Nĩ mũlaĩka waneena nake.
30
Yesũ asũngĩa na asya. Wasya ũsu ndũnoka kwondũ wakwa, ĩndĩ nũndũ wenyu.
31
Oyu ũsililo wa nthĩ ĩno wĩ kw’o: oyu mũnene wa nthĩ ĩno akekw’a nza.
32
Nakwa, nookĩlw’a ĩũlũ wa nthĩ, ngakusya andũ onthe kwakwa.
33
Aasya ũu, akyonan’ya kĩkw’ũ kĩla wĩkw’a.
34
Ĩkomano yamũsũngĩa, Ĩthyĩ nĩtwĩw’ĩte mĩaonĩ kana Klĩsto ekalaa tene na tene: naku wĩasya ata, Ũla Mwana wa mũndũ mũvaka okĩlw’e? Mwana ũsu wa mũndũ nũũ?
35
Na ĩndĩ Yesũ amea, Kũtiele ĩvinda ĩnini kyeni kĩ katĩ wenyu. Endai ĩvinda yĩla mwĩ na kyeni, nĩ kana kĩvindu kĩikamũkitye: na ũla ũendelaa kĩvindunĩ ndesĩ kũla ũnũũthi.
36
Yĩla mwĩ na kyeni, ĩtĩkĩlai kyeni nĩ kana mwĩthĩwe ana ma kyeni. Yesũ aneena maũndũ asu, na athi amevitha.
37
O na kau nĩwekie syama mbingĩ mbee wamo, ĩndĩ matyaamwĩtĩkĩla:
38
nĩ kana ndeto yĩanĩw’e, ĩla yaneeniwe nĩ mwathani Isaia, akyasya, Mwĩaĩi, nũũ ũla wetĩkĩlile ũvoo ũla twaetie? Na kw’oko kwa Mwĩaĩi kwavuanĩw’e ũũ?
39
Na nũndu wa ũu maiaatonya kwĩtĩkĩla, nũndũ Isaia nĩwaneenie ĩngĩ, akyasya,
40
Nĩwamatw’ĩkĩthisye ililinda, na amomya ngoo syoo; Maikese kwona na metho moo, na kũmanya na ngoo syoo, Makaelyũla, Nakwa ngamavosya.
41
Isaia aneenie maũndũ asu, nũndũ nĩwonie ũtheu mũtisu wake: na aneena ũndũ wake.
42
Ĩndĩ o na aingĩ ma anene nĩmamwĩtĩkĩlile; ĩndĩ kwondũ wa Avalisi maiaamumbũla, maikalũngw’e ĩsinakokenĩ;
43
nũndũ nĩmendaa ndaĩa ya andũ mbee wa ndaĩa ya Ngai
44
Yesũ ookĩlya wasya mũnene na asya, Ũla ũmbĩtĩkĩlaa, tii nyie wĩtĩkĩlĩte, ĩndĩ nĩ ũla wandũmie.
45
Na ũla ũnzyaasya nyie amũsyasya ũla wandũmie.
46
Nĩnũkĩte kũũ nthĩ ni kyeni, ni kana ũla ũmbĩtĩkĩlaa ndakekale kĩvindunĩ.
47
Na ethĩwa mũndũ o na wĩva nũkwĩw’a ndeto syakwa, na ndekwikwata, ndiũmũsilĩla: nũndũ ndyaaũka nĩsilĩle nthĩ, ĩndĩ nĩ kana nĩtangĩĩe nthĩ.
48
Ũla ũnũũndea, na ndeũkwata ndeto syakwa, e na ũla ũnũũmũsilĩla: ndeto ila naneena, nĩyo ĩkamũsilĩla mũthenya wa mũminũkĩlyo.
49
Nũndũ ndyaaneena ũndũ wumĩte kwakwa mwene; ĩndĩ Asa ũla wandũmie, nĩwendaĩe, ũndũ ngasya, na ũndũ nganeena.
50
Nakwa nĩnĩsĩ kana mwĩao wake nĩ thayũ ũtathela; na kwondũ wa ũu maũndũ ala ngũneena, o ũndũ Asa wambĩie, nĩw’o nĩneenaa.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21