bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
John 4
John 4
Kamba (Mbivilia) 1956
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 5 →
1
Na ĩndĩ yĩla Mwĩaĩi wamanyie kana Avalisi nĩmewie ũndũ Yesũ wamatw’ĩkĩthasya andũ amanyĩw’a na kũvatisa aingĩ kũvĩta Yoana.
2
(Ĩndĩ ti Yesũ mwene wavatisaa, ĩndĩ nĩ amanyĩw’a make),
3
auma Yutia, na athi ĩngĩ Kalilii.
4
Nake ndaatĩa kũvĩtĩla Samalĩa.
5
Nĩvo ĩndĩ wakinyĩle ndũa ĩmwe ya Samalia, yĩtawa Saikale, vakũvĩ na kĩlungu kya nthĩ kĩla Yakovo wamũnengie mwana wake Yosevu:
6
na kĩthima kya Yakovo kyaĩ vo. Na ĩndĩ Yesũ, aĩ ananoa nĩ ũthi, ekala kĩthimanĩ. Na kwaĩ ta mũthenya katĩ.
7
Na mũndũ mũka wa Samalia ooka atave manzĩ: Yesũ amwĩa, Nenga nĩnyw’e.
8
Nũndũ amanyĩw’a make maĩ manathi ndũanĩ mathooe lĩu.
9
Ũla mũndũ mũka Mũsamalia amũkũlya, Kũilyĩ ata, we, wĩ Mũyuti, ũũmbĩtya manzĩ ma ũnyw’a, nakwa nĩ mũndũ mũka Mũsamalia? (Nũndũ Ayuti na ala ma Samalia maivulanaa.)
10
Yesũ amũsũngĩa na amwĩa. Kethĩwa nĩwĩsĩ mũthĩnzĩo wa Ngai, na ũla ũnũũkwĩa, Nenga nĩnyw’e; kethĩwa nĩwamwĩtya we, nake ethĩwa akũnenga manzĩ ma thayũ.
11
Mũndũ mũka amwĩa, Mwĩaĩi, ndwĩ na kya ũtava nakyo, na kĩthima nĩ kĩliku: ĩndĩ wumĩtye va manzĩ asu ma thayũ?
12
We, wĩ mũnene mbee wa asa waitũ Yakovo, ũla watũnengie kĩthima kĩĩ, na anyusaa makyo, we, na ana make, na indo syake?
13
Yesũ asũngĩa na amwĩa, O mũndũ ũla ũnyusaa manzĩ aa akeew’a waũni ĩngĩ:
14
ĩndĩ o ũla ũnũũnyw’a manzĩ ala nĩmũnenga ndakew’a waũni ĩngĩ o na ĩndĩĩ; ĩndĩ ala manzi nĩmũnenga makatw’ĩka kĩthima kya manzĩ nthĩnĩ wake, makĩvulutya ngoonĩ kũvika thayũ ũtathela.
15
Ũla mũndũ mũka amwĩa, Mwĩaĩi, nenga manzĩ asu, kana ndikew’e waũni ĩngĩ, o na ndikoke kũũ kũtava.
16
Yesũ amwĩa, Enda, ũkamwĩte mũemeu, wũke nake vaa.
17
Mũndũ mũka asũngĩa na amwĩa, Ndi mũũme. Yesũ amwĩa, Waneena w’o, Ndi mũũme:
18
nũndũ aũme ala waĩ namo maĩ atano; na ũla wĩ nake yu ti mũemeu: ũu waneena w’o.
19
Mũndũ mũka amwĩa, Mwĩaĩi, nĩngwona wĩ mwathani.
20
Aaĩthe maitũ mathaithĩaa kĩĩmanĩ kĩĩ; na inyw’ĩ mwĩasya kana Yelusaleme nĩvo vaĩle kũthaithĩwa.
21
Yesũ amwĩa, Mbĩtĩkĩla, kĩveti, saa nĩwũkĩte, yĩla inyw’ĩ mũtakathaithĩa Asa kĩĩmanĩ kĩĩ, o na Yelusaleme.
22
Inyw’ĩ mũthaithaa kĩla mũtesĩ: ithyĩ tũthaithaa kĩla twĩsĩ; nũndũ ũtangĩĩo wumaa kwa Ayuti.
23
Ĩndĩ saa nĩwũkĩte, na wĩ vo yu, yĩla athaithi ala ma w’o makamũthaitha Asa nthĩnĩ wa veva, na nthĩnĩ wa w’o: nũndũ Asa emantha ta asu mamũthaithae.
24
Ngai nĩ Veva: na ala mamũthaithaa mũvaka mamũthaithae nthĩnĩ wa veva na nthĩnĩ wa w’o.
25
Ũla mũndũ mũka amwĩa, Nĩnĩsĩ kana Masia nĩwũkĩte (ũla wĩtawa Klĩsto): nake ooka, akatũtavya maũndũ onthe.
26
Yesũ amwĩa, Ninyie we ũla ũnũũneena naku.
27
Na kavinda kau amanyĩw’a make mooka; na maseng’a nũndũ nũnũũneena na mũndũ mũka; ĩndĩ vaiaĩ ũmwe waamwĩa, Wĩmantha kyaũ? Kana, Wĩneenea nake kĩ?
28
Na ĩndĩ mũndũ mũka atia kĩkuu, kyake na aenda ndũanĩ, na amea andũ,
29
Ũkai, mwone mũndũ wandavya maũndũ onthe ala neekie: ũsu tiwe Klĩsto?
30
Na ĩndĩ mauma ndũanĩ, maendete vala ũĩ.
31
Na ĩvinda yĩu amanyĩw’a make mamũingĩĩsya, maimwĩa, Lavai, ya.
32
Ĩndĩ nake amea, Lĩu nĩ naw’o wa ũya ũla mũtawĩsĩ.
33
Na amanyĩw’a make mambĩlĩlya ũkũlan’ya ene kwa ene, No kwĩthĩwa mũndũ amũetee lĩũ?
34
Yesũ amea, Lĩu wakwa nĩ kwĩka kwenda kwa ũla wandũmie, na kũminũkĩlya wĩa wake.
35
Inyw’ĩ mũtyaasya, Kũtiele myei ĩna, na ngetha ĩivika? Sisyai, nĩngũmwĩa, Ũngalalyai metho menyu, mũsisye mĩũnda, kana nĩ mĩathĩku kũvika ũkethwa o na yu.
36
Ũla ũkethaa nĩwosaa ĩtuvi, na akyũmban’ya ũsyao kũvika thayũ ũtathela; nĩ kana ũla ũvuĩaa na ũla ũkethaa matane vamwe.
37
Na kwa ũu ndeto ĩtw’ĩkĩte ya w’o Ũmwe nũvũĩaa, na ũngĩ aiketha.
38
Nĩnamũtũmie mũkakethe kũla mũtaatethya wĩa: ala matethisye nĩ angĩ, na inyw’i mwavota mĩnoonĩ yoo.
39
Na Asamalia aingĩ ma ndũa ĩsu mamwĩtĩkĩla nũndũ wa ndeto sya mũndũ mũka kũmatavya, Andavisye maũndũ onthe ala neekie.
40
Na Asamalia mathĩ vala ũĩ, mamũingĩĩsya ekale nao: na ekala kw’o mĩthenya ĩlĩ.
41
Na angĩ aingĩ meetĩkĩla nũndũ wa ndeto syake;
42
na mamwĩa ũla mũndũ mũka, Yu nĩtũkwĩtĩkĩla, na ti ũndũ wa kũneena kwaku: nũndũ nĩtwĩyĩw’ĩe ene, na twanamya w’o kana ũũ nĩwe Mũtangĩĩi wa nthĩ.
43
Na matukũ elĩ mathela auma kw’o, athĩ Kalilii.
44
Nũndũ Yesũ mwene aisye kana mwathani ndataĩawa nthĩ ĩla yoo.
45
Na avika Kalilii, Akalilii mamwosa, nĩkwĩthĩwa nĩmoonete maũndũ onthe ala wekie Yelusaleme mbokanĩ: nũndũ nao nĩmaendie mbokanĩ.
46
Na ĩndĩ athi ĩngĩ Kena, nthĩ ya Kalilii, kũla waalyũlile manzĩ mbinyu. Na Kavelinaumi kwaĩ mũnene ũmwe, wawaĩtye mwana.
47
Na eew’a kana Yesũ nĩwumĩte Yutia akoka Kalilii, aenda vala ũĩ, na amwĩsũva kana atheee kwake, akamũvosye mwana wake; nũndũ aĩ vakuvĩ kũkw’a.
48
Na ĩndĩ Yesũ amwĩa, Keka mũkwona syama na moseng’yo mũtyĩtĩkĩla nongi.
49
Ũla mũnene amwĩa, Mwĩaĩi, theea, mwana wakwa atanakw’a.
50
Yesũ amwĩa. Thi; mwana waku e thayũ. Na ũla mũndũ eetĩkĩla ndeto ĩla Yesũ wamũtavya, na aenda.
51
Na atheeete, ngombo syake syamũthaũa, na syamũtavya kana mwana wake e thayũ.
52
Na ĩndĩ aikũlya saa ũla ũnambĩlĩlye ũvoa. Na syamwĩa, Ĩoo saa mũonza ndetema ĩnamũtiie.
53
Na ĩthe amanya kana nĩ saa ũla Yesũ ũnamwĩie, Mwana waku e thayũ: nake eetĩkĩla, na onthe ala ma nyũmba yake.
54
Na kyama kyu nĩkyo kya kelĩ, kĩla Yesũ wekie aumĩte Yutia, aithi Kalilii.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
Recommended Reading
Commentary
John Commentaries
→
Devotional
John Devotional Guide
→
Get This Bible
Mbivilia Study Bible
→