bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Matthew 14
Matthew 14
Kamba (Mbivilia) 1956
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 15 →
1
Ĩvĩnda yĩu mũsumbĩ Elote eew’a ũvoo wa Yesũ,
2
na amea athũkũmi make, Ũsu nĩwe Yoana ũla Mũvatisi; nũthayũũkĩte kuma akw’ũnĩ; na kwondũ wa ũu mavinya aa metethya wĩa nthĩnĩ wake.
3
Nũndũ Elote aĩ anamũkwata Yoana, akamwova, na akamwĩkĩa kolokolonĩ kwondũ wa Elotia, mũka wa Vilivu mwana‐a‐inyia.
4
Nĩkwĩthĩwa Yoana amũtavisye, Kũtyosana na mĩao we kwĩthĩwa nake.
5
Na akyenda kũmũaa, akĩa nguthu ya andũ, nũndũ mamwonaa e mwathani
6
Ĩndĩ yĩla mũthenya wa kũsyawa kwa Elote wavikie, mwĩĩtu wa Elotia asũngĩa katĩ woo, na amwendeesya Elote.
7
Na ĩndĩ amwatha na wĩvĩto kũmũnenga kĩla wĩmwĩtya o na kĩva.
8
Nake, asilw’a nĩ nyinyia, asya, Nenga mũtwe wa Mũvatisi Yoana vaa ĩsaaninĩ.
9
Na ũla mũsumbĩ eew’a woo; ĩndĩ kwondũ wa mawĩvĩto make, na kwondũ wa ala mailyĩ lĩunĩ vamwe nake, eeaa anengwe;
10
na atũma mũndũ amũtila Yoana mũtwe e kolokolonĩ.
11
Na mũtwe wake waetwe wĩ ĩsaaninĩ, wanengwa ũla mwĩĩtu: nake amũtwaĩa nyinyia.
12
Na amanyĩw’a make mooka, moosa kimba, makĩthika; na mathi mamũtavya Yesũ.
13
Na Yesũ eew’a ũvoo ũsu, auma vau na ngalawa, athi e weka vandũ vate andũ: na makomano meew’a, mamũatĩĩa na nyaĩĩ kuma ndũanĩ syoo.
14
Na aumĩla, na oona ĩkomano ĩnene ya andũ, na amew’ĩa tei, na avosya awau moo.
15
Na kwavika wĩoo, amanyĩw’a mathi vala ũĩ, makyasya, Vaa tũĩ nĩ weũnĩ, na ĩngĩ o na yu ĩvinda nĩ ĩthelu; ĩmbũũkya, makomano mathi mĩsyĩ, makethooee lĩu.
16
Ĩndĩ Yesũ amea, Mati na vata wa kuma kũũ mathi; manengei lĩu e inyw’ĩ.
17
Nao mamwĩa, Vaa tũi na kĩndũ ate o imũtũ itano na makũyũ elĩ.
18
Na amea, Ndeteei isu vaa.
19
Na ameaĩa makomano mekale nthĩ nyekinĩ; na oosa ila imũtũ itano na ala makũyũ elĩ, na ang’elela ĩtunĩ, aiathima, na aĩtilanga, na anenga amanyĩw’a make ila imũtũ, na amanyĩw’a manenga makomano.
20
Na onthe maya, mavũna: na moosa ũtialo wa ilungu isu ndile, ikavũ ĩkũmi na ilĩ syausũa.
21
Na ala maĩe maĩ andũ ta ngili itano, eka aka na syana.
22
Na oyu amathing’ĩĩsya amanyĩw’a make malike ngalawanĩ, mathi mbee wake kũvika mũingo ũngĩ, mũvaka we amombũũkya makomano.
23
Na amombũũkya makomano, ambata kĩĩmanĩ e weka kũvoya: na kwavika wĩoo, e o vo e weka.
24
Ĩvĩnda yĩu ĩla ngalawa yaĩ ũkanganĩ katĩ, ĩkyũkĩlangw’a nĩ itulumo; nũndũ kĩseve nĩkyamathaũĩtye.
25
Na ũsyaĩĩsyo wa kana wa ũtukũ athi vala maĩ akinyĩle ũkanganĩ ĩũlũ.
26
Na amanyĩw’a mamwona akinyĩle ũkanganĩ ĩũlũ, maũũya, makyasya, Nĩ ĩimũ; na makaya nĩ w’ĩa.
27
Ĩndĩ oyu Yesũ aneena nao, akyasya, Ĩthĩwai na ũnyiau; ninyie; mũikakĩe.
28
Na Vetelo amũsũngĩa, asya, Mwĩaĩi, ethĩwa nue, mbĩa nũke vala ũĩ, nginyĩle manzĩnĩ ĩũlũ.
29
Na amwĩa, Ũka. Na Vetelo auma ngalawanĩ, na akinyĩla manzĩnĩ ĩũlũ, nĩ kana aende vala ve Yesũ.
30
Ĩndĩ oona kĩseve kingĩ, aya w’ĩa; na akyambĩlĩlya ũlika manzĩnĩ, akaya, akyasya, Mwĩaĩi, ndangĩĩa.
31
Na kavinda kau Yesũ atambũũkya kw’oko kwake, amũkwata, na amwĩa, We wa mũĩkĩĩo mũnini, nũndũ wa kĩ waya nzika?
32
Na mambata ngalawanĩ, kĩseve kyakilya.
33
Na ala maĩ ngalawanĩ mamũthaitha, makyasya, Nĩ w’o, we wĩ Mwana wa Ngai.
34
Na mainga, mavika nthĩ ya Kenesaleti.
35
Na aũme ma vandũ vau mamũmanya, matũma andũ nthĩ ĩsu yonthe, mamũetee onthe ala maĩ awau;
36
mamwĩsũva makiite o na ethĩwa no ũtiivo wa ngũa yake: na onthe ala makiitie mavow’a vyũ.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28