bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Matthew 21
Matthew 21
Kamba (Mbivilia) 1956
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 22 →
1
Na yĩla mathengeeie Yelusaleme, na mavika Vethivake, kĩĩmanĩ kya Mĩthata, nĩvo Yesũ watũmie amanyĩw’a elĩ,
2
aimea, Endai mũsyĩ ũla ũmwelekele, na kavinda o kau nĩmũkwona ĩng’oi yovetwe, na ndena nayo: thasyai, mũndetee.
3
Na ethĩwa mũndũ o na wĩva akamwĩa ũndũ, asyai, Mwĩaĩi e vata nayo; na oyu nũnũũmũnenga yo.
4
Na ũu weethĩĩwe, nĩ kana kwĩanĩw’e ũla waneeniwe nĩ mwathani, akyasya,
5
Mũtavyei mwĩĩtu wa Saioni, Sisya Mũsumbĩ waku nĩwũkĩte kwaku, Nĩ mũuu, atũlĩte ĩng’oi, O ndena, ndena ya ĩng’oi.
6
Na ala amanyĩw’a mathi, meeka o tondũ Yesũ ũmeaĩe,
7
na maete ĩng’oi, na ndena, na mamailĩĩla ngũa syoo; na asyĩkalĩla.
8
Na ala aingĩ ma ĩkomano yĩu malan’ya ngũa syoo nzĩanĩ; na angĩ matema tũũvonge twa mĩtĩ, malan’ya nzĩanĩ.
9
Na makomano ala maendie mbee wake, na ala mamũatĩĩe, mookĩlya wasya mũnene, makyasya, Hosana, mwana wa Ndaviti: nĩ mũathime ũla wũkĩte syĩtwanĩ ya Mwĩaĩi; Hosana, ku ĩũlũ mũno.
10
Na alika Yelusaleme, ndũa yonthe yavũavũana, ĩkyasya, Ũũ nũũ?
11
Na ala makomano masya, Ũũ nĩwe Yesũ, ũla mwathani wa Nasaleti ya Kalilii.
12
Na Yesũ avota ĩkalũnĩ ya Ngai, amakuthũa onthe ala mathooasya na kũthooa ĩkalũnĩ, na ang’uthũlanga mesa sya ala meũvunzya mbesa, na ivĩla sya ala meũthoosya mavũĩ;
13
na amea, Nĩkũandĩkĩtwe, Nyũmba yakwa ĩkeetwa nyũmba ya kũvoyea: ĩndĩ inyw’ĩ mwĩmĩtw’a ngunga ya avutani.
14
Na ililinda na ala mathuaa mooka vala ũĩ ĩkalũnĩ; na amavosya.
15
Ĩndĩ athembi anene na aandĩki moona moseng’yo ala weka, na syana iineena na wasya mũnene ĩkalũnĩ, ikyasya, Hosana, mwana wa Ndaviti; mathata,
16
na mamwĩa, Nũkwĩw’a ũndũ aa mekwasya? Na Yesũ amea, Ĩĩ: mũtyaamba ũsoma, Kuma makanyw’anĩ ma syana na tũũkenge ndaĩa nĩyeanĩie?
17
Na amatia, na auma ndũanĩ ĩsu athi Vethania, na akoma kw’o.
18
Na kĩoko asyokete ĩla ndũanĩ, eew’a nzaa.
19
Na oona mũkũyũ ũtee wa nzĩa, athi vo, na eethĩa ndwĩ kĩndũ ate o matũ mathei; na awĩa, Kũikethĩwe ũsyao kwaku kuma yu o na tene na tene. Na oyu ũla mũkũyũ wooma.
20
Na ala amanyĩw’a moona ũu, maseng’a, makyasya, Mũkũyũ ũũ wooma ata oyuyu?
21
Na Yesũ asũngĩa, amea, Nĩ w’o nĩngũmwĩa, Ethĩwa mwĩ na mũĩkĩĩo, na mũikethĩwa na nzika, mũikeka ũndũ ũũ wa mũkũyũ w’oka, ĩndĩ o na ethĩwa mũkatavya kĩĩma kĩĩ, Kuwa nokĩkw’a ũkanganĩ, ũkeekwa.
22
Na maũndũ onthe, o ala mũketya mũkĩvoya, mũkĩtĩkĩla, mũkoosa.
23
Na avota ĩkalũnĩ, athembi anene na atumĩa ma andũ mooka vala ũĩ akĩmanyĩsya, na masya, Wĩkaa maũndũ aa na ũkũmũ wĩva? Na nũũ ũla ũkũnengete ũkũmũ ũũ?
24
Na Yesũ asũngĩa na amea, Nakwa nĩngũmũkũlya ũkũlyo ũmwe, na mwandavya, nakwa nĩngũmũtavya ũkũmũ ũla ũtumaa nĩka maũndũ aa.
25
Ũvatisi wa Yoana waumie va? Waumie ĩtunĩ kana waumie andũnĩ? Na masũanĩa ene kwa ene, makyasya, Ethĩwa nĩtũkwasya, Waumie ĩtunĩ; etwĩa, Nĩkĩ ĩndi mũtaamwĩtĩkĩla?
26
Ĩndĩ ethĩwa nĩtũkwasya, Waumie andũnĩ; nĩtũũkĩa ĩkomano; nũndũ andũ onthe nĩmeesĩ Yoana nĩ mwathani.
27
Na mamũsũngĩa Yesũ, masya, Tũtyĩsĩ. Nake amea, O nakwa ndimũtavya ũkũmũ ũla ũtumaa nĩka maũndũ aa.
28
Ĩndĩ mwĩona ata? Mũndũ ũmwe aĩ na ana elĩ; na athi vala ve ũla wa mbee, na asya, Mwana wakwa, thi ũmũnthĩ ũkatethye wĩa mũũndanĩ wa mĩsavivũ.
29
Na asũngĩa, asya, Ndithi: ĩndĩ ĩtina eelila, na athi.
30
Na athi vala ve ũla wa kelĩ, na asya o ta ũu. Nake asũngĩa, asya, Nĩngũthi vwana: na ndaathi.
31
Nĩ wĩva wa asu elĩ ũla wekie kwenda kwa ĩthe wake? Masya, Nĩ ũla wa mbee. Yesũ amea, Nĩ w’o nĩngũmwĩa, kana aumya ma koti na malwaya nĩmavotaa ũsumbĩnĩ wa Ngai mbee wenyu.
32
Nũndũ Yoana nĩwokie kwenyu na nzĩa ya ũlũngalu, na mũtyaamwĩtĩkĩla; ĩndĩ aumya ma koti na malwaya nĩmamwĩtĩkĩlile: nenyu mwoona ũu, o na ĩtina mũtyaaĩlila, nĩ kana mũmwĩtĩkĩle.
33
Ĩthukĩĩsyei ngelekan’yo ĩngĩ: Kwaĩ mũndũ mwene wa nyũmba, nake avandie mũũnda wa mĩsavivũ, na oothyũlũlũkya wiio, enza katĩ waw’o ĩima ya ũangĩa nzavivũ, na aaka mwako mũtũlu wa mũnyoolo, na oonenga aĩmi mamũĩmĩe, nake athi ũeni nthĩ ĩngĩ.
34
Na ĩvinda ya ũsyao, yathengeea, atũma ngombo syake kwa ala aĩmi, inengwe mosyao maw’o.
35
Na ala aĩmi makwata ngombo syake, na ĩmwe mamĩkũna, na ĩngĩ mamyũaa, na ĩngĩ mamĩkimanga na mavia.
36
Na atũma ĩngĩ ngombo ingĩ mbingĩ kwĩ ila sya mbee; na masyĩka o ta ũu.
37
Ĩndĩ ĩtina atũma mwana wake kwoo, akyasya, Makamũtaĩa mwana wakwa.
38
Ĩndĩ aĩmi moona ũla mwana, masya ene kwa ene, Ũũ nĩwe mũtiĩwa; ũkai tũmũae, twose ũtiĩwa wake.
39
Na mamũkwata, mamwĩkya ũtee wa mũũnda wa mĩsavivũ, na mamũaa.
40
Yĩla ĩndĩ mwene wa mũũnda wa mĩsavivũ ũkoka, akameka ata aĩmi asu?
41
Mamwĩa, Akamananga naĩ andũ asu athũku, na akanenga aĩmi angĩ mũũnda ũsu wa mĩsavivũ, ala makamũnenga mosyao ĩvindanĩ yamo.
42
Yesũ amea, Mũtyaamba ũsoma maandĩkonĩ, Ĩvia yĩla yaleilwe nĩ aki, Yĩu yatw’ĩkie yĩla ĩnene ya kĩkotonĩ; Ũu nĩwaumie kwa Mwĩaĩi, Naw’o nĩ ũseng’yo methonĩ maitũ?
43
Kwondũ wa ũu nĩngũmwĩa, Ũsumbĩ wa Ngai ũkaumw’a kwenyu, na ũkanengwa mbaĩ ĩsyaaa mosyao maw’o.
44
Na ũla wĩvalũka ĩũlũ wa ĩvia yĩĩ akavevenzeka: ĩndĩ o ũla yĩmũvalũkĩla, akatumbatumbĩka anyaĩĩke ta kĩtoo.
45
Na athembi anene na Avalisi meew’a ngelekan’yo syake, mamanya kana nĩmo meũwetwa.
46
Na makĩmantha kũmũkwata, makĩa makomano, nĩkwĩthĩwa mamwonaa e mwathani.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28