bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Matthew 9
Matthew 9
Kamba (Mbivilia) 1956
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 10 →
1
Na alika ngalawanĩ, ainga, athi ndũanĩ kwoo.
2
Na sisya, mamũetee mũndũ ũla waĩ na ũwau wa kwaa mamutha, akomete ũkomonĩ: na Yesũ oona mũĩkĩĩo woo amwĩa ũla waĩ na ũwau wa kwaa mamutha, Mwana, ĩthĩwa na ũnyĩau; naĩ syaku nĩsyaekwa.
3
Na sisya, amwe ma aandĩki maneena ngoonĩ syoo, Mũndũ ũũ nũkũumana.
4
Na Yesũ amanya malilikano moo, asya, Nĩ ũndũ wa kĩ mũũsũanĩa mothũku ngoonĩ syenyu?
5
Nũndũ ũla ũvũthũ nĩ wĩva, kwasya, Naĩ syaku nĩsyaekwa; kana kwasya, Ũkĩla, ũthi?
6
Ĩndĩ nĩ kana mũmanye atĩ Mwana wa mũndũ e na ũkũmũ kũũ nthĩ wa kũekea naĩ (nĩvo wamwĩie ũla waĩ na ũwau wa kwaa mamutha), Ũkĩla, ũkue ũkomo waku, wĩnũke.
7
Nake ookĩla, enũka.
8
Ĩndĩ makomano moona ũu, makwatwa nĩ w’ĩa, na mamũtaĩa Ngai, ũla ũnengete andũ ũkũmũ ta ũsu.
9
Na Yesũ akĩvĩta kuma vau, oona mũndũ, wetawa Mathayo, ekalĩte vala vaumĩaw’a koti: na amwĩa, Mbikĩla. Nake ookĩla, amũvikĩla.
10
Na kweethĩwa ekalĩte nyũmba akĩya lĩu, sisya, aumya ma koti na andũ athe aingĩ mooka na mekala nthĩ vamwe na Yesũ na amanyĩw’a make.
11
Na Avalisi moona ũu, mamea amanyĩw’a make, Nĩkĩ Mũmanyĩsya wenyu ũnũũya vamwe na aumya ma koti na andũ athe?
12
Nake eew’a ũu, amea, Ala mate awau mati vata wa mũiiti, ĩndĩ no ala awau.
13
Ĩndĩ endai mũkemanyĩsye ũndũ ũtilyĩ ũndũ ũũ, Nyie nendaa tei na ti nthembo: nĩkwĩthĩwa ndyaaũka kũmeta ala alũngalu, ĩndĩ nĩ ala athe.
14
Nĩvo ĩndĩ amanyĩw’a ma Yoana mookie, makyasya, Nĩkĩ ithyĩ na Avalisi tũtĩĩaa ũya mavinda maingĩ, ĩndĩ amanyĩw’a maku matitĩĩaa ũya?
15
Na Yesũ amakũlya, Ala metĩtwe mũtwaanonĩ nĩmatonya kũmeta ĩvinda yĩla mũtwaani wĩ vamwe nao? Ĩndĩ mĩthenya nĩyũkĩte, yĩla mũtwaani ũkaumw’a kwoo, nĩvo ĩndĩ makatĩĩa ũya.
16
Na vai mũndũ ũliaa kĩlio kya ngũa nzaũ ngũanĩ ngũũ; nũndũ kĩla kĩkĩawa vo nĩkyumasya kĩlungu kya ngũa ĩla ngũũ, na ũtembũku ũiendeea ũineneva.
17
O na andũ maiĩ-kĩaa mbinyu mbĩthĩ mathatwanĩ makũũ: nĩkwĩthĩwa mekĩa, ala mathatwa makatembũka, na mbinyu ĩkĩtĩka, na mathatwa makyanangĩka: ĩndĩ mekĩaa mbinyu mbĩthĩ mathatwanĩ meũ, na syelĩ ikĩkala.
18
Akĩneena maũndũ asu nao, sisya, kwooka mũndũ ũmwe mũnene, na amũthaitha, akyasya, Mwĩĩtu wakwa nĩwakw’a oyu: ĩndĩ ũka ũkamwilĩĩle kw’oko na nũnũkwĩthĩwa thayũ.
19
Na Yesũ ookĩla, amũvikĩla, vamwe na amanyĩw’a make.
20
Na sisya, mũndũ mũka, ũla waumawa nĩ nthakame ĩvinda ya myaka ĩkũmi na ĩlĩ ooka ĩtina wake, na akiita ũtiivo wa ngũa yake:
21
nũndũ aisye ngooni yake, Nakiita, o na ethiwa no ngũa yake, nĩngũvoa nĩthĩwe nĩ mũima.
22
Ĩndĩ Yesũ eethyũũa na amwona amwĩa, Mwĩĩtu, ĩthĩwa na ũtanu mũnene; mũĩkĩĩo waku nĩwakũvosya. Na ũla mũndũ mũka avoa, eethĩwa e mũima kuma kavinda o kau.
23
Na Yesũ alika nyũmbanĩ ya ũla mũnene, na oona avuvi ma nzumalĩ, na nguthu ya andũ maĩlonzan’ya,
24
asya, Umai vaa: nũndũ kelĩtu ti kakw’ũ, ĩndĩ nĩkakomete. Na mamũthekeea mũno.
25
Ĩndĩ ĩla nguthu yaumaalw’a nza, avota nthĩnĩ, na akakwata kw’oko; na kala kelitu kookĩla.
26
Na nguma ya ũndũ ũsu yanyaĩĩka nthĩ ĩsu yonthe.
27
Na Yesũ akĩvĩta kuma vo, ililinda ĩlĩ syamũatĩĩa, syaneena na mawasya manene, ikyasya, Twĩw’ĩe tei, we mwana wa Ndaviti.
28
Na avota nyũmba, ila ililinda syooka vala ũĩ: na Yesũ asyĩa, Nĩmũĩkĩĩe kana nĩndonya kwĩka ũndũ ũũ? Syamwĩa, Ĩĩ, Mwĩaĩi.
29
Nĩvo ĩndĩ wakiitie metho masyo, akyasya, O ta kũĩkĩĩa kwenyu nĩkwĩkwe kwenyu.
30
Na metho masyo masalukw’a. Na Yesũ amakindĩlĩla na vinya, akyasya, Sisyai mũndũ o na ũmwe ndakamanye.
31
Ĩndĩ mo mauma vo, na manyaĩĩkya nguma yake nthĩ ĩsu yonthe.
32
Na makyumaala, sisya, aetewe mũndũ ũtaneenaa, ũkwatĩtwe nĩ ndaimoni.
33
Na ndaimoni yaumwa, ũla ũtaneenaa, aneena: na makomano maseng’a, makyasya, Nthĩnĩ wa Isilaeli ũndũ ũsu ndwaamba kwoneka.
34
Ĩndĩ Avalisi masya, Aumasya ndaimoni na vinya wa mũnene wa ndaimoni.
35
Na Yesũ anganga ndũa syonthe na mĩsyĩ, aimanyĩsya masinakokenĩ moo, na aitavan’ya ũvoo mũseo wa ũsumbĩ, na aivosya mowau ma mĩthemba yonthe na kĩla wonzu.
36
Na amona makomano, amew’ĩa tei nĩkwĩthĩwa nĩmanyamaaw’a na kũnyaĩĩkw’a ta malondu mate na mũĩthi.
37
Na ĩndĩ amea amanyĩw’a make, Nĩ w’o ngetha nĩ nyingĩ, ĩndĩ akethi nĩ avũthũ.
38
Voyai ĩndĩ Mwĩaĩi wa ngetha, atũme akethi ngethanĩ yake.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28