bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Romans 8
Romans 8
Kamba (Mbivilia) 1956
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 9 →
1
Ĩndĩ yu, kwondũ wa ũu, kũi ũsilĩlo nongi ĩũlũ wa ala me nthĩnĩ wa Klĩsto Yesũ.
2
Nũndũ mwĩao wa Veva wa thayũ ũla wĩ nthĩnĩ wa Klĩsto Yesũ nũnthaĩtye kuma mwĩaonĩ wa naĩ na wa kĩkw’ũ.
3
Nĩkwĩthĩwa ũndũ ũla ũtaatonya kwĩkwa nĩ ĩla mĩao, kwa kwĩthĩwa yaĩ mĩvũthũ kwondũ wa mwĩĩ, Ngai, ũndũ wa ũmũtũma Mwana wake mwene na mũvw’ano wa mwĩĩ wa naĩ, na kwondũ wa naĩ, nĩwasilĩle naĩ mwĩĩnĩ:
4
nĩ kana ũtw’ĩo wa ĩla mĩao ũtonye kwĩanĩw’a nthĩnĩ waitũ, ithyĩ ala tũtavikĩlaa maũndũ ma mwĩĩ, ĩndĩ nĩtũvikĩlaa maũndũ ma Veva.
5
Nũndũ ala mavikĩlaa mwĩĩ malilikanaa maũndũ ma mwĩĩ; ĩndĩ ala mavikĩlaa Veva malilikanaa maũndũ ma Veva.
6
Nũndũ kũlilikana kwa mwĩĩ nĩ kĩkw’ũ; ĩndĩ kũlilikana kwa Veva nĩ thayũ na mũuo:
7
nĩkwĩthĩwa kũlilikana kwa mwĩĩ nĩ ũmaitha na Ngai; nũndũ kũikwĩnyivya mĩaonĩ ya Ngai, o na ĩngĩ kũitonyeka:
8
na ala ma mwĩĩ maitonya kũmwendeesya Ngai.
9
Ĩndĩ inyw’ĩ mũi ma mwĩĩ, ĩndĩ mwĩ ma Veva, ethĩwa nĩ w’o kana Veva wa Ngai atwĩe nthĩnĩ wenyu. Ĩndĩ ethĩwa mũndũ o na wĩva nde na Veva wa Klĩsto, ũsu ti wake nongi.
10
Na ethĩwa Klĩsto e nthĩnĩ wenyu, mwĩĩ nĩ mũkw’ũ kwondũ wa naĩ; ĩndĩ veva wĩ thayũ kwondũ wa ũlũngalu.
11
Ĩndĩ ethĩwa Veva wa ũla wamũthayũũkisye Yesũ kũmumya akw’ũnĩ nũtwĩe nthĩnĩ wenyu, ũla wamũthayũũkisye Klĩsto Yesũ kũmumya akw’ũnĩ akamĩnenga thayũ mĩĩ yenyu ĩla ĩkusaa, kwondũ wa Veva wake ũla ũtwie nthĩnĩ wenyu.
12
Kwondũ wa ũu ĩndĩ, ana‐a‐asa makwa, twĩ na thiĩ, ti wa mwĩĩ, kwĩkalya mathayũ maitũ kũatĩĩa maũndũ ma mwĩĩ:
13
nũndũ ethĩwa mwĩkala kũatĩĩa maũndũ ma mwĩĩ, mũitĩa kũkw’a; ĩndĩ ethĩwa kwondũ wa Veva mũkooaa meko ma mwĩĩ, mũkeethĩwa thayũ.
14
Nũndũ onthe ala matongoeaw’a nĩ Veva wa Ngai, asu nĩ o ana ma Ngai.
15
Nũndũ mũiaaosa veva wa ũkombo ĩngĩ ũetae w’ĩa; ĩndĩ nĩmwoosie veva wa kũtuwa ana, kwondũ wa ũu nĩtwĩkaĩlaa, tũkyasya, Nau, Asa.
16
Ũla Veva mwene akũsĩĩaa vamwe na maveva maitũ, kana ithyĩ twĩ syana sya Ngai:
17
na ethĩwa twĩ syana, twĩ atiĩwa; atiĩwa ma Ngai na atiĩwa vamwe na Klĩsto; ethĩwa nĩw’o kana tũkanyamaaw’a vamwe nake, nĩ kana tũtonye naw’o kũtaĩwa vamwe nake.
18
Nũndũ nĩtalaa mathĩna ma ĩvinda yĩĩ matiaĩle kũvw’ananw’a na ũtheu mũtisu ũla tũkavuanĩw’a ithyĩ.
19
Nũndũ syũmbe syonthe isyaĩĩsyaa mũno ikyeteela ana ma Ngai monanw’e.
20
Nũndũ syũmbe isumbĩkĩtwe nĩ wanangĩko, ti kwa kwenda kwasyo, ĩndĩ nĩ kwondũ wa ũla waitw’ĩĩe ũu, wĩkwatyonĩ:
21
nĩkwĩthĩwa syũmbe nasyo ikathaw’a kuma ũkombonĩ wa wanangiko, kũlika ũthasyonĩ wa ũtaĩo wa syana sya Ngai.
22
Nũndũ nĩtwĩsĩ kana syũmbe syonthe ilumaa na kwaũnyw’a nĩ woo vamwe kũvika o na yu.
23
Na ti ũu w’oka, ĩndĩ ithyĩ naitũ ala twĩ na mosyao ma mbee ma Veva, o naitũ ene nĩtũlumaa nthĩnĩ waitũ, tũkyeteela kũtuwa ana, nakw’o nĩ wovosyo wa mĩĩ yaitũ.
24
Nũndũ wĩkwatyonĩ nĩtwatangĩĩwe: ĩndĩ wĩkwatyo wenekee ti wĩkwatyo: nũndũ nũũ wĩkwatasya kĩla wene?
25
Ĩndĩ ethĩwa twĩĩkwatya kĩla tũtene, nĩvo ĩndĩ tũkyeteelaa na wũmĩĩsyo.
26
Na ĩngĩ o ta ũu ũla Veva nũtũtetheeasya wonzunĩ wĩtũ: nũndũ tũtyĩsĩ kũvoya tondũ twaĩlwe; ĩndĩ ũla Veva mwene nũtũvoyeaa na kũluma kũtaweteka;
27
nake ũla ũmanthaa ngoonĩ nĩwĩsĩ kwenda kwa Veva ũndũ kũilyĩ, nĩkwĩthĩwa avoyeaa atheu kwĩanana na kwenda kwa Ngai.
28
Naitũ nĩtwĩsĩ maũndũ onthe mekaa vamwe na kũete moseo kwa ala mamwendaa Ngai, kwa ala meetiwe kwĩanana na kwenda kwake.
29
Nĩkwĩthĩwa ala wesĩ kuma tene, asu nĩo wanyuvie kuma tene nĩ kana mavw’ananw’e na mũvw’ano wa Mwana wake, nĩ kana we ethĩwe mũsyawa wa mbee katĩ wa ana‐a‐asa aingĩ:
30
na ala wanyuvie kuma tene, asu nĩo wametie: na ala wetie, asu nĩo wamatalĩle ũlũngalu: na ala wamatalĩle ũlũngalu, asu nĩo wamataĩe.
31
Twĩasya ata ĩndĩ maũndũnĩ asu? Ethĩwa Ngai e ngalĩ ĩla yaitũ, nũũ ũla ũtwĩka ũndũ?
32
We ũla ũtaamwĩw’ĩa tei Mwana wake mwene, ĩndĩ amumisye kwondũ witũ ithyonthe, akaeka ata kũtũnenga mana syĩndũ syonthe nthĩnĩ wake?
33
Nũũ ũla wĩmavinganĩasya anyuve ma Ngai? Ngai nĩwe ũmatalĩlaa ũlũngalu.
34
Nũũ ũla wimasilĩlaa? Klĩsto Yesũ nĩwe wakwie, ĩĩ na kũvĩtũka ũu, nĩwathayũũkiw’e kuma akw’ũnĩ, na e ngalĩ ya kw’oko kwa aũme kwa Ngai, na ĩngĩ nĩwe ũtũvoyeaa.
35
Nũũ ũla witũvathanasya na wendo wa Klĩsto? Nĩ monyamao, kana woo, kana thĩna, kana yũa, kana ndwĩkĩwa, kana mũisyo, kana ũvyũ?
36
O ũndũ kũandĩkĩtwe. Kwondũ waku twĩũawa mũthenya w’onthe; Nĩtũtalawa kwĩthĩwa malondu ma kũawa.
37
Aiee, maũndũnĩ asu onthe nĩtũkĩlya vinya mũno kwondũ wa ũla watwendie.
38
Nũndũ nĩnĩsĩ vyũ, kana kĩkw’ũ, o na thayũ, o na alaĩka, o na monene, o na maũndũ ma yu, o na ala makoka, o na mavinya,
39
o na ũtũlu, o na ũliku, o na kĩla kyoombiwe kyonthe, kĩtitonya kũtũtaan’ya na wendo wa Ngai, ũla wĩ nthĩnĩ wa Klĩsto Yesũ Mwĩaĩi waitũ.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 9 →
All chapters:
1
2
3
4
5
6
7
8
9
10
11
12
13
14
15
16