bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Romans 10
Romans 10
Kamba (Mbivilia) 1956
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 11 →
1
Ana‐a‐asa makwa, kwenda kwa ngoo yakwa na kũvoya kwakwa kwa Ngai nĩ kwondũ woo, nĩ kana matangĩĩwe.
2
Nũndũ nĩngũmakũsĩĩa kana me na ũthangaau mũnene kwa Ngai, ĩndĩ ti kwĩanana na ũmanyi.
3
Nũndũ wa kwĩthĩwa matyaamanya ũlũngalu wa Ngai, na makĩmantha kũlũlũmĩlya ũlũngalu woo ene, malea kwĩnyivĩsya ũlũngalu wa Ngai.
4
Nũndũ Klĩsto nĩ mũminũkĩlyo wa ĩla mĩao nĩ kana o ũla wĩtĩkĩlaa ethĩwe na ũlũngalu.
5
Nũndũ Mose eandĩka kana mũndũ ũla wĩkaa, ũlũngalu ũla wonekaa ĩla mĩaonĩ akekala thayũ nthĩnĩ waw’o.
6
Ĩndĩ ũlungalu ũla wonekaa mũĩkĩĩonĩ wĩneena atĩĩ, Ndũkasye ngooni yaku, Nũũ ũla ũkambata ĩtunĩ? (Naw’o, nĩ kũmũtheesya Klĩsto kũũ nthĩ:)
7
kana, Nũũ ũla ũkatheea ĩimanĩ yĩte kĩtulu? (Naw’o, nĩ kũmũkĩlya Klisto kũmumya akw’ũnĩ.)
8
Ĩndĩ maandĩko measya ata? Ĩla ndeto yĩ vakuvĩ naku, kanyw’anĩ waku na ngoonĩ yaku: nayo nĩ ĩla ndeto ya mũĩkĩĩo, ĩla ithyĩ tũtavanasya:
9
nĩkwĩthĩwa ethĩwa ũkamumbũla Yesũ na kanyw’a waku kana nĩwe Mwĩaĩi, na ũkeetĩkĩla ngoonĩ yaku kana Ngai nĩwamũthayũũkisye kũmumya akw’ũnĩ, ũkatangĩĩwa:
10
nũndũ mũndũ nĩwĩtĩkĩlaa na ngoo kũvikĩa ũlũngalu; na nĩwumbũlaa na kanyw’a kũvikĩa ũtangĩĩo.
11
Nũndũ maandĩko measya, O ũla ũkamwĩtĩkĩla ndakaasonokw’a.
12
Nũndũ kũi kĩvathũkan’yo kati wa Mũyuti na Mũkiliki: nũndũ Mwĩaii o ũsu ũmwe nĩ Mwĩaĩĩ wa onthe, na ni mũthwii kwa onthe ala mamwĩkaĩlaa:
13
nũndũ, O ũla ũkekaĩla syĩtwa ya Mwĩaĩi, nũkatangĩĩwa.
14
Ĩndĩ makamwĩkaĩla ata ũla matamwĩtĩkĩlĩte? Na makamwĩtĩkĩla ata we ũla mataamwĩw’a? Na makeew’a ata vate mũtavan’ya?
15
Na makatavan’ya ata mate atũme? O ũndũ kũandĩkitwe. A! Kote maseo maũũ ala maetae ũvoo wĩ mũyo wa maũndũ maseo!
16
Ĩndĩ ti onthe meewie ũla ũvoo mũseo. Nũndũ Isaia easya, Mwĩaĩi, ũla wetĩkĩlile ũvoo witũ nũũ?
17
Kwa ũu mũĩkĩĩo wũkaa kwondũ wa kwĩw’a, na kwĩw’a kũkaa kwondũ wa ndeto ya Klĩsto.
18
Ĩndĩ nĩngũkũlya, Matyaawĩw’a? Ĩĩ, nĩ w’o, Wasya woo nĩwatũnganie nthĩ yonthe, Na ndeto syoo syavika itulunĩ sya nthĩ.
19
Ĩndĩ ningũkũlya, Isilaeli matyaamanya? Mbee Mose easya, Ngamwĩw’ĩthya kĩwĩu na asu mate mbaĩ, Ngamũthatya na mbaĩ ĩte na ũmanyi,
20
Na Isaia nĩ ngũmbaũ nene, na easya, Nonekie nĩ andũ mataamantha; Naumila kwa ala mataangũlya.
21
Ĩndĩ kwondũ wa Isilaeli easya, Mũthenya mũima natambũũkĩsye moko makwa andũ matekwĩw’a, ala me na ngananĩo.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 11 →
All chapters:
1
2
3
4
5
6
7
8
9
10
11
12
13
14
15
16