bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
John 14
John 14
Kamba (Mbivilia) 1956
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 15 →
1
Ngoo syenyu itikaũũye: mũĩkĩĩei Ngai, na mũindĩkĩĩa nyie.
2
Nthĩnĩ wa nyũmba ya Asa kwĩ mawĩkalo maingĩ; na kethĩwa ti ũu, nĩthĩwa namũtavisye; nũndũ nĩngũthi ũmũseũvĩsya vandũ.
3
Nakwa nathi ũmũseũvĩsya vandũ, ngooka ĩngĩ, na ngamwosa inyw’ĩ mwĩthĩwe kwakwa; nĩ kana vala nĩĩ, nenyu mwĩthĩwe vo.
4
Na kũla nĩthi, nĩmwĩsĩ nzĩa.
5
Thoma amwĩa, Mwĩaĩi, tũtesĩkũla wĩthi; twĩsĩ nzĩa ata?
6
Yesũ amwĩa, Nyie ninyie nzĩa, na ninyie w’o, na ninyie thayũ: vai mũndũ wũkaa kwa Asa, atesĩle kwakwa.
7
Kethĩwa nĩmwamanyie nyie, mwĩthĩwa mwamũmanyie Asa nake: na kuma yu nĩmũmwĩsĩ, na nĩmũwonete.
8
Vilivu amwĩa, Mwĩaĩi, twon’ye Asa, na nĩw’o twĩĩanĩwa.
9
Yesũ amwĩa, Nai vamwe nenyu ĩvinda yĩu yonthe, na ndũmbĩsĩ, Vilivu? Ũla wambonie nĩwamwonie Asa; wĩasya ata ĩndĩ, Twon’ye Asa?
10
Ndwĩtĩkĩlĩte kana nyie nĩ nthĩnĩ wa Asa, na Asa e nthĩnĩ wakwa? Ndeto ila ngũmũtavya ndiũneena kuma kwakwa: ĩndĩ Asa ũla ũtwie nthĩnĩ wakwa, nĩwe ũtethasya mawĩa make.
11
Mbĩtĩkĩlai kana nyie nĩ nthĩnĩ wa Asa, na Asa e nthĩnĩ wakwa: kana ethĩwa ti ũu, mbĩtĩkĩlai kwondũ wa ala mawĩa e mo.
12
Nĩ w’o, nĩ w’o, nĩngũmwĩa, Ũla ũmbĩtĩkĩlaa, mawĩa ala ngwĩka nyie, nake akameka; na akeeka mawĩa manene kũvĩta aa; nũndũ nĩngũthi kwa Asa.
13
Na ũndũ o na wĩva w’onthe ũla mwĩvoya syĩtwanĩ yakwa, ngawĩka, nĩ kana Asa ataĩwe nthĩnĩ wa Mwana.
14
Ethĩwa mũkavoya ũndũ o na wĩva syĩtwanĩ yakwa, ngawĩka.
15
Ethĩwa nĩmũmbendete, mũkakwataa mĩao yakwa.
16
Nakwa ngamũvoya Asa, nake akamũnenga Mũtetheesya ũngĩ, ethĩwe nenyu mavinda onthe,
17
nake nĩwe Veva wa w’o: ũla nthĩ ĩtatonya kũmwosa; nũndũ ndĩmwonaa, o na ndĩmwĩsĩ: ĩndĩ inyw’ĩ nĩmũmwĩsĩ; nũndũ ekalaa nenyu, na akeethĩwa e nthĩnĩ wenyu.
18
Ndikamũtia ta syana ndiwa: ngooka vala mũĩ.
19
Kũtiele ĩvinda ĩnini, na nthĩ ndĩkambona ĩngĩ; ĩndĩ inyw’ĩ nimũũmbona: nũndũ nyie nĩ thayũ, ĩnyw’ĩ nenyu mũkeethĩwa mwĩ thayũ.
20
Mũthenya ũsu mũkamanya kana nyie nĩ nthĩnĩ wa Asa, na inyw’ĩ mwĩ nthĩnĩ wakwa, nakwa nĩ nthĩnĩ wenyu.
21
Ũla wĩ na mĩao yakwa, na ũmĩkwataa, ũsu nĩwe ũmbendete: na ũla ũmbendete akendwa nĩ Asa, nakwa ngamwenda na ngeeyonan’ya kwake.
22
Yutasi (eka Isikalioti) amwĩa, mwĩaĩi, kũilyĩ ata ũkwĩyonan’ya kwitũ, ũtekwĩyonan’ya kwa nthĩ?
23
Yesũ asũngĩa na amwĩa, Ethĩwa mũndũ nũmbendaa, akakwataa ndeto yakwa: na Asa wakwa akamwenda, naitũ tũkooka vala ũĩ, tũtũae kwake.
24
Ũla ũtambendaa ndakwataa ndeto syakwa; na ndeto ĩla mũkwĩw’a ti yakwa, ĩndĩ nĩ ya Asa ũla wandũmie.
25
Maũndũ aa namũtavya, ĩvinda yĩĩ nĩilyĩ nenyu.
26
Ĩndĩ ũla Mũtetheesya, nake nĩ Veva Mũtheu, ũla Asa wĩmũtũma syĩtwanĩ yakwa, akamũmanyĩsya maũndũ onthe, na akamũlilikan’ya maũndũ onthe ala namũtavisye.
27
Nĩmũtiĩa mũuo; mũuo wakwa nĩmũnenga inyw’ĩ: ndiũmũnenga ũndũ nthĩ ĩnenganae. Ngoo syenyu itikaũũye, o na itikethĩwe na w’ĩa.
28
Nimweewie ũndũ namwĩie, Nĩngũthi, na ngooka vala mũĩ. Kethĩwa nĩmwambendie, mwĩthĩwa mwatana, nũndũ nĩngũthi kwa Asa: nũndũ Asa nĩ mũnene kwĩ nyie.
29
Na yu namũtavya ũtanamba kwĩkĩka, nĩ kana wekĩka, mwĩĩtĩkĩla.
30
Na kuma yu ndikaneena nenyu mũno, nũndũ mũnene wa nthĩ nũnũkũka: na nde na ũndũ nthĩnĩ wakwa;
31
ĩndĩ nĩ kana nthĩ ĩmanye kana nĩnĩmwendete Asa, na ũndũ Asa wendaĩe, nĩw’o nĩkaa. Ũkĩlai, tũthi.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21