bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Matthew 17
Matthew 17
Kamba (Mbivilia) 1956
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 18 →
1
Na ĩtina wa matukũ thanthatũ Yesũ oosa Vetelo, na Yakovo, na Yoana mwana‐a‐inyia, ambata nao me oka kĩĩmanĩ kĩtũlu:
2
na mũvw’ano wake waalyũka mene; na ũthyũ wake watisa ta syũa, na ngũa syake syeeũva ta kyeni.
3
Na sisya, Mose na Eliya mamaumĩlĩla makĩneenan’ya nake.
4
Na Vetelo asũngĩa na amwĩa Yesũ, Mwĩaĩi, nĩ ũseo kwitũ kwĩthĩwa vaa: ethĩwa nũkwenda, nĩngwaka vaa malwanda atatũ; yĩmwe yaku, na yĩngĩ ya Mose, na yĩngĩ ya Eliya.
5
Akĩneena, sisya, ĩthweo ĩtisũku yamekĩa muunyĩ: na sisya, wasya wauma ĩthweonĩ, ũkyasya, Ũũ nĩwe Mwana wakwa mwendwa, ũla nendeew’e nĩwe; mwĩw’ei we.
6
Na amanyĩw’a mawĩw’a, mavalũka na mothyũ moo, na makĩa mũno.
7
Na Yesũ ooka amakiita, na asya, Ũkĩlai, mũikakĩe.
8
Na makyũkĩlya metho moo, maiaaona mũndũ ate o Yesũ weka.
9
Na makĩtheea kuma kĩĩmanĩ, Yesũ ameaĩa, akyasya, Mũikatavye mũndũ ũvoo wa woni ũsu, mũvaka Mwana wa mũndũ athayũũka kuma kwa akw’ũ.
10
Na amanyĩw’a make mamũkũlya, makyasya, Nĩkĩ ĩndĩ aandĩki mekwasya mũvaka Eliya ambe kũka?
11
Nake asũngĩa, amea, Nĩ w’o Eliya nĩwũkĩte, na kũtũnga maũndũ onthe kwĩthĩwa meũ:
12
ĩndĩ nĩngũmwĩa, kana Eliya nĩwokie, na maiaamũmanya, ĩndĩ mamwĩkie o ũndũ mendie. No ta ũu Mwana wa mũndũ nake akathĩnw’a nĩo.
13
Nĩvo ala amanyĩw’a mamanyie kana aneena nao ũndũ wa Yoana Mũvatisi.
14
Na mavika vala ve yĩla ĩkomano, mũndũ ooka amũtulĩlya ndu, akyasya,
15
Mwĩaĩi, mwĩw’ĩe mwana wakwa tei: nũndũ e na ũwau wa mũng’uthũko, nake enyamaw’a mũno; nũndũ mavinda maingĩ avalũkaa mwakinĩ, na mavinda maingĩ manzĩnĩ.
16
Nakwa namũete kwa amanyĩw’a maku, na mainatonya kũmũvosya.
17
Na Yesũ asũngĩa, asya, Ũsyao ũũ ũte na mũĩkĩĩo na mũemu, ngeethĩwa vamwe nenyu ĩvinda yĩana ata? Nĩmũmĩĩsya ĩvinda yĩana ata? Mũetei vaa nĩĩ.
18
Na Yesũ amĩkan’ya; na ĩla ndaimoni yauma: na kĩmwana kyavoa kuma ĩvinda yĩu.
19
Nĩvo ĩndĩ ala amanyĩw’a maendie vala ve Yesũ kasama, masya, Nĩkĩ ithyĩ tũinatonya kũmyumya?
20
Na amea, Nũndũ wa kũnyivĩwa nĩ mũĩkĩĩo: nũndũ nĩ w’o nĩngũmwĩa, Ethĩwa mwĩ na mũĩkĩĩo: wĩana kaveke ka kalatali, mũkatavya kĩĩma kĩĩ, Uma vau ũĩ ũthi vaya; nakyo kĩkathi; o na vai ũndũ ũtakatonyeka kwenyu.
21
Ĩndĩ mũthemba ũũ ndumaa ate ũndũ wa kũvoya na kũtĩĩa ũya.
22
Na yĩla mekalĩte Kalilii, Yesũ amea, Mwana wa mũndũ ethi kũnenganwe mokonĩ ma andũ;
23
nao makamũaa, na mũthenya wa katatũ akathayũũkw’a. Nao meew’a woo mũno.
24
Na mavika Kavelinaumi, ala maumasya koti wa nyunzu sekeli mathi kwa Vetelo, masya, Mũmanyĩsya wenyu ndaumasya ĩla nyunzu ya sekeli?
25
Asya, Ĩĩ. Na alika nyũmba, Yesũ amba ũmũkũlya, akyasya, Wĩona ata, Simoni? Asumbĩ ma nthĩ maumasya koti kana ũelo kwa aaũ? Kwa ana moo, kana kwa aenĩ?
26
Na asya, Kwa aeni. Yesũ amwĩa, Na ĩndĩ ana moo nĩ athasye.
27
Ĩndĩ, nĩ kana tuĩkese ũmalulutĩkya, enda ũkanganĩ, noyĩkya ndoano, na ĩkũyũ yĩla yĩamba ũkwatw’a yose; na wayathamũkan’ya kanyw’a, ũkoona sekeli: wose ũkamanenge kwondũ wakwa na kwondũ waku.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28