bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
John 10
John 10
Kamba (Mbivilia) 1956
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 11 →
1
Nĩ w’o, nĩ w’o, nĩngũmwĩa, Ũla ũtavotelaa mũomonĩ wa vala malondu mekalaa, ĩndĩ aikĩlĩla vangi, ũsu nĩ kĩng’ei na mũvutani.
2
Ĩndĩ ũla ũvotelaa mũomonĩ nĩwe mũĩthi wa malondu.
3
Mũsũvĩi wa mũomonĩ nũmũvĩngũĩaa ũsu; na malondunĩmew’aa wasya wake: kĩla ilondu na syĩtwa yayo, na nũmatongoeasya, nza.
4
Na amaumaalya onthe ala make, nũmatongoeasya na malondu makĩmũvikĩla: nũndũ nĩmesĩ wasya wake.
5
Na maivikĩlaa mũeni, nĩ maimũkĩa: nĩkwĩthĩwa matyĩsĩ wasya wa aeni.
6
Yesũ amaelekanĩlya na ngelekan’yo ĩno: ĩndĩ maiaamanya maũndũ ala wamatavya.
7
Na ĩndĩ Yesũ amea ĩngĩ, Nĩ w’o, nĩ w’o, nĩngũmwĩa, Nyie, ninyie mũomo wa malondu.
8
Onhe ala mambie kũka mbee wakwa nĩ ing’ei na nĩ avutani: ĩndĩ malondu maiaamew’a.
9
Nyie, ninyie mũomo; ũla ũnũũvotela vala nĩĩ, ũsu akatangĩĩwa, na akavota nthĩnĩ na akaumaala, na akoona kya ũya.
10
Kĩng’ei kĩtyũkaa, ate o kana kyũye, na kũaa, na kwananga: nyie nĩnookie kana methĩwe na thayũ, na ĩngĩ methĩwe naw’o mwingĩ.
11
Nyie, ninyie mũithi ũla mũseo: mũĩthi mũseo nũnũũwia thayũ wake nthĩ ũndũ wa malondu.
12
Mũndũ wa ũtuvwa, na tiwe mũĩthĩ, na malondut i make, oona nzũi yũkĩte, nũtiaa malondu, akakĩa, na nzũi ĩkĩmakwata, na ĩkĩmanyaĩĩkya:
13
akĩaa nũndũ nĩ mũndũ wa ũtuvwa, na ndeũsũanĩa malondu.
14
Nyie, ninyie mũĩthi ũla mũseo; na ala makwa mwene nĩnĩmesĩ, na nĩmambĩsĩ ala makwa mwene,
15
o ũndũ Asa ũmbĩsĩ, nakwa nĩnĩmwĩsĩ Asa; na nĩngwia thayũ wakwa nthĩ ũndũ wa malondu.
16
Nakwa nĩ na malondu angĩ mate ma ĩĩthya yĩĩ: asu namo nditĩa ũmaete, na makew’a wasya wakwa; na makatw’ĩka ma ĩĩthya yĩmwe, na mũĩthi ũmwe.
17
Kwondũ wa ũu Asa nũmbendete, nũndũ nĩngwia thayũ wakwa nthĩ, nĩ kana nĩwose ĩngĩ.
18
Vai mũndũ ũnũũmbena thayũ, ĩndĩ no nyie ngũwia nthĩ. Nĩ na ũkũmũ wa kũwia nthĩ, na nĩ na ũkũmũ wa kũwosa ĩngĩ. Mwĩao ũũ noosie kwa Asa wakwa.
19
Na kwookĩla ĩngĩ ũtilĩkangano katĩ wa Ayuti nũndũ wa ndeto isu.
20
Na aingĩ moo masya, E na ndaimoni, na nũnũkũũũka; mwĩmwĩw’ĩa kĩ?
21
Angĩ masya, Ndeto isu ti sya mũndũ wĩ na ndaimoni. Ndaimoni nĩtonya kũsalukya ililinda metho?
22
Na kwaĩ mboka ya kũlilikana ũthesyo wa ĩkalu, kũya Yelusaleme: na yaĩ ĩvinda ya mbevo;
23
na Yesũ angangaa ĩkalũnĩ valasyanĩ wa Solomoni.
24
Na ĩndĩ Ayuti mamũthyũlũlũka, na mamwĩa, Wĩtũsaanĩsya ĩvinda yĩana ata? Ethĩwa nue Klĩsto tũtavye nesa.
25
Yesũ amasũngĩa, Nĩnamũtavisye, na mũtikwĩtĩkĩla: mawĩa ala nĩkaa syĩtwanĩ ya Asa, nimo mangũsĩĩaa.
26
Ĩndĩ mũtikwĩtĩkĩla, nũndũ mũi ma malondu makwa.
27
Malondu makwa nĩmew’aa wasya wakwa, nakwa nĩnĩmesĩ, nao nĩmeũmbikĩla:
28
nakwa nĩngũmanenga thayũ ũthathela; na maĩkaa o na ĩndĩĩ, na kũi mũndũ ũkambena kw’okonĩ kwakwa.
29
Asa wakwa, ũla wanengie, nĩ mũnene mbee wa onthe; na kũ mũndũ ũtonya kũmavenana maume kw’okonĩ kwa Asa.
30
Nyie na Asa twĩ ũmwe.
31
Na Ayuti moosa mavia ĩngĩ mamũkime.
32
Yesũ amasũngĩa, Nimwonetye mawĩa maseo maingĩ kũma kwa Asa; nũndũ wa wĩva wa asu ũla mũũngimĩa na mavia?
33
Ayuti mamũsũngĩa, Tũiũkũkima na mavia nũndũ wa wĩa mũseo, ĩndĩ nũndu ũkuuma Ngai; na nũndũ we, wĩ mũndũ, wĩĩtw’ĩkĩthya Ngai.
34
Yesũ amasũngĩa, Kũiandĩkĩtwe mĩanoĩ yenyi, Nyie naisye, Mwĩ nagĩ?
35
Ethĩwa nĩwametie ngai, ala maetewe ndeto ya Ngai (na maandĩko maitonya kũtũlwa),
36
mwĩneenea ũla wavathaniw’e na watũmiwe kũũ nthĩ nĩ Ĩthe, Nũkũumana; nũndũ nĩnaisye, Nĩ Mwana wa Ngai?
37
Ethĩwa ndyĩkaa mawĩa ma Asa wakwa, mũikambĩtĩkĩle.
38
Ĩndĩ ethĩwa nĩngũmeka, o na ethĩwa mũtiũmbĩtĩkĩla, metĩkĩlei mawĩa: nĩ kana mũmanya na mũmanyae vyũ kana Asa e nthĩni wakwa, nakwa nĩ nthĩnĩ wa Asa.
39
Na meethĩwa makĩmantha ĩngĩ kũmũkwata: na auma mokonĩ moo.
40
Na athi ĩngĩ mũingo wa ũsĩ wa Yolotani vala Yoana wavatisĩaa ĩvinda ya mbee; na ekala vo.
41
Na aingĩ mathi vala ũĩ, maĩasya, Yoana ndaaĩka kyama: ĩndĩ maũndũ onthe ala maneeniwe nĩ Yoana ũndu wa mũndu ũũ maĩ ma w’o.
42
Na aingĩ mamwĩtĩkĩlĩla kũu.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21