bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
John 18
John 18
Kamba (Mbivilia) 1956
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 19 →
1
Na yĩla Yesũ waminie kũneena ndeto ii, aumaala e na amanyiw’a make mainga kalũsĩ kala ketawa Kitiloni, vala vaĩ mũũnda, na avota vo, e na amanyiw’a make.
2
Nake Yutasi, ũla ũnũũmũvũnyanĩa, nĩwesĩ vandũ vau: nũndũ Yesũ niwaendaa vo kaingĩ na amanyĩw’a make.
3
Na ĩndĩ Yutasi amina ũnengwa nguthu ya asikalĩ, na makanga kuma kwa athembi anene na Avalisi, mooka vo makuĩte mataa na mũĩ na mĩio ya kaũ.
4
Ĩndĩ Yesũ, esĩ maũndũ onthe ala memũkwata, aumĩla, na amakũlya, Mwĩmantha ũũ?
5
Mamũsũngĩa Yesũ wa Nasaleti. Yesũ amea, Ninyie. Nake Yutasi, ũla ũnũũmũvũnyanĩa, aũngeme namo.
6
Na ĩndĩ yĩla wameie, Ninyie, masyoka na kyamũtete, na mavalũka nthĩ.
7
Na ĩndĩ amakũlya ĩngĩ, Mwĩmantha ũũ? Na masya, Yesũ wa Nasaleti.
8
Yesũ amasũngĩa, Nĩnamũtavya ninyie; ethĩwa ĩndĩ ninyie mũũmantha, maekei aa mathi:
9
nĩ kana ĩla ndeto waneenie yĩanĩw’e, ya atĩĩ, Ala ũnengete ndyaasya o na ũmwe.
10
Na Simoni Vetelo ai na ũvyũ, na akũa, na amĩtema ngombo ya mũthembi mũnene, na amĩtila kũtũ kwa ngalĩ ya kw’oko kwa aũme. Na ĩla ngombo yetawa Malikusi.
11
Na ĩndĩ Yesũ amwĩa Vetelo, Tũngĩa ũvyũ ndoonĩ yaw’o: kĩkombe kĩla Asa ũnengete, ngalea kũnyw’a?
12
Nĩvo ĩndĩ ĩla nguthu na mũnene woo, na makanga ma Ayuti, mamũkwatie Yesũ na mamwova,
13
na mbee mamũtwaa kwa Anasi; nũndũ aĩ mũthoni wa Kaiava, ũla waĩ mũthembi mũnene mwake ũsu.
14
Na Kaiava nĩwe wamataie Ayuti, asya nĩkwaĩle mũndũ ũmwe akw’e kwondũ wa andũ.
15
Na Simoni Vetelo amũatĩĩe Yesũ, e na mũmanyĩw’a ũngĩ. Na mũmanyĩw’a ũsu nĩwesĩkĩwe nĩ mũthembi mũnene, na avota vamwe na Yesũ nza kwa mũthembi mũnene;
16
ĩndĩ Vetelo aũngama mũomonĩ nza. Na ĩndĩ mũmanyĩw’a ũla ũngĩ, ũla wesikĩwe nĩ mũthembĩ mũnene, aumaala na aneena na mũsũvĩi wa mũomonĩ, na amũtwaa Vetelo nthĩnĩ.
17
Na ĩndĩ mwĩĩtu ũla mũsũvĩi wa mũomonĩ amũkũlya Vetelo, O naku wĩ ũmwe wa amanyĩw’a ma mũndũ ũũ? Asya, Ndi ũmwe.
18
Na ngombo na makanga maũngamĩte, mavuvĩte mwaki wa makaa; nũndũ kwaĩ mbevo; na motaa mwaki: na Vetelo nake aĩ vamwe nao, aũngeme akyota mwaki.
19
Na ĩndĩ ũla mũthembi mũnene amũkũlya Yesũ ũndũ wa amanyĩw’a make, na ũndũ wa ũmanyĩsyo wake.
20
Yesũ amũsũngĩa, Nyie, nĩneenete ũtheinĩ na nthĩ; na namanyĩasya masinakokenĩ, na ĩkalũnĩ, kũla Ayuti onthe mombanĩaa; na ndyaaneena ndeto ya mbitha.
21
Wĩngũlĩlya kĩ? Makũlye ala meewie, ũndũ naneenie namo: sisya, aa nimesĩ maũndũ ala naisye.
22
Na aneena ũu, ũmwe wa makanga aũngamĩte ũtee amũmandũla Yesũ, akyasya, Wĩmũsũngĩa mũthembi mũnene ũu?
23
Yesũ amũsũngĩa, Ethĩwa nĩnaneena naĩ, kũsĩĩa naĩ ĩsu: ĩndĩ ethĩwa nĩnaneena nesa, wĩngũnĩa kĩ?
24
Na ĩndĩ Anasi amũtwaa e mwove kwa ũla mũthembi mũnene, Kaiava.
25
Na Samoni Vetelo aũngeme aiota mwaki. Na ĩndĩ mamwĩa, Naku wĩ ũmwe wa amanyĩw’a make? Akaĩa, asya, Ndi ũmwe.
26
Na imwe ya ngombo sya mũthembi mũnene, ya mbaĩ ya ĩla yatililwe kũtũ nĩ Vetelo, yasya. Ndinakwona wĩ nake mũũndanĩ?
27
Na ĩndĩ Vetelo akaĩa ĩngĩ: na kavinda o kaũ nzamba yasya.
28
Na ĩndĩ mamumaalya Yesũ kwa Kaiava mamũtwaa kĩsilĩlonĩ: na kwaĩ masangya; ĩndĩ mo ene maiaavota kĩsilĩloni, maikavukw’e nĩ kana maye vasaka.
29
Na Vilato aumaala nza kũla mai, na amakũlya, Mũmũvinganĩĩsye mũndũ ũũ kyaũ?
30
Mamũsũngĩa, mamwĩa, Kethĩwa mũndũ ũũ ti mwĩk wa naĩ, tũiĩthĩwa twamũete kwaku.
31
Vilato amatavya, Mwosei inyw’ĩ, mũkamũsilĩle kwĩanana na mĩao yenyu. Na Ayuti mamwĩa, Ndwosana na ĩla mĩao thyĩ kũaa mũndũ:
32
nĩ kana ndeto ya Yesũ yĩanĩw’e. Ĩla waneenie, aionan’ya kĩkw’ũ kĩla wĩkw’a.
33
Na ĩndĩ Vilato avota ĩngĩ kĩsilĩlonĩ, na amwĩta Yesũ na amũkũlya. We nue Mũsumbi wa Ayuti?
34
Yesũ asũngĩa, akyasya. Wĩneena ũu ũndũ waku kana nũtavitw’e nĩ andũ angĩ ũndũ wakwa?
35
Vilato amũkũlya, Nyie nĩ Mũyuti? Mbaĩ yaku na athembi anene nĩmo makũete kwakwa: wĩkĩte ata?
36
Yesũ asũngĩa, Ũsumbi wakwa tĩ wa nthĩ ĩno, kethĩwa ũsumbĩ wakwa nĩ wa nthi ĩno, makanga makwa methĩwa makyũkita, nĩ kana ndikanenganwe kwa Ayuti: ĩndĩ yu ũsumbĩ wakwa ti wa kũũ.
37
Na ĩndĩ Vilato amwĩa, Ĩndĩ, we, ko wĩ mũsumbĩ? Yesũ amũsũngĩa, We nũũneena kana nĩ mũsumbĩ. Nyie nasyaiwe kwondũ wa ũu, na ĩngĩ nĩ kwondũ wa ũu nokie kũũ nthĩ, ni kana ndw’ĩke ngũsĩ ya ũla w’o. Kĩla mũndũ wĩ ngalĩ ya ũla w’o nĩwĩw’aa wasya wakwa.
38
Vilato amũkũlya W’o nĩ kyaũ? Na aneena ũu, aumaala ĩngĩ nza vala ve Ayuti, na amea, Nyie ndikwona ĩvityo yake.
39
Ĩndĩ mwi na ũndũ wĩkawa, ĩvinda ya vasaka nĩmũthaĩasya mũndũ: mwĩenda nĩmũthaisye Mũsumbĩ wa Ayuti?
40
Na ĩndĩ maneena ĩngĩ na wasya mũnene, makyasya, Ndũkathasye mũndũ ũũ, thasya Valava. Na Valava ai mũvũtani.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21