bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Romans 7
Romans 7
Kamba (Mbivilia) 1956
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 8 →
1
Kana mũiĩsĩ, ana‐a‐asa makwa (nũndũ nĩngũneena na ala mesĩ ĩla mĩao), kana mĩao ĩsumbĩkĩte mũndũ ĩvinda yĩla wĩ thayũ?
2
Nũndũ mũndũ mũka ũla wĩ na mũũme nĩwovetwe nĩ mĩao kwa mũũme ĩvinda yĩla mũũme wĩ thayũ; ĩndĩ ethĩwa mũũme akakw’a, nĩwathaw’a kuma mwĩaonĩ wa mũũme.
3
O ta ũu ethĩwa ĩvinda yĩla mũũme wĩ thayũ, akatwawa nĩ mũndũ ũngĩ, akeetwa kĩlaalai: indĩ ethĩwa mũũme nĩwakw’a, nũthaĩtw’e mwĩaonĩ, nake we ti kĩlaalai, o na atwawa nĩ mũndũ ũngĩ.
4
Kwondũ wa ũu, ana‐a‐asa makwa, nĩmwatwiwe akw’ũ kwa ĩla mĩao nũndũ wa mwĩĩ wa Klisto; nĩ kana mũtwawe nĩ ũngĩ, na nĩwe ũla wathayũũkiw’e kuma kwa akw’ũ, nĩ kana tũtonye kũmũsyaĩaa Ngai ũsyao.
5
Nũndũ yĩla twaĩ maũndũnĩ ma mwĩĩ, mimeo ya naĩ ĩla yaĩ kwondũ wa ĩla mĩao yeekaa mamuthanĩ maitũ kũvika kũsyaĩaa kĩkw’ũ ũsyao.
6
Ĩndĩ yu nĩtwaumiw’e mĩaonĩ, tũkw’ĩte kwa ũsu watũlũmitye; nĩ kana tũthũkũmae mwĩkalĩlenĩ mweũ wa veva, na ti mwĩkalĩlenĩ wa tene wa maandĩko.
7
Twĩasya ata ĩndĩ? Ĩla mĩao nĩ naĩ? Aiee, kũikethĩwe ũu. Ĩndĩ, ndyaĩ nĩmanya naĩ, ate o kwondũ wa ĩla mĩao: nũndũ ndyaĩ nĩmanya ĩtomo, ate o ĩla mĩao kwasya, Ndũkew’e ĩtomo:
8
ĩndĩ naĩ, yoona ũthei, yeeka nthĩnĩ wakwa mĩthemba yonthe ya itomo kwondũ wa ũla mwĩao: nũndũ vate mĩao naĩ nĩ ngw’ũ.
9
Nakwa naĩ thayũ tene ĩla mĩao ĩte vo: ĩndĩ ũla mwĩao wooka, naĩ yookĩla ĩngĩ, na nyie nakw’a:
10
na mwĩao, ũla waĩ wa kũete thayũ, ũsu nawona nĩ wa kĩkw’ũ:
11
nũndũ yĩla naĩ yonie ũthei, kwondũ wa ũla mwĩao, nĩyanzesengie, na kwondũ waw’o yambũaa.
12
Na kwondũ wa ũu ila mĩao nĩ mĩtheu, na ũla mwĩao nĩ mũtheu, na nĩ mũlũngalu, na nĩ mũseo.
13
Ĩndĩ ũla ũseo nĩwatw’ĩkie kĩkw’ũ kwakwa? Aiee, kũikethĩwe ũu. Ĩndĩ naĩ, nĩ kana yoneke kwĩthĩwa nĩ naĩ, nĩyatethisye wĩa wa kĩkw’ũ nthĩnĩ wakwa kwondũ wa ũla ũseo; nĩ kana kwondũ wa ũla mwĩao naĩ ĩtw’ĩke nthũku mũno.
14
Nũndũ nĩtwĩsĩ kana ĩla mĩao nĩ ya veva: ĩndĩ nyie nĩ wa mwĩĩ, nĩ mũthoosye naĩnĩ.
15
Nũndũ ũla nĩkaa ndimanyaa: nĩkwĩthĩwa ũla nendaa, ũsu ndiwĩkaa; ĩndĩ ũla nĩmenaa, ũsu nĩw’o nĩkaa.
16
Ĩndĩ ethĩwa nĩkaa ũla ndendaa, nĩĩtĩkĩla ĩla mĩao nĩ mĩseo.
17
Ĩndĩ yu ti nyie ĩngĩ nĩkaa, ĩndĩ nĩ naĩ ĩla ĩtwĩe nthĩni wakwa nĩyo yĩkaa.
18
Nũndũ nĩnĩsi nthĩnĩ wakwa, naw’o nĩ nthĩnĩ wa mwĩĩ wakwa, vaitwĩe ũndũ ũseo: nũndũ kwenda kwĩ vo, ĩndĩ kwĩka ũla ũseo kũivaĩ.
19
Nũndũ ũseo ũla ngwenda ndiwĩkaa; ĩndĩ ũthũku ũla ndendaa, nĩw’o nĩkaa.
20
Ĩndĩ ethĩwa nĩkaa ũla ndendaa, tii nyie ĩngĩ nĩkaa, ĩndĩ nĩ naĩ ĩla ĩtwĩe nthĩnĩ wakwa.
21
Nonete ĩndĩ mwĩao ũũ, kana, kwakwa ngyenda kwĩka nesa, ũthũku wĩ o vo.
22
Nũndũ nĩtanĩaa ĩla mĩao ya Ngai mũndũnĩ wa nthĩnĩ:
23
ĩndĩ nĩona mwĩao wa mũthemba ũngĩ mamuthanĩ makwa, ũla wũkitaa na ũla mwĩao wĩ kĩlilikanonĩ kyakwa, na nũndavĩte ũkambĩkĩa mwĩaonĩ wa naĩ ũla wĩ mamuthanĩ makwa.
24
Mũndũ mũthĩni ninyie! Nũũ ũla ũtonya kũndangĩĩa kuma mwĩĩnĩ wa kĩkw’ũ kĩĩ?
25
Nĩmũtũngĩa Ngai mũvea nĩ ũndũ wa Yesũ Klĩsto Mwĩaĩi waitũ. Kwondũ wa ũu nyie mwene nĩthũkũmaa ĩla mĩao ya Ngai na kĩlilikano kyakwa: ĩndĩ mwĩĩnĩ wakwa nĩthũkũmaa ũla mwĩao wa naĩ.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 8 →
All chapters:
1
2
3
4
5
6
7
8
9
10
11
12
13
14
15
16