bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Matthew 10
Matthew 10
Kamba (Mbivilia) 1956
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 11 →
1
Na ameta amanyĩw’a make ĩkũmi na elĩ moke vala ũĩ, na amanenga ũkũmũ ĩũlũ wa maveva mavuku, mamaumye na kũvosya mowau ma mĩthemba yonthe na kĩla wonzu.
2
Na masyĩtwa ma ala atũmwa ĩkũmi na elĩ nĩ aa: Wa mbee nĩ Simoni ũla wĩtawa Vetelo, na Andalea mwana‐a‐inyia; Yakovo mwana wa Sevetii, na Yoana mwana‐a‐inyia;
3
Vilivu, na Valitholomayo; Thoma, na Mathayo ũla mumya wa koti; Yakovo mwana wa Alivaio, na Thatayo;
4
Simoni ũla Mũkanaani, na Yutasi Isikalioti ũla wamũvũnyanĩe
5
Yesũ amatũma asu ĩkũmi na elĩ aimeaĩa, akyasya, Nzĩa ya Andũ‐ma‐mbaĩ‐ingĩ o na yĩva mũikamĩendele, o na mũikavote ndũanĩ ya Asamalia o na yĩva:
6
ĩndĩ kavaa mũthi kwa malondu mau ma nyũmba ya Isilaeli.
7
Na mũendete, tavan’yai, mũkyasya, Ũsumbĩ wa ĩtu nĩ mũthengeeu.
8
Vosyai ala awau, thayũũkyai ala akw’ũ, thesyai ala mawaĩte mangũ, na umyai ndaimoni: nĩmwosete mana, nenganai mana.
9
Mũikakue thaavu, kana vetha, kana ũthuku ngusunĩ syenyu;
10
kana mũvuko wa nzĩanĩ, kana itonyeo ilĩ, kana iatũ, kana ndata: nũndũ mũtethya wa wĩa nĩwaĩlwe nĩ kya ũya kyake.
11
Na ndũa kana mũsyĩ o ũla mwĩvota, manthai vo mũndũ ũla mwaĩlu; na ĩkalai vo mũvaka yĩla mwĩvauma.
12
Na mũkĩlĩka nyũmba, mĩkethyei.
13
Na ethĩwa nyũmba nĩyaĩle, mũuo wenyu nũmĩtheee: ĩndĩ ethĩwa ndĩaĩle, mũuo wenyu nũmũsyokee.
14
Na o ũla ũteũmũthokya, o na kwĩw’a ndeto syenyu, mũkyuma nyũmba ĩsu kana ndũa ĩsu, tuangai kĩtoo kya maũũ menyu.
15
Nĩ w’o nĩngũmwĩa, Kũkethĩwa kavaa nthĩ ya Sotomo na Ngomola mũthenya wa sila, kwĩ ndũa ĩsu.
16
Sisyai, nĩngũmũtũma ta malondu katĩ wa nzũi: ĩthĩwai ĩndĩ mwĩ oĩ ta nzoka, na auu ta mavũĩ.
17
Ĩndĩ ĩsũvĩei na andũ: nũndũ makamũtwaa mbee wa nzama, na makamũvũĩa masinakokenĩ moo;
18
ĩĩ, na mũkatwawa mbee wa makavana na asumbĩ kwondũ wakwa, mwĩthĩwe mwĩ ngũsĩ kwamo na kwa Andũ‐ma‐mbaĩ‐ingĩ.
19
Ĩndĩ yila makamũtwaa kw’o, mũikavũavũane ũndũ mwĩasya kana ndeto ila mwĩneena: nũndũ kavinda kau mũkanengwa ũndũ wa ũneena.
20
Nĩkwĩthĩwa ti inyw’ĩ mwĩneena, ĩndĩ nĩ Veva wa Ĩthe wenyu ũla wĩneena nthĩnĩ wenyu.
21
Na mũndũ akanengane mwana‐a‐inyia oawe, na ĩthe mwana wake: na syana ikamokĩlĩla ala maisyaie, na kũmoaĩthya.
22
Na mũkamenwa nĩ andũ onthe kwondũ wa syĩtwa yakwa: ĩndĩ ũla wĩĩyũmĩĩsya kũvika mũminũkĩlyo, ũsu akatangĩĩwa.
23
Ĩndĩ mamũthĩn’ya ndũanĩ ĩno, kĩai mũthi ndũanĩ ĩngĩ: nũndũ nĩ w’o nĩngũmwĩa, Mũikethĩwa mũnatũngan’ya ndũa sya Isilaeli, Mwana wa mũndũ atanoka.
24
Mũmanyĩw’a ndethĩwa e ĩulũ wa mũmanyĩsya wake kana ngombo ĩũlũ wa vwana wayo.
25
Mũmanyĩw’a nĩwĩanĩwe nĩ kwĩthĩwa ta mũmanyĩsya wake, na ngombo ta vwana wayo. Ethĩwa nĩmamwĩtie mwene wa nyũmba syĩtwa ya Veelisevuli, ti mbee mũno kũmeta ũu ala ma nyũmba yake?
26
Mũikamakĩe ĩndĩ: nũndũ kũti ũndũ ũvw’ike, ũtakavuũwa; kana ũndũ ũvithe ũtakamanyĩka.
27
Ũla ngũmũtavĩsya kĩvindunĩ, neenai kyeninĩ; na ũla mũkwĩw’a na kũtũ, tavanĩsyai nyũmbanĩ ĩũlũ.
28
Mũikamakĩe ala moaa mwĩĩ matatonya kũaa thayũ: ĩndĩ kavaa mũmũkĩe we ũla ũtonya kwanangĩa thayũ na mwĩĩ naw’o Ngienanĩ.
29
Tũsũni twĩlĩ tũitewa ĩsendi yĩmwe? Na vai kamwe katw’o kakavalũka nthĩ Ĩthe wenyu atekwenda:
30
ĩndĩ o na nzw’ĩĩ syonthe sya mĩtwe yenyu nĩ ndale.
31
Mũikakĩe ĩndĩ; inyw’ĩ mwĩ vata kwĩ tũsũni twingĩ.
32
Kĩla mũndũ ĩndĩ ũla wĩmbumbũlaa mbee wa andũ, nakwa ngamumbũlaa mbee wa Asa wakwa ũla wĩ ĩtunĩ.
33
Ĩndĩ o ũla wĩngaĩaa mbee wa andũ nakwa ngamũkaĩaa mbee wa Asa wakwa ũla wĩ ĩtunĩ.
34
Mũikatalĩlye kana nokie kũete mũuo kũũ nthĩ: ndyaaũka kũete mũuo, ĩndĩ nĩ ũvyũ.
35
Nũndũ nokie kũthũan’ya mũndũ na ĩthe, na mwĩĩtu na nyinyia, na mũtwawa na inyia wa mũũme:
36
na amaitha ma mũndũ makethĩwa ala ma nyũmba yake.
37
Ũla ũmwendaa ĩthe kana nyinyia kwĩ nyie, ndambaĩle; na ũla ũmwendaa mwana kana mwĩĩtu wake kwĩ nyie, ndambaĩle.
38
Na ũla ũtosaa ngelan’yo yake na kũngatĩĩa, ndambaĩle.
39
Ũla wonaa thayũ wake akawasya; na ũla waasya thayũ wake kwondũ wakwa akawona.
40
Ũla ũmwosaa inyw’ĩ ambosaa nyie, na ũla ũmbosaa nyie amwosaa ũla wandũmie.
41
Ũla ũmwosaa mwathani syĩtwanĩ ya mwathani akoosa ĩtuvi ya mwathani; na ũla ũmwosaa mũndũ mũlũngalu syĩtwanĩ ya mũndũ mũlũngalu akoosa ĩtuvi ya mũndũ mũlũngalu.
42
Na o ũla ũkanenga ũmwe wa aa anini kĩkombe kya manzĩ mathithu kyoka, syĩtwanĩ ya mũmanyĩw’a, nĩ w’o nĩngũmwĩa, ĩtuvi yake yĩtikaa nongi.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28