bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
John 9
John 9
Kamba (Mbivilia) 1956
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 10 →
1
Na avĩtĩte, oona mũndũ e kĩlilinda kuma asyawa.
2
Na amanyĩw’a make mamũkũlya, makyasya, Lavai, ũla wekie naĩ nũũ, nĩ mũndũ ũũ, kana nĩ asyai make, kana asyawe kĩlilinda?
3
Yesũ amasũngĩa, Ũũ ndaaĩka naĩ, kana asyai make: ĩndĩ nĩ kana mawĩa ma Ngai monanw’e nthĩnĩ wake.
4
Mũvaka tũtethye mawĩa ma ũla wandũmie, kwĩ mũthenya: ũtukũ nĩwũkĩte, yĩla mũndũ ũtatonya kũtethya wĩa.
5
Ĩvinda yĩla nĩ kũũ nthĩ, nyie nĩ kyeni kya nthĩ.
6
Na aneena ũu, atw’ĩla mata nthĩ, na aulua kataka na mata, na amũvaka kala kataka metho,
7
na amwĩa, Thi, ũkathambe ndianĩ ya Siloami (ũalyũlo wayo nĩ, Kũtũmwa). Na ĩndĩ athi, athamba, na ooka akyona.
8
Na kwondũ wa ũu atũi, na ala mamwonaa tene, yĩla waĩ mũvoyi wa syĩndũ, masya, Ũũ ti ũla wekalaa nthĩ akĩvoya syĩndũ?
9
Angĩ masya, Nĩwe: na angĩ masya, Aiee, ĩndĩ avw’anene nake. Nake asya, Ninyie.
10
Na ĩndĩ mamũkũlya, Ũsalukilw’e ata metho maku?
11
Amasũngĩa, Mũndũ ũla wĩtawa Yesũ aulua kataka, na avaka metho makwa, na ambĩa, Enda ũkathambe Siloami: nakwa nathi nathamba, na nanengwa kwona.
12
Na mamũkũlya, Aĩva mũndũ ũsu? Asya, Ndyĩsĩ.
13
Na mamũtwaa kwa Avalisi ũsu waĩ kĩlilinda tene.
14
Na mũthenya ũsu waĩ wa savato yĩla Yesũ wauluile kataka, na amũsalukya metho.
15
Na kwondũ wa ũu Avalisi mamũkũlya ĩngĩ ũndũ wanengwa kwona. Na amea, Ambĩkĩie kataka metho, na nathamba, na nĩngwona.
16
Na ĩndĩ amwe ma Avalisi masya, Mũndũ ũũ ndaauma kwa Ngaĩ, nũndũ ndalilikanaa savato. Ĩndĩ angĩ masya, Mũndũ mwathe atonya ata kwĩka syama ta isu? Na kwaya ũtilĩkangano katĩ wamo.
17
Na ĩndĩ mamwĩa ĩngĩ ũla waĩ kĩlilinda, Wĩasya ata we ũndũ wake, nũndũ nũnaũsalukilye metho? Nake asya, Nĩ mwathani.
18
Ĩndĩ Ayuti maiaaĩtĩkĩla ũvoo wake, kana aĩ kĩlilinda, na anegwa kwona, mũvaka makũlya asyai ma ũla ũnanengiwe kwona,
19
na mamakũlya, makyasya, Ũũ nĩwe mwana wenyu, ũla mwaasya asyaiwe e kĩlinda? Eona ata ĩndĩ yu?
20
Asyai make masũngĩa, masya Nĩtwĩsĩ kana ũũ nĩ mwana waitũ, na asyaiwe e kĩlilinda:
21
ĩndĩ kĩla kĩtumaa ona yu, tũtikĩsĩ; na tũiĩsĩ ũla ũnamũsalukilye metho: mũkũlyei we; nĩ mũndũ mũima, akeneenea.
22
Asyai make maisye ũu, nũndũ nĩmakĩaa Ayuti: nũndũ Ayuti maĩ mananeena makew’ana, kana ethĩwa mũndũ akasya nĩwe Klisto, ũsu akalũngw’a ĩsinakokenĩ.
23
Kwondũ wa ũu asyai make masya, Nĩ mũima: mũkũlyei we.
24
Na ĩndĩ mamwĩta ũla mũndũ wai kĩlilinda, ĩngĩ ya kelĩ, na mamwĩa, Mũnenge Ngai ndaĩa: nĩtwĩsĩ kana mũndũ ũsu nĩ mwathe.
25
Ĩndĩ nake asũngĩa, Ethĩwa nĩ mwathe, ndyĩsĩ: nĩsĩ ũndũ o ũmwe, kana nyie naĩ kĩlilinda, ĩndĩ yu nĩngwona.
26
Na ĩndĩ mamũkũlya, Anakwĩkie ata? Anakũsalukilye metho ata?
27
Amasũngĩa, Namũtavya oyu, na mũinew’a; nũndũ wa kĩ mũkwenda kwĩw’a ĩngĩ? O nenyu nĩmũkwenda kũtw’ĩka amanyĩw’a make?
28
Na ĩndĩ mamũuma, makyasya, We, wĩ mũmanyĩw’a wake; ĩndĩ ithyĩ twĩ amanyĩw’a ma Mose.
29
Nĩtwĩsĩ kana Ngai nĩwaneenie na Mose: ĩndĩ tũtyisi vala mũndũ ũũ wumite.
30
Ũla mũndũ amasũngĩa, amea, Ai! Ũndũ ũũ nĩ ũseng’yo, atĩ mũtyĩsĩ kũla wumĩte, na nĩwe ũnzalukilye metho makwa.
31
Nĩtwĩsĩ kana Ngai ndamew’aa andũ athe: ethĩwa mũndũ o na wĩva ni mũthaithi wa Ngai, na aiĩkaa kwenda kwake, ũsu nũmwĩw’aa.
32
Kuma mwambĩlĩlyonĩ kũiaaĩw’ĩka kana ve mũndũ waasalukya ũngĩ metho, asyaĩtwe e kĩlilinda.
33
Kethĩwa ũsu ndaumĩte kwa Ngai, ndanaĩ atonya kwĩka ũndũ.
34
Na mamũsũngĩa, mamwĩa, We wasyaĩwe naĩnĩ ki, na nũũtũmanyĩsya ithyĩ? Na mamwĩkya nza.
35
Na Yesũ eew’a kana nĩmamwĩkisye nza; na amwona, asya, Nũmwĩtĩkĩla Mwana wa Ngai?
36
Amũsũngĩa, asya, Nake nũũ, Mwĩaĩi, nĩ kana nĩmwĩtĩkĩle?
37
Yesũ amwĩa, Nĩwamwona, na nĩwe ũũ ũla ũnũũneena naku.
38
Na asya, Mwĩaĩi, nĩngwĩtĩkĩla. Na amũthaitha.
39
Na Yesũ asya, Ninookie kũũ nthĩ kwondũ wa ũsilĩlo, nĩ kana ala matonaa mone; na ala monaa matw’ĩke ililinda.
40
Na amwe ma Avalisi ala maĩ nake meew’a ndeto isu, na mamũkũlya, O naitũ twĩ ililanda?
41
Yesũ amea, Kethĩwa mwĩ ililinda, mũthĩwĩi na naĩ: Indĩ yu mwĩasya, Nĩtũkwona: naĩ yenyu mwĩ nayo.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21