bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Romans 16
Romans 16
Kamba (Mbivilia) 1956
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
1
Nĩngũmũĩkĩĩthya kwenyu Voevi mwĩĩtu‐a‐asa waitũ, nake nĩ mũthũkũmi wa ĩkanisa yĩla yĩ Kengalea:
2
nĩ kana mũmwose nthĩnĩ wa Mwĩaĩi, o ũndũ atheu maĩlwe, na ĩngĩ mũmũtethye ũndũnĩ o na wĩva ũla wĩĩthĩwa e na vata naw’o kwenyu: nũndũ nake mwene aĩ mũtethya wa aingĩ, o na wakwa mwene.
3
Ngethesyai Vilisika na Akwila atethya ma wĩa vamwe nakwa nthĩnĩ wa Klĩsto Yesũ,
4
nao nĩmeeyũmbanĩtye kũtilwa mĩtwe yoo kwondũ wa thayũ wakwa; nĩ na mũvea kwoo, na tii nyie nyioka, ĩndĩ makanisa onthe ma Andũ‐ma‐mbaĩ‐ingĩ vamwe nakwa:
5
na ngethesyai ĩkanisa yĩla yĩ nyũmba kwoo. Ngethesyai Evaeneto mwendwa wakwa, nake nĩ ũsyao wa mbee wa nthĩ ya Asia kwa Klĩsto.
6
Ngethesyai Meli, ũla watethisye wĩa mwingĩ kwondũ wenyu.
7
Ngethesyai Andeloniko na Yunia, andũ ma mbaĩ yakwa, nao maĩ ove vamwe nakwa, nao nĩmawetawa nesa nĩ atũmwa, o na ĩngĩ maĩ nthĩnĩ wa Klĩsto mbee wakwa.
8
Ngethesyai Ambiliato, mwendwa wakwa nthĩnĩ wa Mwĩaĩi.
9
Ngethesyai Ulivano, mũtethya wa wĩa vamwe naitũ nthĩnĩ wa Klĩsto, na Sitakisi mwendwa wakwa.
10
Ngethesyai Avele ũla mwĩtĩkĩle nthĩnĩ wa Klĩsto. Ngethesyai ala ma nyũmba ya Alisitovulo.
11
Ngethesyai Elotioni wa mbaĩ yakwa. Ngethesyai ala ma nyũmba ya Nalikiso, asu ala me nthĩnĩ wa Mwĩaĩi.
12
Ngethesyai Tilivena na Tilivosa, ala matethasya wĩa wa Mwĩaĩi. Ngethesyai Velisi mwendwa, ũla watethisye wĩa mũno nthĩnĩ wa Mwĩaĩi.
13
Ngethesyai Luvusi, mũnyuve nthĩnĩ wa Mwĩaĩi, na inyia wake, nake nĩ mwaitũ.
14
Ngethesyai Asingilito, Velekona, Elime, Vatelova, Elima, na ana‐a‐asa ala me vamwe nao.
15
Ngethesyai Viloloko na Yulĩa, Neleo na mwĩĩtu‐a‐inyia, na Olimba, na atheu onthe ala me vamwe nao.
16
Kethan’yai ene kwa ene na ũmumunyano mũtheu. Makanisa onthe ma Klĩsto nĩmamũkethya.
17
Ĩndĩ nĩmwĩsũva mũno, ana‐a‐asa, maketeeei asu ala maetae motaanĩsyo na molulutĩkyo, matosana na ũmanyĩsyo ũla mwamanyĩiw’e: na ĩthyũũei na kũmatia.
18
Nũndũ ala mailyĩ ta asu maimũthũkũmaa Mwĩaĩi waitũ Klĩsto, ĩndĩ no mavu moo ene; na ĩngĩ kwondũ wa ndeto syoo nduu na sya kwendeesya nĩmakengaa andũ ala mate na ũthũku.
19
Nũndũ wĩwi wenyu nũũtũnganĩte kwa andũ onthe. Na kwondũ wa ũu nĩtanaa nũndũ wenyu: ĩndĩ nĩngwenda mwĩthĩwe mwĩ oĩ kwa maũndũ ala maseo, na mwĩthĩwe mũte na ũmanyi kwa ala mathũku.
20
Na Ngai wa mũuo akamũtumba Satani ungu wa nyaĩĩ syenyu mĩtũkĩ. Mumo wa Mwĩaĩi waitũ Yesũ Klĩsto nĩwĩthĩwe nenyu.
21
Timotheo mũtethya wa wĩa vamwe nakwa nĩwamũkethya; na Lukio na Yasoni na Sosiveteli ma mbaĩ yakwa.
22
Nyie Telitio, ũla waandĩka valũa ũũ, nĩngũmũkethya nthĩnĩ wa Mwĩatĩ.
23
Kaio mũthokya wakwa, na wa ĩkanisa yonthe, nĩwamũkethya. Elasito, ũla mũsũvĩi wa mbesa sya ndũa, nĩwamũkethya, na Kwalito mwana‐a‐asa.
24
(Mumo wa Mwĩaĩi waitũ Yesũ Klĩsto nĩwĩthĩwe na inyw’onthe. Ameni.)
25
Na yu kwa ũla ũtonya ũmũlũlũmĩlya, kwĩanana na ũvoo mũseo wakwa na ũtavan’yo wa Yesũ Klĩsto, kwĩanana na ũvuan’yo wa ĩla nzama yavithĩtwe vyũ mavindanĩ ma tene tene,
26
ĩndĩ ĩvinda yĩĩ nĩyonanĩtw’e maandĩkonĩ ma athani, kwĩanana na mwĩao wa Ngai wa tene na tene, nĩmanyĩthĩtw’e mbaĩ syonthe kũvikĩa wĩwi wa mũĩkĩĩo:
27
kwa Ngai ũla mũĩ weka, nthĩnĩ wa Yesũ Klĩsto, kwake kwĩthĩwe ndaĩa tene na tene. Ameni.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
All chapters:
1
2
3
4
5
6
7
8
9
10
11
12
13
14
15
16