bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Matthew 6
Matthew 6
Kamba (Mbivilia) 1956
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 7 →
1
Ĩsũvĩei mũikekae ũlũngalu wenyu mbee wa andũ, nĩ kana mwoneke nĩo: nĩkwĩthĩwa mweeka ũu, mũi na ĩtuvi kwa Ĩthe wenyu ũla wĩ ĩtunĩ.
2
Yĩla ĩndĩ ũkũnengane motethyo, ndũkavuve soo mbee waku, tondũ angangan’ya mekaa masinakokenĩ na nzĩanĩ nene, nĩ kana makathĩĩwe nĩ andũ. Nĩ w’o nĩngũmwĩa, Nĩmosete ĩtuvi yoo.
3
Ĩndĩ yĩla ũũnengane motethyo, kw’oko kwaku kwa aka kũikamanye ũndũ kw’oko kwaku kwa aũme kũkwĩka:
4
nĩ kana motethyo maku methĩwe ma kĩmbithĩ: na Ĩthe waku ũla wonaa kĩmbithĩnĩ akakũĩva.
5
Na yĩla mũũvoya, mũtikethĩwe ta angangan’ya: nũndũ nĩmendaa kũvoya maũngeme masinakokenĩ na makomanĩonĩ ma nzĩa ila nene, nĩ kana moneke nĩ andũ. Nĩ w’o nĩngũmwĩa, Nĩmosete ĩtuvi yoo.
6
Ĩndĩ we, ũkĩvoya, vota nyũmba yaku ĩla ya nthĩnĩ, na wavinga mũomo, voya Ĩthe waku ũla wĩ kĩmbithĩnĩ, na Ĩthe waku ũla wonaa kĩmbithĩnĩ akakũĩva.
7
Na mũkĩvoya mũikatindĩe ndeto, o tondũ Andũ‐ma‐mbaĩ‐ingĩ mekaa: nũndũ mo matalĩlasya kana makeew’ĩka kwondũ wa ndeto syoo kwĩthĩwa nyingĩ.
8
Mũikethĩwe ĩndĩ mũilyĩ ta asu: nũndũ Ĩthe wenyu nĩwĩsĩ ila mwĩ na vata nasyo, mbee wa inyw’ĩ mũtanamũvoya.
9
Inyw’ĩ ĩndĩ voyaai atĩĩ: Asa waitũ ũla wĩ ĩtunĩ, syĩtwa yaku yĩtaĩwe.
10
Ũsumbĩ waku wũke. Kwenda kwaku kwĩke kũũ nthĩ o ta kũya ĩtunĩ
11
Tũnenge ũmũnthĩ lĩu witũ ũtwĩanĩe
12
Naku ũtũekee mathiĩ maitũ, o tondũ ithyĩ naitũ tũmaekeete ala me na thii naitũ.
13
Na ndũkatũtwaae ũtatwanĩ ĩndĩ ũtũtangĩĩe kwa ũla mũthũku. (Nũndũ ũsumbĩ na vinya na ndaĩa nĩ syaku tene na tene, Ameni.)
14
Nũndũ ethĩwa inyw’ĩ mũkamaekea andũ mavĩtyo moo, Ĩthe wenyu wa ĩtunĩ akamũekea inyw’ĩ.
15
Ĩndĩ mwalea kũmaekea andũ mavĩtyo moo, o na Ĩthe wenyu ndakamũekea inyw’ĩ mavĩtyo menyu.
16
O na ĩngĩ mwatĩĩa ũya, mũikatukye mothyũ menyu ta ala angangan’ya: nũndũ nĩmatukasya mothyũ moo, nĩ kana moneke nĩ andũ atĩ nĩmatĩĩĩte ũya. Nĩ w’o nĩngũmwĩa, Nĩmosete ĩtuvi yoo.
17
Ĩndĩ we watĩĩa ũya, vaka mũtwe waku mauta, noithambya ũthyũ waku;
18
nĩ kana ndũkoneke nĩ andũ kana nũtĩĩĩte ũya, ĩndĩ woneke nĩ Ĩthe waku ũla wĩ kĩmbithĩnĩ: na Ĩthe waku ũla wonaa kĩmbithĩnĩ akakũĩva.
19
Mũikeyiĩe ũthwii kũũ nthĩ vala lungulu na nganga syanangaa, na vala ing’ei ivũthũaa na kũya:
20
ĩndĩ ĩyiĩei ũthwii ĩtunĩ, vala lungulu na nganga itananga, na vala ing’ei itavũthũa kana kũya:
21
nũndũ vala ve ũthwii waku, nĩvo vethĩawa ngoo yaku nayo.
22
Taa wa mwĩĩ nĩ itho: ethĩwa ĩndĩ itho yaku nĩ ĩseo, mwĩĩ waku w’onthe ũkausũa kyeni.
23
Ĩndĩ ethĩwa itho yaku nĩ ĩthũku, mwĩĩ waku w’onthe ũkatulya kĩvindu. Ethĩwa ĩndĩ kyeni kĩ nthĩnĩ waku kyeethĩwa kĩvindu, kĩvindu kyu ko te kĩnene!
24
Kũi mũndũ ũtonya kũthũkũma mavwana elĩ: nũndũ akamũmena ũmwe, na akamwenda ũla ũngĩ; kana akalũman’ya na ũmwe, na akamũvũthya ũla ũngĩ. Mũitonya kũthũkũma Ngai o na ũthwii.
25
Kwondũ wa ũu nĩmwĩa, Mũikemakĩe ũndũ wa mathayũ menyu, kĩla mwĩya kana kĩla mwĩnyw’a; o na mĩĩ yenyu, kĩla mwĩĩvw’ika. Thayũ ndwĩ mbee wa kya ũya, na mwĩĩ mbee wa ngũa?
26
Sisyai nyũnyi sya yayaya, nĩkwĩthĩwa itivandaa, o na itikethaa, o na ityũmbanasya makũmbĩnĩ; na Ĩthe wenyu wa ĩtunĩ nĩwiĩthasya. Inyw’ĩ mũi vata mũno kwĩ syo?
27
Na nũũ kwenyu ũla ũtonya kwondũ wa kwĩmakĩa kwake kwĩyongeleela ũasa wake mũkono ũmwe?
28
Na nĩkĩ mũkwĩmakĩa ũndũ wa ngũa? Sũanĩai ũndũ wa malaa ma lili ma kĩthekanĩ, ũndũ mameaa; maitethasya wĩa, o na maiokothaa:
29
ĩndĩ nĩngũmwĩa, o na Solomoni ndaĩanĩ yake yonthe ndaaĩvw’ĩka ta yĩmwe yamo.
30
Ethĩwa ĩndĩ Ngai nũvw’ĩkaa nyeki ya kĩthekanĩ ta ũu, ĩla ĩnĩkwĩkala ũmũnthi, na ũnĩ ĩkekw’a ikonĩ, ndakamũvw’ĩka inyw’ĩ mbee mũno, inyw’ĩ ma mũĩkĩĩo mũnini?
31
Mũikemakĩe ĩndĩ, mũkyasya, Tũkaya kyaũ? Kana, Tũkanyw’a kyaũ? Kana, Tũkeevw’ĩka kĩ?
32
Nũndũ syĩndũ isu syonthe nimanthawa nĩ Andũ‐ma‐mbaĩ‐ingĩ; nĩkwĩthĩwa Ĩthe wenyu wa ĩtunĩ nĩwĩsĩ mwĩ na vata wa syĩndũ isu syonthe.
33
Ĩndĩ ambai ũmantha ũsumbĩ wake, na ũlũngalu wake; na isu syonthe nĩmũkongeleelwa.
34
Mũikemakĩe ĩndĩ ũndũ wa ũnĩ; nũndũ ũnĩ ũkeemakĩa e w’o. Mũthenya nĩwĩanĩwe nĩ ũthũku waw’o.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28