bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
John 13
John 13
Kamba (Mbivilia) 1956
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 14 →
1
Na mboka ya vasaka ĩtanavika, Yesũ nĩwesĩ kana saa wake nĩ mũviku aume kũũ nthĩ athi kwa Asa, na kwa kwĩthĩwa nĩwamendie ala make me kũũ nthĩ, amendie kũvika mũminũkĩlyo.
2
Na makĩya lĩu wa wĩoo, ndevili amina kwĩkĩa ngoonĩ ya Yutasi Isikalioti, mwana wa Simoni, kũmũvũnyanĩa,
3
na Yesũ nĩwesĩ kana Ĩthe nĩwamũnengie maũndũ onthe mokonĩ make, na kana nĩwaumie kwa Ngai, na ethi kwa Ngai,
4
ookĩla lĩunĩ, na aia ngũa syake ũtee; na oosa kĩtambaa, na eevotoa.
5
Na ĩndĩ eekĩa manzĩ ĩsaaninĩ ĩnene, na ambĩlĩlya kũmathambya amanyĩw’a make maũũ, na amanyasya na kĩtambaa kĩla wevotoete.
6
Na avika vala ve Simoni Vetelo. Na amwĩa, Mwĩaĩi, wĩnthambya maũũ makwa?
7
Yesũ amũsũngĩa na amwĩa, Ũndũ ngwĩka ndũũmanya yu; ĩndĩ ũkamanya ĩtina.
8
Vetelo amwĩa, Ndwĩnthambya maũũ makwa o na ĩndĩĩ. Na Yesũ amũsũngĩa, Ethĩwa ndiũthambya, ndwĩ na kĩanda nakwa.
9
Simoni Vetelo amwĩa Mwĩaĩi, ti maũũ oka, ĩndĩ nthambya o na moko na mũtwe.
10
Yesũ amwĩa, Ũla ũthambĩte nde na vata ate o kũthambya maũũ, ĩndĩ ni mũtheu kw’onthe: na inyw’ĩ mwĩ atheu, ĩndĩ ti inyw’onthe.
11
Nũndũ nĩwesĩ ũla ũnũũmũvũnyanĩa; na nũndũ wa ũu aisye, Mũi atheu inyw’onthe.
12
Na ĩndĩ amathambya maũũ, oosa ngũa syake, na ekala nthĩ, amea Nĩmwĩsĩ ũndũ namwĩka?
13
Inyw’i mwĩmbĩta, Mũmanyisya, na Mwĩaĩi: na mwĩasya nesa; nũndũ nĩw’o ninyie.
14
Ĩndĩ ethĩwa nyie, Mwĩaĩi na mũmanyĩsya, namũthambya maũũ menyu, inyw’ĩ nenyu, nĩmwaĩlwe nĩ kũthamban’ya maũũ.
15
Nũndũ nĩnamwon’ya ngelekan’yo, nĩ kana ũndũ namwĩka nenyu mwĩkanae o ta ũu.
16
Nĩ w’o, nĩ w’o, nĩngũmwĩa, Ngombo ti nene kwĩ vwana wayo; o na ũla ũtũmĩtwe ti mũnene kwĩ ũla ũmũtũmĩte.
17
Ethĩwa nĩmwĩsĩ maũndũ aa, mwĩ aathime ethĩwa nĩmũũmeka.
18
Ndiũmũweta inyw’onthe: nĩnĩsĩ ala nanyuvie: ĩndĩ nĩ kana maandĩko meanĩw’e, Ũla ũnũũya lĩu nakwa nũnũũmbũkĩlĩlya kĩtiinyo kyake ĩũlũ wakwa.
19
Kuma yu nĩmũtavya mbee wa ũtanekĩka, ni kana weekĩka, mwĩthiwe o mwĩtĩkĩle kana ninyie we.
20
Ni w’o, nĩ w’o, nĩngũmwĩa, Ũla ũmwosaa ũla ndũmaa embosa nyie; na ũla ũmbosaa nyie emwosa ũla wandũmie.
21
Na Yesũ amina ũneena ũu, aũũya vevanĩ, na akũsĩĩa, asya, Ni w’o, ni w’o, nĩngũmwĩa, kana ũmwe wenyu akambũnyanĩa.
22
Na ĩndĩ amanyĩw’a make masyaan’ya, me na nzika mateũmanya ũla ũnũũwetwa.
23
Na mesanĩ kwaĩ ũmwe wa amanyĩw’a make, ũla wendetwe nĩ Yesũ, aĩĩe kithũini kya Yesũ.
24
Na kwondũ wa ũu Simoni Vetelo amwon’ya na kw’oko, amwĩa, Tũtavye nũũ ũla ũnũũweta.
25
Nake amwaĩĩe Yesũ kĩthũinĩ, o ũndũ wailyi, amũkũlya, Mwĩaĩi, nũũ?
26
Yesũ amũsũngĩa, Ũla ngũindĩa kyenyũ kya kĩmũtũ, na kũmũnenga, nĩ ũsu. Na ainda, amũnenga Yutasi, mwana wa Simoni Isikalioti.
27
Na ĩtina wa kwosa kĩla kĩlungu, avotwa nĩ Satani. Na ĩndĩ Yesũ amwĩa, Ũndũ ula ũkwĩka, ĩka mĩtũkĩ.
28
Na vaiaĩ mũndũ wa ala mailyĩ mesanĩ waamanya nũndũ wa kĩ waneena nake ũu.
29
Nĩkwĩthĩwa Yutasi akuaa mũvuko, amwe masũanĩa kana Yesũ amwia, Thooa syĩndũ ila twĩ vata nasyo sya mboka; kana anenge ngya kĩndũ.
30
Nake oosa kĩla kĩlũngu kya kĩmũtũ aumaala kavinda o kau: na kwaĩ ũtukũ.
31
Na ĩndĩ ũsu aumaala, Yesũ asya, Yu Mwana wa mũndũ nũnũũtaĩwa, na Ngai nũnũũtaĩwa nthĩnĩ wake;
32
na Ngai akamũtaĩa nthĩnĩ wake mwene, na akamũtaĩa mĩtũkĩ.
33
Syana nini, vatiele ĩvinda ĩnini nĩ vamwe nenyu. Mũkamantha: na tondũ nameie Ayuti, Kũla nĩthi, mũtitonya kũka; ta ũu yu nĩngũmwĩa inyw’ĩ.
34
Nĩngũmũnenga mwĩao mweũ, atĩ mwendane inyw’ĩ kwa inyw’ĩ; o ũndũ namwendie, nenyu mwĩthĩwe mũkyendana o w’o.
35
Na kwondũ wa ũu andũ onthe makamanya kana mwĩ amanyĩw’a makwa, ethĩwa mwĩthĩwa na wendo ĩnyw’ĩ kwa inyw’ĩ.
36
Simoni Vetelo amũkũlya, Mwĩaĩi, wĩthi kũ? Yesũ amũsũngĩa, Kũla ngũthi, ndũtonya ũmbikĩla yu; ĩndĩ ũkambikĩla ĩtina.
37
Vetelo amwĩa, Mwĩaĩi, nditonya ũkũvikĩla oyu nĩkĩ? Thayũ wakwa nĩngũwia nthĩ kwondũ waku.
38
Yesũ amũsũngĩa, Ũkaia thayũ waku nthĩ kwondũ wakwa? Nĩ w’o, nĩ w’o, nĩngũkwĩa, Nzamba ĩtanamba kwasya ũkangaĩa katatũ.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21