bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
John 16
John 16
Kamba (Mbivilia) 1956
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 17 →
1
Maũndũ asu namũtavya, nĩ kana mũikese kũlulutĩkw’a.
2
Nĩmakamũlũngya masinakokenĩ: ĩĩ, na ĩngĩ saa nĩwũkĩte, ũla ũnũũmũaa akatalĩlya kana emũthũkũma Ngai.
3
Na makeeka maũndũ asu, nũndũ maimwĩsĩ Asa, kana nyie.
4
Ĩndĩ maũndũ aa namũtavya, nĩ kana saa wamo wavika, mũkamalilikana, ũndũ namũtavisye. Na maũndũ asu ndyaamũtavya mwambĩlĩlyonĩ, nũndũ naĩ vamwe nenyu.
5
Ĩndĩ yu nĩngũthi kwa ũla wandũmie; na vai ũmwe wenyu ũngũlya, Wĩthi kũ
6
Ĩndĩ kwondũ wa kũmũtavya maũndũ aa, ngoo syenyu syausũwa nĩ kĩmako.
7
Ĩndĩ nĩmũtavya w’o: Nĩkũmwaĩle nyie nĩthi; nũndũ ethĩwa ndithi, ũla Mũtetheesya ndakoka vala mũĩ; ĩndĩ ethĩwa nĩngũthi, ngamũtũma vala mũĩ.
8
Nake, yĩla wĩũka, akamĩĩkĩĩthya nthĩ ũndũ wa naĩ, na ũlũngalu, na ũsilĩlo:
9
ũndũ wa naĩ, nũndũ maiũmbĩtĩkĩla;
10
ũndũ wa ũlũngalu, nũndũ nĩngũthi kwa Asa, na mũimbona ingĩ;
11
ũndũ wa ũsilĩlo, nũndũ mũnene wa nthĩ ĩno nĩ mũsilĩle.
12
Nĩndialĩtye maũndũ maingĩ ma ũmũtavya, ĩndĩ mũtitonya kũmomĩĩsya yu.
13
Ĩndĩ yĩla wĩũka, ũla Veva wa w’o, akamũtongoeasya amwonelelasye w’o w’onthe: nũndũ ndakaneena kuma kwake mwene; ĩndĩ maũndũ onthe ala ũkew’aa nĩmo ũkaneena: na akamũtavya maũndũ ala makoka.
14
Akandaĩa nyie: nũndũ akoosa maũndũ makwa, na akamũvuanĩsya inyw’ĩ.
15
Maũndũ onthe o na meva ala Asa wĩ namo nĩ makwa: kwondũ wa ũu namwĩa kana nĩwosaa maũndũ makwa, na akamũvuanĩsya.
16
Kũtiele ĩvinda ĩnini, na mũtimbona ĩngĩ; na ĩvinda yĩngĩ ĩnini, na mũkambona, nũndũ nĩngũthi kwa Asa.
17
Na ĩndĩ amanyĩw’a amwe maneenan’ya. Ũndũ ũũ watwĩa nata, Kwĩ ĩvinda ĩnini, na mũtĩmbona; na ĩvinda yĩngĩ ĩnini, na mũkambona: na, Nũndũ nĩngũthi kwa Asa?
18
Na indĩ masya, Nata ũu ũnũkwasya, Ĩvinda ĩnini? Tũtyĩsĩ ũndũ ũnũkwasya.
19
Na Yesũ amanya kana menda ũmũkũlya, na amea, Mwĩkũlan’ya ũndũ namwĩa, Kwĩ ĩvinda ĩnini, na mũtimbona, na ĩvinda yĩngĩ ĩnini, na mũkambona?
20
Nĩ w’o, nĩ w’o, nĩngũmwĩa, Inyw’ĩ mũkaĩa na kũmeta, ĩndĩ nthĩ ĩkatana: inyw’ĩ mũkeethĩwa na kĩmako, ĩndĩ kĩmako kyenyu kĩkaalyũlwa ũtanu.
21
Kĩveti kĩkyaũnya kĩthĩawa na woo, nũndũ saa wakyo nĩ mũviku: ĩndĩ kyasyaa kana, kĩililikanaa woo ĩngĩ, ĩndĩ no kũtana nũndũ wa mũndũ asyawa kũũ nthĩ.
22
Nenyu yu mwĩ na kĩmako: ĩndĩ ngamwona ingĩ, na ngoo syenyu ikatana, na ũtanu wenyu vai mũndũ wĩmũvena.
23
Na mũthenya ũsu mũtikangũlya ũndũ. Nĩ w’o, nĩ w’o, nĩngũmwĩa, O ũla mũkavoya Asa syĩtwanĩ yakwa, akamũnenga.
24
Kũvika yu mũiaavoya ũndũ syĩtwanĩ yakwa: voyai, na mũkanengwa, kana ũtanu wenyu wusũe.
25
Maũndũ asu naneena nenyu na nthimo: saa nĩwũkĩte, yĩla ndakaneena nenyu na nthimo, ĩndĩ ngamũtavya ũvoo wa Asa vyũ.
26
Mũthenya ũsu mũkavoya syĩtwanĩ yakwa: na ndiũmũtavya kana ngamũvoya Asa nũndũ wenyu;
27
nũndũ Asa we mwene nũmwendete, nĩkwĩthĩwa nĩmwambendie, na kwĩtĩkĩla kana naumie kwa Asa.
28
Naumie kwa Asa, nooka kũũ nthĩ: na ĩngĩ, nĩnguma kũũ nthĩ, nĩthi kwa Asa.
29
Amanyĩw’a make mamwĩa, Sisya, yu nũũtũtavya ũtheinĩ, o na ndũũneena na nthimo.
30
Yu nĩtwĩsĩ kana nĩwĩsĩ maũndũ onthe, o na ndwĩ vata wa ũkũlw’a nĩ mũndũ: na kwondũ wa ũu nĩtweetĩkĩla kana waumie kwa Ngaĩ.
31
Yesũ amakũlya, Yu nĩmũkwĩtĩkĩla?
32
Nĩmwenei, saa nĩwũkĩte, ĩĩ na nĩ mũviku, yĩla mwĩnyaĩĩkw’a, kĩla mũndũ kwake, mũndie nyioka: na ĩngi ndi nyioka, nũndũ Asa e vamwe nakwa.
33
Maũndũ aa namũtavya, nĩ kana nthĩnĩ wakwa mwĩthĩwe na mũuo. Kũũ nthĩ mwĩ na thĩna: ĩndĩ ĩthĩwai na ũnyiau; nyie, nĩngĩlĩtye nthĩ vinya.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21