bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Matthew 5
Matthew 5
Kamba (Mbivilia) 1956
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 6 →
1
Nake akyona ala makomano, ambata kĩĩmanĩ: na ekala nthĩ, amanyĩw’a make mathi vala ũĩ:
2
na aathamya kanyw’a wake na amamanyĩsya, akyasya,
3
Nĩ aathime ala me na ũkya wa ngoo: nũndũ ũsumbĩ wa ĩtu nĩ woo.
4
Nĩ aathime ala me na kĩmeto: nũndũ nĩo makakiakiw’a.
5
Nĩ aathime ala auu: nũndũ nĩo makatiĩwa nthĩ.
6
Nĩ aathime ala me na nzaa na waũni wa ũlũngalu: nũndũ nĩo makausũw’a.
7
Nĩ aathime ala me na tei: nũndũ nĩo makew’ĩwa tei.
8
Nĩ aathime ala atheu ngoo: nũndũ nĩo makamwona Ngai.
9
Nĩ aathime ala mekaa mũuo: nũndũ nĩo maketwa ana ma Ngai.
10
Nĩ aathime ala mathĩniw’e kwondũ wa ũlũngalu: nũndũ ũsumbĩ wa ĩtu nĩ woo.
11
Mwĩ aathime inyw’ĩ yĩla andũ meũmũkava, na kũmũthĩn’ya na kũmũneenea kĩla ũndũ ũthũku wa ũvũngũ, kwondũ wakwa.
12
Tanai, na ĩthĩwai na mũyo mũnene: nĩkwĩthĩwa ĩtuvi yenyu nĩ ĩnene ĩtunĩ: nũndũ ũu nĩw’o mathĩnisye athani ala maĩ mbee wenyu.
13
Inyw’ĩ mwĩ mũnyũ wa nthĩ: ĩndĩ ũla mũnyũ wathela mũsamo waw’o, ũkasamĩthw’a mũnyũ na kyaũ? Ndwĩ vata ĩngĩ nongi, ate o kwĩkw’a ĩtheka na kũkinyangwa nĩ andũ.
14
Ĩnyw’i mwĩ kyeni kya nthĩ. Ndũa yĩ kĩĩmanĩ ĩũlũ ndĩvithĩka.
15
O na andũ maikwatasya taa, na kũwia ungu wa ĩmisi, ĩndĩ mawiaa vala vatũlu; naw’o nũmamulĩkĩlaa onthe me nyũmba.
16
No ta ũu kyeni kyenyu nĩkĩkenae mbee wa andũ, nĩ kana mone mawĩa menyu maseo, na kũmũtaĩa Ĩthe wenyu ũla wĩ ĩtunĩ.
17
Mũikasũanĩe kana nokie kwananga mĩao kana mavuku ma athani: ndyaaũka kwananga, ĩndĩ nĩ kwĩanĩsya.
18
Nũndũ nĩ w’o nĩngũmwĩa, Mũvaka yĩla ĩtu na nthĩ ikavĩta, kũikavĩta kaũandĩko kamwe kana kaũkenyũsyo kamwe mĩaonĩ, mũvaka onthe meanĩw’e.
19
Na ĩndĩ mũndũ o na wĩva ũla ũkananga mwĩao ũmwe wa ĩno ĩla mĩnini, na kũmanyĩsya andũ ũu, aketwa mũnini mbee ũsumbĩnĩ wa ĩtu: ĩndĩ o ũla ũkamĩka na kũmĩmanyĩsya, aketwa mũnene ũsumbĩnĩ wa ĩtu.
20
Nũndũ nĩngũmwĩa, Ũlũngalu wenyu walea kũvĩtũka ũlũngalu wa aandĩki na Avalisi, mũikalika nongi ũsumbĩnĩ wa ĩtu.
21
Nĩmwĩw’ĩte kana andũ ma tene meeĩwe, Ndũkoae; na o ũla ũkoaa akethĩwa mũndũ wa kũsilĩlwa:
22
ĩndĩ nyie nĩngũmwĩa, o ũla ũkamũthatĩa mwana‐a‐ĩthe vate kĩtumi akethĩwa mũndũ wa kũsilĩlwa; na o ũla ũkamũkava mwana‐a‐ĩthe akethĩwa mũndũ wa kũsilĩlwa ni nzama; na o ũla ũkasya, Wĩ ndia we, akethĩwa ũla waĩlwe nĩ mwaki wa Ngiena.
23
Ethĩwa ĩndĩ nũũnengane mũthĩnzĩo waku kĩthembeonĩ, na ũkĩlilikanĩla vu kana mwana‐a‐au e ũndũ naku,
24
tia mũthĩnzĩo waku vu mbee wa kĩthembeo, noithi, wambe kwĩw’ana na mwana‐a‐au na ĩndĩ ũkyũka ũnengane mũthĩnzĩo waku.
25
Ĩw’ana mĩtũkĩ na mũvinganĩsya waku, yĩla wĩ vamwe nake nzĩanĩ; ũla mũvinganĩsya ndakese ũkũtwaa kwa mũsili na mũsili aikũnengane kwa ĩkanga noyĩkĩwa kolokolonĩ.
26
Nĩ w’o nĩngũkwĩa, Ndũkauma vo nongi, mũvaka waĩva kũvika ĩsendi ya kũminũkĩlya.
27
Nĩmwĩw’ĩte kana nĩkwaneeniwe, Ndũkalaalae:
28
ĩndĩ nyie nĩngũmwĩa, kana kĩla mũndũ ũsyaasya mũndũ mũka na kũmwĩw’ĩa mũmeo nĩweka ũlaalai nake ngoonĩ yake.
29
Na ethĩwa itho yaku ya ngalĩ ya kw’oko kwa aũme nĩyĩũkũlulutĩkya, yumye, ũyĩkye kũasa naku: nũndũ nĩkwaĩle kwaku kwaĩwa nĩ mutha ũmwe waku, kwĩ mwĩĩ waku w’onthe kwĩkw’a Ngienanĩ.
30
Na ethĩwa kw’oko kwaku kwa aũme nĩkũũkũlulutĩkya, kũtile, ũkwĩkye kũasa naku: nũndũ nĩkwaĩle kwaku kwaĩwa nĩ mutha ũmwe, kwĩ mwĩĩ waku w’onthe kwĩkw’a Ngienanĩ.
31
Na ĩngĩ nĩkwaneeniwe, O ũla ũekaa mũka, namũnenge valũa wa kũtaanĩsya:
32
ĩndĩ nyie nĩngumwia, kana kĩla mũndũ ũekaa mũka wake, ate o kwondũ wa ũlaalai, nũnũũmũtw’ikĩthya kĩlaalai: na o ũla wĩmũtwaa ũsu ũeketwe nũnũũlaalaa.
33
Na ĩngĩ, nĩmwĩw’ĩte kana andũ ma tene meeiwe, Ndũkaaĩvĩte wĩvĩto wa ũvũngũ, ĩndĩ wĩkae mawĩvĩto maku kwa Mwĩaĩi:
34
ĩndĩ nyie nĩngũmwĩa, Mũikaaĩvĩte nongi; o na kwa ĩtu, nĩkwĩthĩwa nĩyo kĩvĩla kya ũsumbĩ kya Ngai;
35
o na kwa nthĩ, nĩkwĩthĩwa nĩyo kavĩla ka nyaĩĩ syake; o na kwa Yelusaleme, nĩkwĩthĩwa nĩyo ndũa ya Mũsumbĩ ũla mũnene.
36
O na ndũkaaĩvĩte na mũtwe waku, nĩkwĩthĩwa ndũtonya kũtuma ũsw’ĩĩ ũmwe weũva kana wia.
37
Ĩndĩ kũneena kwenyu kwĩthĩwe, Ĩĩ, ĩĩ; Aiee, aiee; na ũndũ o na wĩva ũla ũthonokete asu, nĩ wa ũla mũthũku.
38
Nĩmwĩw’ĩte kana nĩkwaneeniwe, Itho vandũ va itho, na ĩeo vandũ va ĩeo:
39
ĩndĩ nyie nĩngũmwĩa, Mũikakĩlan’ye vinya na mũndũ mũthũku; ĩndĩ o ũla ũnũũkũkũna ĩtau ya ngalĩ ya kw’oko kwa aũme, mũthyũũĩe yĩngĩ nayo.
40
Na ethĩwa mũndũ o na wĩva nũkwenda ũkũtwaa silanĩ, na kwosa kĩtonyeo kyaku, mũekee ngũa yaku ya ĩũlũ nayo.
41
Na o ũla ũkakũĩngĩĩsya kũthi nake mũendo wa nyunzu ya saa, endan’ya nake saa mũima.
42
Mũnenge ũla ũnũũkwĩtya; na ũla ũnũkwenda kũkova kwaku, ndũkamũvate.
43
Nĩmwĩw’ĩte kana nĩkwaneeniwe, Mwende mũtũi waku, na mũmene mũmaitha waku:
44
ĩndĩ nyie nĩngũmwĩa, Mendei amaitha menyu, na mavoyeaei ala mamũthĩnasya;
45
nĩ kana mwĩthĩwe ana ma Ĩthe wenyu ũla wĩ ĩtunĩ; nĩkwĩthĩwa we nũmaumĩasya syũa yake athũku na aseo, na kũmauĩsya mbua ala mekaa ũlũngalu na ala matekaa ũlũngalu.
46
Nũndũ mũkĩmenda ala mamwendaa, mwĩ na ĩtuvi yaũ? O na aumya ma koti matyĩkaa o ũu?
47
Na ethĩwa mwĩmakethya ana‐a‐ĩthe menyu oka, mũmavĩtũkaa va? O na Andũ‐ma‐mbaĩ‐ingĩ matyĩkaa o ũu?
48
Inyw’ĩ ĩndĩ ĩthĩwai eanĩu, tondũ Ĩthe wenyu wĩ ĩtuni nĩ mwĩanĩu.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28