bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Romans 11
Romans 11
Kamba (Mbivilia) 1956
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 12 →
1
Nĩngũkũlya indĩ, Ngai nĩwamavetie andũ make? Aiee, kũĩkethĩwe ũu. Nũndũ nyie nakwa nĩ Mũisilaeli, wa ũsyao wa Avalaamu, wa mbaĩ ya Mbenyamini.
2
Ngai ndaamaveta andũ make ala wesĩ kuma tene. Kana mũiĩsĩ ũndũ maandĩko measya ũndũ wa Eliya? Ũndũ emwĩsũva Ngai aivinganĩsya Isilaeli, aiasya:
3
Mwĩaĩi, nĩmooaie athani maku, nĩmaomboie ithembeo syaku; nakwa ndiele nĩ nyioka, nao memantha thayũ wakwa.
4
Ĩndĩ ũsũngĩo wa Ngai wĩmwĩa ata? Nĩtialĩlye andũ ngili. Mũonza, ala mataatulĩlya Mbaali ndu.
5
O na yu ĩvindanĩ yĩĩ kwĩ ũtialo kwĩanana na kũnyuvwa kwa mumo.
6
Ĩndĩ ethĩwa nĩ ũndũ wa mumo ti ũndũ wa meko ĩngĩ: ethĩwa ti ũu mumo nũtw’ĩkĩte ti mumo.
7
Kũilyĩ ata ĩndĩ? Kĩla Isilaeli wamanthaa, ndaakyona; ĩndĩ ala anyuve nĩmakyonie, na ala angĩ nĩmoomiw’e:
8
o ũndũ kũandĩkĩtwe, Ngai nĩwamanengie veva wa too, metho maikone, na matũ maikew’e, kũvika mũthenya ũũ wa ũmũnthĩ.
9
Na Ndaviti easya, Mesa yoo yĩthĩwe mũkwa na kĩtei, Na yĩthĩwe yĩ ũlulutĩkyo, na ũĩvo kwoo:
10
Metho moo maye mbindu, kana maikone, Noimakunamya mũongo woo matukũ onthe.
11
Ĩndĩ nĩngũkũlya, Malulutĩkile mavalũke? Aiee, kũikethiwe ũu: ĩndĩ ũndũ wa kũvalũka kwoo ũtangĩĩo nũvikĩe Andũ‐ma‐mbaĩ‐ingĩ, nĩ kana nao mekĩwe kĩwĩu.
12
Na ethĩwa kũvalũka kwoo nĩ ũthwii kwa nthĩ, na wasyo woo nĩ ũthwii kwa Andũ‐ma‐mbaĩ‐ingĩ; nĩ mbee veanata wĩanĩu woo?
13
Ĩndĩ nĩngũneena nenyu Andũ‐ma‐mbaĩ‐ingĩ. O ũndũ nyie nĩ mũtũmwa kwa Andũ‐ma‐mbaĩ‐ingĩ, nĩtaĩa ũthũkũmi wakwa;
14
nĩ kana ndonye kwa ũndũ o na wĩva kũmew’ithya kĩwĩu ala ma mbai yakwa, na kũtangĩĩa amwe moo.
15
Nũndũ ethĩwa kũvetwa kwoo nĩ kwiw’anithw’a kwa nthĩ. Kwĩtĩkĩlwa kwoo kũkethĩwa nĩ ata, ate o thayũ kuma kikw’ũnĩ?
16
Na ethĩwa mũtuo wa ũsyao wa mbee nĩ mũtheu, no ta ũu mũndo w’onthe naw’o: na ethĩwa kĩtina nĩ kĩtheu, mbonge nasyo no ta ũu.
17
Ĩndĩ ethĩwa mbonge imwe nĩsyatũlilwe, naku, yĩla waĩ mũthata wa kĩthekanĩ, wasamaniw’e katĩ wasyo, na watw’ĩkie mwosi vamwe nasyo wa kĩla kĩtina na ũnou wa ũla mũthata;
18
ndũkekathĩie ĩũlũ wa ila mbonge: ĩndĩ ethĩwa nũkwĩkathĩĩa, tuue ũkuaa kĩtina, ĩndĩ nĩ kĩtina kĩũkuaa we.
19
Ĩndĩ ũkasya, Mbonge nĩsyatũlilwe, nĩ kana nĩsamanw’e vo.
20
Ni w’o; kwa kũlea kwĩtĩkĩla kwoo nĩmatũlilwe, naku ũũngeme ũndũ wa kũĩkĩĩa kwaku. Ndũkethĩwe na kĩlĩko kĩ mĩtũlyo, ĩndĩ ĩthĩwa na w’ĩa:
21
nũndũ ethĩwa Ngai ndaaekana na mbonge ila syai vo, o naku ndakakũeka.
22
Sisya ĩndĩ ũseo na wai wa Ngai: kwa ala mavalũkile, wai; ĩndĩ kwaku, ũseo wa Ngai, ethĩwa ũkekalaa ũseonĩ wake: na ethiwa ti ũu o naku ũkatilwa.
23
Na asu nao, ethĩwa maikekala na kũlea kwĩtĩkĩla kwoo, makasamanw’a: nũndũ Ngai nũtonya kũmasaman’ya ĩngĩ.
24
Nũndũ ethĩwa we nĩwatililwe waumw’a mũthatanĩ, mũthata wa mũtuo wa kĩthekanĩ, na wasamaniw’e ũndũ ũtekawa nthĩnĩ wa mũthata mũseo; ti mbee mũno asu, ala maĩ mbonge kwa mũtuo woo, kũsamanw’a mũthatanĩ ũla woo ene?
25
Nũndũ ndikwenda, ana‐a‐asa, mũlee ũmanya nzama ĩno, nĩ kana mũĩkeyone ta mwĩ oĩ, atĩ wũmũ wa kilungu nĩwamakwatie Isilaeli, kũvika wĩanĩu wa Andũ‐ma‐mbaĩ‐ingĩ wĩvika;
26
na ta ũu Isilaeli onthe makatangĩĩwa: o ũndũ kũandĩkĩtwe, Ũla Mwovosya akooka kũma Saionĩ: Akaathũkya ũndũ ũte wa ũmũkĩa Ngai wume kwa Yakovo:
27
Na ũu nĩw’o ũtianĩo wakwa nao, Yĩla ngamavetea naĩ syoo.
28
Ngalĩ ya ũvoo mũseo, matw’ĩkĩte amaitha kwondũ wenyu: ĩndĩ ngalĩ ya kũnyuvwa, matw’ĩkĩte endwa kwondũ wa ala aasa.
29
Nũndũ mĩthĩnzĩo na wĩtano wa Ngai itialyũlawa.
30
O tondũ inyw’ĩ tene mũtaamwĩw’a Ngai, ĩndĩ yu nĩmwĩw’ĩwe tei nũndu wa kũlea kwĩw’a kwoo,
31
o ta ũu, nao yu matw’ĩkĩte mate ewi, nĩ kana kwondũ wa tei ũla mweew’ĩwe, nao matonye kwĩw’iwa tei.
32
Nũndũ Ngai nũmavingĩĩte onthe vamwe kũvikĩa kũlea kwĩw’a, nĩ kana atonye kũmew’ĩa onthe tei.
33
A! Kyũngũ kya ũthwii wa ũĩ na ũmanyi wa Ngai! Motw’ĩo make matamanyĩka, na nzĩa syake itamanthĩka!
34
Nũndũ nũũ ũla wamanyie kĩlilikano kya Mwĩaĩi? Kana nũũ ũla waĩ mũtai wake?
35
Kana nũũ ũla wambie ũmũnenga kĩndũ, na kũĩvwa ĩngĩ o kyo?
36
Nũndũ syĩndĩ syonthe syumaa kwake, na ĩngĩ syĩ kwondũ wake, na ialũkaa kwake. Ndaĩa nĩ yake tene na tene. Ameni.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 12 →
All chapters:
1
2
3
4
5
6
7
8
9
10
11
12
13
14
15
16