bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Matthew 19
Matthew 19
Kamba (Mbivilia) 1956
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 20 →
1
Na kweethĩwa Yesũ amina ndeto isu, auma Kalilii athi mĩvakanĩ ya Yutia, mũingo wa Yolotani;
2
na makomano manene mamũatĩĩa; na amavoesya ku.
3
Na Avalisi mooka vala ũĩ, makĩmũtata, makyasya, Nĩkwosana na ĩla mĩao mũndũ kũmũeka mũka kwondũ wa kĩla ũndũ?
4
Na asũngĩa, amakũlya, Mũtyaasoma kana we ũla wamombie mbee, amombie mũndũ mũũme na mũndũ mũka,
5
na asya, Kwondũ wa ũu mũndũ akatia ĩthe na nyinyia, na akalũman’ya na mũka wake; na me elĩ makeethĩwa mwĩĩ ũmwe?
6
O na matw’ĩkĩte ti elĩ ĩngĩ, ĩndĩ nĩ mwĩĩ ũmwe. Ala Ngai ũlũmanĩtye ĩndĩ, mũndũ ndakaamataan’ye.
7
Mamwĩa, Nĩkĩ ĩndĩ Mose weaie kũnengane valũa wa kũtaanĩsya, na kũmũeka?
8
Amea, Mose kwondũ wa wũmũ wa ngoo syenyu nĩwetĩkĩlile mũeke aka menyu: ĩndĩ kuma mwambĩlĩlyonĩ kũiailyĩ ũu.
9
Nakwa nĩngũmwĩa, O ũla ũkamũeka mũka wake, ate o kwondũ wa ũlaalai, na aitwaa ũngĩ, nũnũũlaalaa: na ũla wĩmũtwaa ũsu ũeketwe nũnũũlaalaa.
10
Amanyĩw’a make mamwĩa, Ethĩwa ũndũ wa mũndũ na mũka wake ũtilyĩ ũu, kũtwaana kũi vata.
11
Ĩndĩ we amea, Tĩ andũ onthe matonya kwosa ndeto ĩno, ĩndĩ no asu ala manengetwe.
12
Nũndũ kwĩ avakũe ala masyaiwe ũu kuma mavunĩ ma aanyinyia moo: na kwĩ avakũe ala mavakũiwe nĩ andũ: na kwĩ avakũe ala meevakũie kwondũ wa ũsumbĩ wa ĩtu. Ũla ũtonya kũmyosa, namyose.
13
Na ĩndĩ aetewe syana nini nĩ kana asilĩĩle moko, na kwivoyea: na amanyĩw’a mamakan’ya.
14
Ĩndĩ Yesũ asya, Iekei syana nini, na mũikaivate kũka kwakwa: nũndũ ũsumbĩ wa ĩtu nĩ wa ala mailyi ta isu.
15
Na asilĩĩla moko, na auma vau athi.
16
Na sisya, ũmwe ooka vala ũĩ amũkũlya, Mũmanyĩsya mũseo, nĩĩka ũndũ ũseo wiva nĩ kana nĩthĩwe na thayũ ũtathela?
17
Na amwĩa, Nĩkĩ ũũmbĩta mũseo? Ũla mũseo no Ũmwe: ĩndĩ ethĩwa nũkwenda kũvota thayũnĩ, kwata mĩao.
18
Nake amũkũlya, Yĩva? Na Yesũ amwĩa, Ndũkoae, Ndũkalaalae, Ndũkoye, Ndũkaneene ũkũsĩ wa ũvũngũ,
19
Taĩa au na mwenyu; na, Mwende mũtũi waku tondũ wĩyendete.
20
Ũla mwanake amwĩa, Maũndũ asu onthe nĩnĩmakwatie: nĩ ũndũ wĩva ũla ndielye?
21
Yesũ amwĩa, Ethĩwa nũkwenda kwĩthĩwa mwĩanĩu, thi, ũkathoosye ila wĩ nasyo, ũnenge ngya, naku ũkethĩwa na ũthwii ĩtunĩ: na ĩndĩ ũkyũka ũngatĩĩe.
22
Ĩndĩ ũla mwanake eew’a ndeto isu, athi na woo; nĩkwĩthĩwa aĩ na ũthwii mwingĩ.
23
Na Yesũ amea amanyĩw’a make, Nĩ w’o nĩngũmwĩa, Kũkeethĩwa ũndũ wĩ vinya mũndũ mũthwii kũlika ũsumbĩnĩ wa ĩtu.
24
Na ĩngĩ nĩngũmwĩa, Nĩ ũvũthũ ngamĩle kũvotela kalimanĩ ka singano, kwĩ mũndũ mũthwii kũvota ũsumbĩnĩ wa Ngai.
25
Na amanyĩw’a meew’a ũu maseng’a mũno, makyasya, Nũũ ĩndĩ ũtonya kũtangĩĩwa?
26
Na Yesũ amasisya, amea, Kwa andũ ũndũ ũũ ndũtonyeka; ĩndĩ kwa Ngai maũndũ onthe nĩmatonyeka.
27
Na ĩndĩ Vetelo asũngĩa, amwĩa, Sisya, ithyĩ nĩtũtiĩte syonthe na twakũatĩĩa; tũkosa kyaũ ĩndĩ?
28
Na Yesũ amea, Nĩ w’o nĩngũmwĩa, kana inyw’ĩ mũmbikĩlĩte, yĩla Mwana wa mũndũ ũkekalĩla kĩvĩla kya ũsumbĩ kya ũtheu wake mũtisu kũalyũkwanĩ kweũ, inyw’ĩ nenyu nĩmũkekalĩla ivĩla sya ũsumbĩ ĩkũmi na ilĩ, mũkĩsilĩla mbai ĩkũmi na ilĩ sya Isilaeli.
29
Na kĩla mũndũ ũla ũtiĩte nyũmba, kana ana‐a‐inyia, kana eĩtu‐a‐inyia, kana ĩthe, kana nyinyia, kana syana, kana mĩũnda, kwondũ wa syĩtwa yakwa, akoosaa vandũ va kĩmwe, ĩana, na akatiĩwa thayũ ũtathela.
30
Ĩndĩ aingĩ me mbee makethĩwa me ĩtina; na ala me ĩtina makethĩwa me mbee.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28